مسلسل النصب والاحتيال لازال مستمر

شويخ من أرض مكناس 2823
قبل 9 سنه و 6 شهر

السلام عليكم ورحمة الله وبركاته
انا ماكتبت هالموضوع الا ابي انبه على انه النصب لازال مستمر حتى في موقع حراج

قبل فتره كنت فالطايف وادور مركيز لعيسى ومالقيت حتى المستورد مافيه شي نظيييييف
الصداء لاعب فيها لعب وناخر ام الحديد
لو انه صدا خفيف او سطحي معقوله لكن هذي مدموره ويقولون طبيعي كل الفوردات الامريكيه كذا
طيب تبي تبرر موقفك ورا سياراتك الثانيه مافيها صداء ؟

المهم مشيت الرياض ودق علي عيسى وقلي لقيت فورد معروض فموقع حراج يقوا انه فيه الصدام رش والباقي سليم والرجال فالطايف شفت السياره
يقولي الرجال يحلف بعياله وامه ان السياره نظيفه والحين مسافر مستعجل يا اشتري او بيروح

قلتله ماعليك منه افحص شيك على الموتر وشوف تقرير الكارفكس
بعدها قلي والله فيه لون الباب الخلفي متغير وسئلته قلي انه من الشمس وباقي الموتر نظيف مافيه شي !! (( ليه ياشمس تسلطين الضوء على باب واحد وتخلين باقي البدي ماتسلطين الضوء عليه فيه شي بينك وبين الباب ))
كذبه وماتخش العقل

قلت ورني الاعلان فحراج ابي اشوفه
يوم شفته لقيته مغير دينمو مركب دينمو بوليسي
قلت ياعسيى اسئله ليه مغير الدينمو وليه ماقال انه مغير الدينمو من البدايه الحين بدات تطلع عيوب ؟
سئله عيسى وقاله هذا اقوا قيمته 3200 شاريه وكاله
رجعلي قال هذا الكلام اللي قاله
قلتله ارجعله ياعيسى وقوله انت كذاب الدينمو وكاله قيمته مايتعدا 1800 وانا شاريه بنفسي وشاريه لخويي

قلت ياخوي افحص كارفكس بعد الفحص طلعت عليها حادثين فامريكا

المهم جيته فالاعلان وقلتله انت كاتب ان السياره فيها رش صدام خلفي بس
هل الباب الخلفي فيه شي
هل تقرير الكارفكس سليم من الحوادث ؟ طبعا جالس المح للرجال تراني عارف موترك اعترف وخل الكذب لا افضحك
حذف الاعلان انكشف وهرب

الشخص الثاني فالرياض
دق علي عيسى وقلي فيه واحد فالرياض عندك كلمه وشوف السياره
كلمته وقلتله كيف الموتر (( قلي سليم مافيه مخشه وحده وعلى الفحص وين ماتبي ))
قلت بكرا بجيك نتقابل وبروح افحص واذا طلع نظيف بنشتري الرجال ترا بيجي من الطايف وانا بخدمه فالحص قبل مايضرب مشوار

كلمت عيسى قلتله انا اتفقت مع الرجال انت خذ منه رقم الشاص وافحص كارفكس
رجع كلمني عيسى قلي انا كلمت الرجال
وقلي انه الرفرف متغير فامريكا فقط ومافيها حوادث والتقرير عندي ومكتوب فيه انه تغيير رفرفر

قلت ياعيسى الرجال نصاب واسحب عليه
انا كلمته وقال الموتر نظيف
الحين يوم جبنا طاري الكارفكس غير كلامه

ياراعي الموتر اختصر بدون كذب قول ان السياره مصدومه وتقرير الكارفكس مكتوب فيه انها مصدومه واخلص علينا
لاتجلس تلف وتدور عشان تبتعد عن (( كلمة مصدوم )) ليه تكتب فالاعلان انها نظيفه على الفحص بدي
وتقولي نفس الكلام والحين طلعت مصدومه فامريكا

انت سيارتك مصدومه فامريكا ومغير لها رفرف وانت ماتبي تقول انها مصدومه
جالس تعطي تعبير ثاني يمشي على الاغبياء وتقول ان الرفرف مغير بس
عباطه يعني مغيرينه
المهم عرفت ان السياره مصدومه وتقريرها يثبت فيه هالشي عشان كذا رفض يعطي عيسى رقم الشاص اكتفى بقول ان الرفرف مغير فامريكا

الفتره الاخيره لفيت صالات الرياض والطائف ووجدت ان السيارات لاعب فيها الصداء وهذي صور
باقي الشرقيه بطلع افرفر فيها الاسبوع الجاي لعل وعسى القى شي طيب
اقسم بالله لو دريت ان اوضاع السيارات كذا ماكان بعت فوردي واحتفظة فيه وكان اخذت قرض بدل مابيعه واخليه معي لكن قسم ونصيب انجبرنا

((( عزل السياره من الصداء يحطونه قبل ماتتعرض السياره للصداء ,,, مو تروح تجيب سياره من امريكا مصديه وترشها من تحت وتقول هذا عازل ؟ انبتهوا من الشريطيه )))