أضف سؤال أو موضوع جديد          

تظليل السيارة

up 5 down 1
moathyaseen 1393
قبل 7 سنه و شهر



السلام عليكم جميعا ........
بالنسبة يا شباب لتظليل السيارة
رحت الغرابي قبل 5 اشهر تقريبا
ظللت السيارة حسب ما يقولو الشباب انه مسموح 01 و 02
قلت للي ظللي يحط الزجاج الامامي 01 والخلفي 02
التظليل والله انه مهو كاتم يعني اي واحد يقدر يشوفني وانا بداخل السيارة
حتى الزجاج الخلفي ما لمسته يعني خليته بدون تظليل
المهم وانا جاي من الاجازة بعد طريق حائل كان فيه حاجز قلي العسكري عطني اوراقك وصف على جنب
قلي انت مظلل ، قلتله نعم التظليل 01 الامامي
قلي حتى ممنوع - قلتله ياخي تقدر تشوفني مهو كاتم وبعدين انا على طريق سفر
قلي لا بخالفك يعني بخالفك
بعد شوي الا ييجي واحد مكتتتتتتتتم السيارة كاملة - ولا فتح فمه بكلمه
المهم انا سكتت قلت هالحين بيستحي على وجهة ويقلي خلص روح
المهم اعطاني المخالفة وقلت حسبي الله ونعم الوكيل
يعني على اي اساس يعطي مخالفات
على المزاج يعني - هذا مهو عاجبني يعطيني مخالفة
مع العلم انه لما وقفني كنت لابس الحزام والسيارة ما عليها اي ملاحظة
بس يقول في نفسه هذا شايف نفسه خلني اعطيه مخالفة
مع اني قايله خلني اشيل التظليل ولا تعطيني مخالفة لكن ما رضي
المهم افكر باني اشيل التظليل عشان ما يتفلسف علي احد واموري كلها بالسليم
بدفع 300 ريال اول ما تنزل المخالفة وبفك التظليلة
اعطوني رأيكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


سيارة اخوي كانت معاي وكان مضلل 01
مسكوني فالرياض وقال ممنوع حتى 01
قلت اصلا انا ماعمري ركبت تظليل واكره التظليل بس السياره حقت اخوي واذا ناسبك ترا اشيله وفكنا من المخالفه
رحت شلته ومشيت

ايضا مدري وش اللي عاجبكم فالتظليل
الؤيه تنعدم وماتقدر تشوف شي خصوصا فالليل

واغلب المظلين الاحظ على سواقتهم عدم الانتباه واوقات يخشون علي غلط خصوصا بالليل بسبب التظليل

انا لو لي سلطه بهالبلد الغي التظليل الاماميه بشكل نهائي 
عندنا السواقه كلها غشامه ودلاخه
يزيدون يحطون تظليل ويبلشون بحوادث بسبب هالتظليل الله لايعيده


up 3 down 3
شويخ من أرض مكناس 2824
قبل 7 سنه و شهر



يبن الحلال ما فيه نظام واضح بهالخصوص .. وبالنسبه للتضليل انا شخصيا ما ارتاح بالسواقة والسيارة مضللة ولكن الملاقيف واجد !!


up 3 down 2
y.m.g 47
قبل 7 سنه و شهر



انا مكتم السيارة ، مايوقفوني كثير الدوريات ، لاكن اذا اخذ مخالفات اكلم واحد في المرور يمسحها .
عموما اذا تضليلك خفيف بحيث يقدر يشوفك الشخص اللي خارج السيارة فهذا يعني ان تظليلك غير مخالف 
بغض النظر 01 ولا 02 اهم شي الرؤية .

اذا المخالفة هاليومين بحيث انها مادخلت في النظام فهالحالة اقدر اساعدك ارسل لي رقم المخالفة ع الخاص.
واذا المخالفة لها فترة عندك امكانية ترفع شكوى لهيئة الفصل في المخالفات .


