أضف سؤال أو موضوع جديد          

هل تشتري سياره نظام تأجير وأنت عليك ديون والا تمشي حالك

up 7 down 3
ابوتركي787 125
قبل 4 سنه و 8 شهر



السلام عليكم

موضوع للنقاش 

هل تشتري سياره نظام تأجير وأنت عليك ديون ووراك زواج  ومصاريف  والا تمشي حالك  حالك بسيارتك وكل يوم من ورشه لورشه 
وكل شهر حاط عليها مبلغ وقدره  ومتورط بالمزينات وتدفع ثمن الايام الي ماعندك سياره فيها  ؟

ناس تقول نفس الفكره المبلغ الي بحطه بالتصليح ادفعه قسط  

وناس تقول امشي حالي ولا التزم بمبلغ وقدره وابلش بخمس سنوات 

ياليت كل واحد يعطيني وجهه نظره بالموضوع  وشكراً 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


و الله شوف برائي خليك معتدل و خذ الحل الأوسط.... بيع السيارة اللي عندك و زود عليه مبلغ زي 5000 الاف و ان شاء الله تحصل لك شي نظيف و كاش
و بدون اقساط و تفتك من سياراتك القديمة....

اما وراك زواج و مصاريف و تبغى تاخذ اقساط اشوفها صعبة... و هي تعتمد على راتبك اذا يكفيك و حسبتها صح توكل و خذلك شي جديد اما راح تنزنق فخذ شي مستعمل و سعره يكون طيب و تكون سيارة خدومة زي الماركيز 1999 او 2000 
او يارس 2007 او 2008 او صني او اكسنت 2008 ....

و موفق ان شاء الله

1+


up 7 down 1
the son of the kingdom 929
قبل 4 سنه و 8 شهر



انحش من دين الدين فوقه دين انا كنت بطلع ماكسيما 2014 اخر دفعه وعليها عرض بس ديون بلوه  بس قلت اجلس على سيارتي ابرك لي لن نصحوني ناس كثيره 

وانت على حسب مقدرتك وراتبك يعني مثلن لو تبي سياره اكسنت تاخذها عن طريق البنك الراجحي قصدها 800 ريال  فااهذي ممكن طيبه لون بعض الناس سوو حركه هذي ويقول ياليتني ماخذيت اكسنت لنه راعي خطوط وابتلش فيها 

يعني واحد على حسب مقدرته فيه ناس ماعندها مشكله عنده راتب كبير وتجاره مافكر لو يقسط جيب لكزس  قصده 4000ريال وعنده عماره ولا فكر  انا اعرف شخص سوها  يعني ناس ماهي سواسيه مقامات  بس دين والله ان شين 


up 1 down 2
سكودر 14936
قبل 4 سنه و 8 شهر



هلا اخوي 
اولا انت لازم تحسب حسابك صح
يعني انت راتبك متواضع والسياره
تصرف عليها كثيربعها ولو قدرت تزود
 عليها كويس وحطها بدفعه اولي
او خذ لك مستعمل نظيف
 لازم تحسب حسابك 
راتبي
التزاماتي
ظروفي
وبعدها توكل على الله تعالى


up 0 down 0
نظره امل 398
قبل 4 سنه و 8 شهر



ممكن تاخذ اكسنت ولا يارس تمشي حالك فيها
مو شرط اي سياره مستعمله راح توديك للورش

مشكلتنا احنا مانوزن الامور ولانفكر صح

يعني يكون معي 20 الف
ووراي زواج ومصاريف وديون وماعندي سياره

فليه اخذ سياره جديده وادفع دفعه اولى 20 الف واقسط 5 سنوات ؟
عشان اهرب من السيارات المستعمله اللي بتوديني الورش ؟

طيب ممكن اشتري سياره ب20 الف نظيفه تمشيني يارس اكسنت ريو 

مو شرط اشتري مستعمل بي ام دبليو واقول مشكله والله بتوديني ورش خلني اخذ جديد ؟

لاتعقدها وخذل شي على قد حالك


الا الدين الا الدين. انا ما احب. اي دين. مررره.    اذا كان المرتر كل شوي يخرب ابيع الموتر وامشي حالي ددسن.  هايلوكس.  هاذي المواتر.  ماتعرف الخراب.  والاكسنت الخ


up 0 down 0
مراجل2 95
قبل 4 سنه و 8 شهر



سكودر جيت اعطيت  دسلايكو بعدين اغير لايك بس قالي لا يمكن تقييمك مرتين :)


up 0 down 2
the son of the kingdom 929
قبل 4 سنه و 8 شهر



صباح الخير حبايبي 
ياطويل العمر لاتتوهق زي ماتوهقت انا مطلع 70 الف من البنك الاهلي ومطلع 45 من بنك التسليف
وشوفني متورط ينهبون الراتب نهب مايزود من راتبي الا 2700 ولا بعد وراي زواج السنه الجايه
ويااااااااليل مطووووووولك الله يعين تكفى ياخوك افتك من القروض والاقصاد
انت في غنى عنها دبرلك عشرين ولا 25 الف خذلك كامري 2001
ولا خذلك صني 2010 ولا يارس 2011 كلها حلوه وخدومه ووفر راتبك لك ولهلك ولزواجك
هاذي نصيحتي لك والله يوفقك ويوفق جميع الاعضاء
وتحياتي للجميع 


