أضف سؤال أو موضوع جديد          

زيارتي للمعارض وحالة السوق

up 5 down 1
شليطيح 5019
قبل 6 سنه و 6 شهر



السلام عليكم 

اليوم العصر رحت لمعارض النسيم علشان ابيع كسرتي الباثفندر لاني ناوي اعتقة المهم السوق فاضي مهب مثل اول حتى الشريطية قليلين وبعد ماوقفني شريطي ويساوم سألتة قلت له وش فيه السوق قالي خلاص معد فيه خير قلت ليش قال كل شي ارتفع يقصد نقل الملكية + التأمين يقول الحين اقل تأمين ب800 والنقل ب500 يعني 1300 يقول من زمان كان التامين 300 والنقل 150 يعني كلها ما توصل 500 لكن الحين لما تشتري سيارة تدور مكسب 2000 او 3000 تعمل حساب 1300 بتنخصم منك 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المشكلة مو هنا الشريطيه اذا تركو المعارض بعد ما خربو أم الشغله كلها على وين بيحولون تجارتهم قولتك "الله يستر"


up 1 down 0
face.care 230
قبل 6 سنه و 6 شهر



الشريطي ماقالك الصراحه 
بالعكس الحين افضل من اول 
النظام اول كل سيارة تشتريها لازم تأمنها والحين التأمين والفحص مرصود بالنظام بمعني لو تشتري سيارة مأمنه ومفحوصه ماتدفع
الا حق النقل 400 ريال 


up 4 down 1
سليمان بن محمد2018 59
قبل 6 سنه و 6 شهر



صحيح كلامك انت توحي بس الاغلبية يكون غير مأمن وانا لما سألني لاتأمين ولا فحص  زين ان الاستمارة ما انتهت بعد ههههه


up 1 down 0
شليطيح 5019
قبل 6 سنه و 6 شهر



انا كان في راسي مشروع 
ادخل في تجاره السيارات 
اشتري في السيارات القديمه واصلحها بما اني ميكانيكي وارجع ابيعها واترزق الله 
لكن شكلي بهون دام السوق ركود ومعد فيه خير


up 1 down 0
majed112345 855
قبل 6 سنه و 6 شهر



ماجد فعلا ركود بس بتحصل مستخدمين ان شاء الله لان الركود بسبب غياب اكثر الشريطية لانهم هم اللي محركين السوق 


up 0 down 0
شليطيح 5019
قبل 6 سنه و 6 شهر



السوق من بعد شهر 8 وهو متدهور

صادق خويك 1300 تلعب في الميزانيه خاصه الي يشتري سياره بي 25 او 30 الف اكيد مكسبه 2000 وفيها


up 2 down 0
ابو ابراهيم2021 350
قبل 6 سنه و 6 شهر



وبعدين الأسواق كلها تعبانه الأسهم نزلت والسيارات والعقارت ركود السوقه معتز الملابس والمشاغل النسائيه هههههههههههههههههه


up 1 down 0
ابو ابراهيم2021 350
قبل 6 سنه و 6 شهر



طيب اخوي ممكن تعلمنا وين نقلت وامنت ب830 علشان نستفيد منة وباقي الاعضاء يستفيدون



up 0 down 0
شليطيح 5019
قبل 6 سنه و 6 شهر



بسم الله الرحمن الرحيم

مع إحترامي للشريطية دايم هالكلام نسمعة منهم 

مربح 2000 ولا 500 تكفيني مع إني أعرف 

إن أقل مربح لهم في السيارة 5000 لكن سبحان

الله بعض الناس الطمع مالي قلبه وما يبي أحد ينافسه

أويترزق الله هذي نقطة النقطة الثانية ترا انت جيت في 

يوم ما فيه سوق معروف السوق حركة في الجمعه 

والسبت باقي الايام الحركة فيها راكدة نوعا ما وترا 

في السيارات خير كبير جدا جدا للي بيشتغل بما يرضي

الله خاصة اللي عندة ورشة ويشتري السيارات المصدومة 

قبل 10 سنوات اعرف واحد بدايته كان يطقطق في السيارات

الرخيصةوشوي شوي فتح ورشة الحين ما شاء الله لا حول ولا 

قوة إلا بالله عندة ثلاثة مكابس سيارات و5 تشاليح وورشتين 

ورأس ماله لا يقل عن 22مليون الله يرزقة ويزيده من فضله

الزبدة اللي فاضي والله إن في السيارات خير كثير كثير بس 

يحاول يشتغل بما يرضي الله .