up 1 down 8
fqff33 76
قبل 7 سنه و شهر



والله اني محتار اركب تضليل وﻻ ﻻ 


up 2 down 0
ابواحمد.2007 2086
قبل 7 سنه و شهر



ياخي شل التظليل وريح نفسك من المخالفات
انا كنت اظلل خفيف موكتم وشلته وارتحت كل يوم طاب بنقطة تفتيش مخالفه
يأخي خلك ذكي ولاتخليهم يعطونك مخالفة فك نفسك من المخالفات
شل تظليل اربط الحزام وخل امورك نظاميه وريح راسك
وصراحه اللي يظللون كتم المفروض مو مخالفه المفروض جلد عند النقطه لين يتربى
مدري كيف يشوف ومستاتس ولاحظت اكثر من شاب مظلل كتم بالحاره واكثر طلعاتهم بالسياره من المغرب الى الفجر
يعني مايحتاج 



up 1 down 2
السيدالمحترم 547
قبل 7 سنه و شهر



خذلك ستاير تظليل وتراها عمليه ومفيده وانتهت السالفه مالك ومال وجع الراس والتفاتيش 


up 1 down 0
العلم نت 125
قبل 7 سنه و شهر



زيرو 2 على الجوانب وزيرو 1 امامي بيخلي السيارة غامقه .. 
انا كنت مجربها وجيت نقطة تفتيش وما معي رخصه والسيارة بالمرة صعب تشوف الي بداخلها قالي هات اوراق السيارة والرخصه 
اعطيته كل شي ماعدا الرخصه قال وقف ع اليمين .. < هنا قلبت نفسيه هههههه خايف من المخالفه .. 
قالي ليه مظلل قلتله هذا اخفف تظليل .. قالي لا تحط شي على القزاز الامامي فك التظليل وامسك اوراقك وطلع رخصه باقرب وقت 
انت بدون رخصه ومظلل يعني فيها تسطيح .. قلتله ابشر ومشاني
الله يوفقه وين ماكان .. 


up 1 down 0
ليزو 481
قبل 7 سنه و شهر



صاحب الموضوع معليش على هالسؤال 

وش جنسيتك؟؟


up 0 down 2
face.care 230
قبل 7 سنه و شهر



لا01 ولا غيره 
بس بعض العسكر تجي وهو قافله معه ويخط حرته بالناس 
والله نادر تلقى ولد حلال 
انا مره مظلل كامل السياره ورقفني وهي عازل 
قال شيله ومدري وش 
قلت مو حاجب الرؤيه ولاشي 
قال حاجب ولا مو حاجب تراك بتفكه
ومر خويه منزل السياره وكتم والله ماتميز الي فيها
ولا قال شي
قلت والله مافكه دام خريك مر واحنا لنى الله
وانقلب وجهه ومشيت ^_^
لاتعطيهم وجه بعض الناس الله يهديه يحسسك ان للعسكري فضل عليه
 


up 0 down 2
علاوي555 542
قبل 7 سنه و شهر



أخ fqff33
بالنسبة للمخالفة ما نزلت بعد
وما اعرف شلون ابعثلك رسالة عالخالص
ممكن تبعثلي رقمك
رقمي 0565432113




up 0 down 0
moathyaseen 1393
قبل 7 سنه و شهر



مركز ستة نقاط للعناية الشاملة للسيارات
Six Points
نقدم لكم أفضل منتجات ذو الجودة العالية
العزل الحراري : مقدم من شركة Express Window Films الامريكية ~
# مواصفات عازل الحراري افلام النانو سيراميك ↙ :
● تعزل درجة حرارة الشمس بنسبة ( 86% ) .
● تعزل الاشعة تحت الحمراء بنسبة ( 98% ) .
● تعزل الاشعة فوق البنفسجية بنسبة ( 99% ) .
● تسمح للضوء المرئي , الشفافية , بنسبة ( 73% ) .
✦✦
# مميزات عازل الحراري افلام النانو سيراميك ↙ :
● تسمح بتشغيل كافة وسائل الاتصال الحديثة .
● تخفض وهج الشمس ومن بهتان الالوان الداخلية .
● غير قابلة للخدش ومقاومة لكسر الزجاج .
● خالي من المعادن والألوان المعاكسة .
● متوفر بألوان : شفافة , متوسطة , داكنة .
✦✦
# خدمة مابعد البيع , ( الضمان ) ↙ :
ضمان عازل الحراري افلام النانو سيراميك ضماناً مفتوحاً وتشمل ↙ :
● تغيير اللون .
● فشل اللآصق .
● التأكسد والتآكل .
☼ ويتيح الضمان تركيب بديل جديد مجانا ☼
✦✦
- للتواصل والاستفسار /
فواز ( 0590077341 )


up 0 down 0
yeloo -2
قبل 4 سنه و 4 شهر