استفسار عن الازيرا 2006 ..

موجودة ومنتشرة لكن ذاك الوقت كان مستخدمينها قلة يعني اللي مطلعينها شويين لما عرفوا الموتر بدأ ينتشر عند الناس وصارت الناس تشتريه وتتداوله وعرفوا انه عملي اشتروه واغلبها الآن صارت تجي وارد امريكا وتشوفها كثير في الصالات وماشي سوقها



بالنسبة للازيرا فهي خذ رجال ومن واقع تجربة شخصين قريبين مني حيل واحد من اخويانا يمتلك 2007 الان ماشاء الله داخله بحر 400 الف لون لؤلؤي وماشاء الله تبارك الله قير ومكينة شد بلد ولله الحمد ماطلعت معه مشاكل حرارة او اشياء ثانية مافيه الا قطع استهلاكية وكل ماقام سنة وشوي يغيرها والرجال هاذا قريب مني حيل ولو الموتر فيه شي ابقول لك لكن صدقني الازيرات والسوناتات موديل 2007 وطقتها هي من افضل الموديلات اللي مرت على الكوري ك جودة واسألني انا مستخدم السوناتا 2006 مشت معي لين 310 وبعتها مافيها الا العافية نظيفة


بالنسبة للاسعار فهي تتراود من 27 الى 35 على حسب مواصفاتها ونظافتها ولو تاخذ 2008 يكون احسن لان طبلونها ابيض وداخليها الوان الديكور ازرق افضل من 2007 اصفر لكن اذا لقيت 2007 نظيفة اشتر ولا تشاور



اهم شي تكون نظيفة ولاتنسى تستخير قبل كل شي

الازيرا حسب النظافة
تحصل من 18 الف الى 25 الف ريال
وبالنسبة للسيارة ما قد جربتها لكن ما اتوقع فيها مشاكل
وخراباتها قليلة حسب كلام صديقي والقطع معروف انها رخيصة

جزاك الله خير افدتني كثير ..

لكن بالنسبه للسعر ممكن احصل اقل ؟

يا moathyaseen وين ب 18 الله يهديك لين 25 تراك تتكلم عن ازيرا ولو حصل بالسعر هاذا يامكينتها منهبله ولا متقلبه حنا نبي له وحدة صفطه ولا تغثه بالخرابات الحين السوناتا الموديل هاذا من 2006 و2007 فوق العشرين انا بايع موتري فيه صدمة ورا ورفرف امامي مرشوش من امريكا وماشيه 310 بايعها ب 23 ومستعجل ولا جاني واحد يبي فيها 25 والكلام هاذا قبل 5 شهور يعني اكيد الازيرا اغلى بشوي

ماقلت لنا ياصاحب الموضوع كم تقريبا فلوسك ؟؟؟

صحيح
معلش ي صاحب الاعلان خربطت بينها وبين السوناتا
اول تعليق صحيح بين ال 27 - 35 الف

والله ياخوي 23000 تقريباً ..

حاول تزيدها شوي يعني توصل ل 27 او 28 وبتلقى ان شاء الله

وفيه اقل فئة فيها مكينتها 2.7 اللي تجي بدون فتحة ولا شي هاذا ما انصحك فيها لأن مكاينها قليل وممكن لو رحت للتشليح مثلا تدور لها قطعة تتمرمط افضل مكينة عليها هي 3.3 لانها موجودة على الازيرا وايضا على السوناتا الموديل هاذا 2007 و2006 الستة سلندر كلهم نفس المكينة فتكون قطعها متوفرة في كل مكان وبسهولة ورخيصة ايضا


طيب فيه خيار ثاني ما ادري يمكن يجوز لك ويمكن لا وترى يشهد الله قايله بدون تعصب هالراي فيه كيا اوبريس تعرفها ؟؟؟ موديل 2008 او 2009 طبعا مكينتها 3.8 نفس مكينة الازيرا فل كامل الليمتد وقير 5 غيارات وداخليها ماشاء الله مريح انا امتلكها موديل 2009 سوبر بريموم اللي معي طبعا فل اوبشن بس لو تاخذ منها استاندر حلوووة مررة فيها مثبت سرعة وتحكم مسجل وتخشيب وتيب ترونيك شفها وشاور نفسك



يمكن تقول ما ادري عن الموتر وعن جودتها لكن صدقني انا مستخدم الهونداي والكيا الحين كلها نفس بعض وتأدي نفس الغرض وقطعها متقاربة



ولها الحين معي 7 شهور تقريبا ماشاء الله تبارك الله ماطبت ورشة والموتر انا عارفه زين لو فيه شي بنصحك عنه فكررررر وعطني رايك في التعليقات تحت

الازيرا و الاوبيروس نفس بعض و تتفوق الاوبيروس بالرساوة 

سيارتين حطهم على يمناك و انسى الخرابات 

الجودة والتحميل كانت في الازيرا من 2006 ل 2010 
كيا اوبيروس 2007 الى 2009. وحتى الموديلات اللي قبلها ممتازة بس شكل بايخ شوي

الاوبيروس بتلاقيها بفلوسك جربها وافحصها تراها سيارة متماسكة لابعد حد

الازيرا لازم تزيد فلوسك شوي عشان تاخذ نظيف ومكينة 3.3 

بالظبط مثل ماقال ، عشان كذا كان فلوسك اقل خذ الاوبريس وبتدعي من 2007 لين 2009 اجد موديل من الازيرا واقل استهلاك ومكينتها كبيرة واهم شي نشيطة ههههههههههههههههههههههههههههههههه ماشاء الله تبارك الله


واذا حبيت تجرب الموتر او تشوفه موجود معي وانا من سكان الرياض تواصل معي خاص وابشر