up 3 down 1
إبن عجلان 512
قبل 6 سنه و 6 شهر



اللي يبيع وشتري ونيته صادقة ومايغش والله ان الله يرزقه من حيث لايحتسب


up 1 down 0
تقووى الهجر 252
قبل 6 سنه و 6 شهر



عقبال مايمشون كلهم

دمروا السوق ولعبو بالاسعار وكرهوا الناس بالبيع والشراء

يعطيك العافيه


up 1 down 0
راعي الهيونداي 537
قبل 6 سنه و 6 شهر



قسم بالله اني لفيت معارض النسيم اسبوع كامل كل صبح اطلع من 8 لفيتة لف لما جاتني ام الركب 

المستعمل لو تبي لاتروح للنسيم لانك بتاكلها في سيارة يامسمكرة ياحقة شركات يافيها رش من اولها الى اخرها 

اكلت مقلب في هالمعارض الشفا مارحت لها لاكن لو بدور سيارة بروح واشوف لاكن النسيم مستحيل 

والمشكلة بعض اصحاب المعارض تقوله بروح افحص السيارة يقولك برسوم هاذا ودك تنتفه بكم كف يعني ادفع لك + وادفع قيمة الفحص + وادفع قيمة السيارة

شب فيها  


up 1 down 0
hamad2008 1557
قبل 6 سنه و 6 شهر



السلام عليكم رحمه الله وبركاته
ياغالي قبل شهر واسبوع/اسبوعين كنت يوميا بالمعارض ادور سيارة 
السوق يوم الجمعه يكون ممتلي .. معارض النسيم تصير فل 
يوم السبت ماعلبه برضوا فيه شوية زحمه .. باقي الايام وش تدوى الناس راجعه من دواماتها ومنكرفه مو فاضي لشريطي يقعد يتفلسف فوق راسه
صراحه النسيم كسيارات انظف من الشفا << مو شرط لكن هذا الي لاحظته 
كمان اسعار الشفا ارخص من النسيم 
اكثر شي يعجبني بالشفا الحراج حقهم كبير وتلقى فيه اشكال واللوان من السيارات .. بس يبيلك تتعب لين تطيح ع النظيف
انا كنت نازل ادور لومينا اس اس / كابرس اس اس 2006 وتحت .. لقيت الكوابرس اسعارها اكثر من ميزانيتي
واللومينات القاها مدمورة بس رخيصه او نظيفه بس غاليه .. مع الوقت زودت الميزانيه كم الف 
ولقيت لومينا رويال ياريتني اخذتها .. يبيلها شوية شغل لكن جربت السيارة ماشاء الله متوحشه 
دفعت فيها 14 .. راعيها قال اقل من 15 ماني مفكر ابيع 
جيت بعد كم يوم لقيته راش الصدام الامامي ومعدل كم شغله .. ماشاء الله تبارك الله طلعت رزززة 
فلتله ها كم تبي من الاخر قال اقل من 18 انسى .. قلتله الله يرزقك البيعه الي تسرك 
والحمدلله توفقت بكابرس 2006 ال اس .. اعلى شي من ال ال اس .. 8 سلندر وممشاها حلو 
المهم انك ما تجي تشتري وانت مستعجل عشان لا تندم 
بعض السيارات ان اعجبتك ما تضرك 500 ولا الف ريال زيادة خصوصا لو جربتها 
نقل الملكية 500 ريال وتأمين 695 ريال من شركه ملاذ ضد الغير فوق 21 سنه 
الي يقولك السوق ىاكد هذي كلمتهم ولا عليك منهم
لا جيت تبيع قالك السوق راكد محد بيشتري منك عشان ياخذها بالرخيص ولا جا يبيع تلقاه يدور اكبر مكسب بالحياة
بالتوفيق