up 4 down 0
الرفاعي33 13854
قبل 4 سنه و 8 شهر



افادوك الاعضاء يبض الله وجيهم 

ييقولك الدين عما  عين 

الزواج مصاريف يارجل تصبر ع موترك او بعه وخذلك موتر اقصتادي مستعمل اكسنت او صني من السيارات الصغيره 

والله يوفقك ويسهل عليك


up 2 down 0
fawaz__11 534
قبل 4 سنه و 8 شهر



نصيحة ابعد عن الدين هم بالليل ومذلة بالنهار
خمس الاف انفص سيارتك نفض من الصدام
الى الصدام حتى القطعة اللي فيها نص عمر
وعند خرابها تخرب غيرها غيرها ..
واذا تزوجت إن شاء الله وخايف تتعطل سيارتك
خذلك سيارة ايجار اخر مديل فرفش ونبسط
بشهر العسل وريح بالك باقي الشهور .
ومبروك مقدماً 


up 2 down 0
أبو-حاتم 136
قبل 4 سنه و 8 شهر



مد لحافك على قد رجولك 


up 0 down 0
eng.mob 127
قبل 4 سنه و 8 شهر



لاتلخبط نفسك وخذها 
حبه
حبه


up 0 down 1
الجهني-rc -131
قبل 4 سنه و 8 شهر



من تجربة سالفة إنك كل شهر في الصناعية بالمستعمل أكبر كذبة
مشكلتنا الواحد يشتري السيارة المستعملة ولا يسوي لها صيانة كاملة شاملة (يجددها)
وعضلات السيارة تعتبر موصولة ببعض والخراب إذا كان في جهة وأهملته راح يؤثر على الجهة المقابلة ومع الوقت السيارة تتهربد وتفتح فمها
إذا بتشتري مستعمل حط ببالك أقل شي 5000 ريال صيانة وإنفض الموتر نفضة وحدة وصدقني بعدها ما تغير إلا فحمات وزيت من تجربة مع سيارتين مستعملة


up 3 down 2
بياع حراجات 870
قبل 4 سنه و 8 شهر



والله يااخوان من بعد ماشفت اسعار السيارات جديدة ومستخدمة ان صرت احمد ربي على سيارتي 
الحمد لله والشكر 
والدين دين قسط قليل والا كثير يبقى هم 
والسيارة الجديدة حلاوتها في شهورها الاولى وبعد كذا تكرهها لانها اقساط 
وياليت كل واحد منا دايم يدعي هالدعاء 
اللهم بارك لي في نفسي وفي صحتي وفي بدني 
وبارك لي في مالي 
وبارك لي في سيارتي 

ادعوا بالبركة لاموركم كلها وشوفوا النتائج 




up 1 down 1
أبو عبد الله 2 340
قبل 4 سنه و 8 شهر



السيارات بنظام "الايجار المنتهي بالتمليك" سبحان الله ما فيها بركة أبداً

وأنا أتكلم لك من خلال تجربة شخصية لسيارتين والله العظيم ما يخلص

عقد السيارة الا وهي معدومة يا بحادث يا تفتح فمها خرابات 

نصيحتي لك وش لك بالديون والعثاء انفض الموتر مرة وحدة

وترتاح عقبها وأنا سويتها بالماركيز عندي حطيت فيه حول 7000 الاف

صيانة غيرت كل شي استهلاكي وارتحت عقبها 4 سنوات ما طلب شي




up 2 down 0
بسكوت اوريو 230
قبل 4 سنه و 8 شهر



شف لك احد من اقاربك يسلفك مبلغ 30 او 40 تشتري سيارة 

بيع سيارتك الحاليه واعطه قيمتها 

ورجع له المبلغ الباقي اقساط كنها عالبنك بس لازم تلتزم لقريب 

ابوك اخوك عمك المهم شف لك احد يساعدك 


up 0 down 0
anm6868 118
قبل 4 سنه و 8 شهر



بيض الله وجيهكم وماقصرتو الله يوفقكم وييسر اموركم 


up 1 down 1
ابوتركي787 125
قبل 4 سنه و 8 شهر



السلام عليكم ، ياخي وش الي حادك تاخذ دين عشان سياره ?  خذلك اكسنت ما تسوى ١٤ الاف مكيف وموتر صبور مدري ليه فيه ناس تحمل نفسها مالا تطيق ، والله يعينك لكل خير ويهدينا اجمعين


up 0 down 0
١تركي بن عبدالله١ 10
قبل 4 سنه و 8 شهر