up 2 down 0
ليزو 481
قبل 6 سنه و 6 شهر



ياخوان انا اشتغل في السوق منذ زمن السوق له 3 سنين وهو نازل تحت معاد فيه بسبب ارتفاع اسعار الرسوم واتجاه الناس
لنظام الاقصاد سيارات جديده
واللي يقول ان اقل مكسب 5000 يجي ويشتغل وهذا وجهي ان شاف 5000
اقسم بلله ان السياره صارت تنشب بلحق ياتبيع مكسب 400 ريال اوخساره او تصرفه اقصاد وتقعد تطرده
السوق مو مثل اول من واقع خبره

اقسم بلله اني شريت سياره 12000 الف وحطيت عليها اصلاحات وكلقت 16500الف
ونشبت بحلقي سنه كامله وبعدها بعتها وعده لمدة سنه 13000 الف وباقي ىعلى الموعد 6شهور
واللي مو مصدق ينزل موتره وهذا وجهي اذا لقى زبون بلسعر اللي يبيه واكثر الشريطيه ترك السوق والمعارض قدامكم


up 3 down 1
مانع المانع 68
قبل 6 سنه و 6 شهر



من وجهة نظري موقع حراج خرب على المعارض


up 1 down 1
face.care 230
قبل 6 سنه و 6 شهر



وين السيارات فيها خير الكلام ذا قبل ٥ سنوات واكثر السوق شغال الحين العالم كلها تشتكي 

وحقين المعارض الحديد واجد عندهم والسوق راكد ويدفع اجار عمال وكهرب ومصاريف

الحين لو تروح معارض النسيم بتشوف ان فيه معارض مشهوره عزلت وصكت من السوق
السوق متى يكون ممتاز ايذا كان الطلب اكثر من العرض  الحين عكس العرض اكثر من الطلب

بواجد علشان كيذا طاح السوق مافي سيارات تمشي الحين الا الجيوب والسيارات الصغير بدف بعد 


up 2 down 0
كراوون تويوتا 15
قبل 6 سنه و 6 شهر



هم صادقين  واغلب السوق ميت   حيل والسيارة تقعد عنك شهر وشهرين وما تبيع 
االا اذا انت صاحب معرض تسفط سيارتك تحت المضلة وواقفة وموقفها الي رايح وجاي يشوفها بتجيب مكسب
ابوي كان متعامل مع معرض  كل ماايجيهم يحصل سيارته اخر اخر شيء موقفة الى ان سحب عليهم 
وبخصوص السوق خلاص الناس ما عاد تثق بالشريطي ابدا وتخاف من السووق 
واخرتها الواحد يضطر يبيع ياقساط او لا  
واغلب التجار الفهامنين الحين اتجهو الى الاقساط وتركو بيع وشراء السيارات 
وايجارات المعارض وصلت للنص مليون بالسنة وطارن فوق فوق 
والناس خلاص تبي  جديد  والقديم عدوك 


up 0 down 0
صوت العزاوي 523
قبل 6 سنه و 6 شهر



يا اخوان  الشريطيه  ما ينقلو ملكيه ني  و لا تأمين لانهم متعاملين مع معارض يخلو مبايعتهم مفتوحه يعني هو ما يوقع المبايعه اذا اشترى سياره و كذا تكون مبايعه مفتوحه 


up 0 down 0
bkry 66
قبل 6 سنه و 6 شهر



احسن كل ما زادت الرسوم قلت المضاربة بالسيارات. يعني ما يشتري الا المستخدم مهوب الي يبي يبيع

و السيارات الجديدة في السنوات الاخيرة انتشرت و صار الواحد يشري أقساط او تأجير منتهي بالتمليك و لا يبلش بسيارة قديمة


up 0 down 0
a_aa_ma 1
قبل 6 سنه و 6 شهر