الشهرة والسمعة تلعب دور

19 8

لايمكنك التصويت حتى الحصول على 20 نقطة على الأقل
إضغط هنا للإخفاء

إبن عجلان 512
قبل 9 سنه و 6 شهر

بسم الله الرحمن الرحيم 

اليوم كان لي تجربة وكانت التجربة جميلة وشيقة وممتعة

يا أخوان كلكم تعرفون البيك حتى اللي ما عمره شافه أكيد

سمع فيه وشهرتة مو بس في السعودية يجون من برا ويسألون

عن البيك ( هو رزق أراده الله لصاحبة ) الله يرزقة ويزيده

بالحلال المهم ، ولدي قال نبي نتعشى اليوم من البيك قلت أبشر

بس بشرط أروح أجيب العشا وأرجع أبي ألاقي براد شاهي منعنش 

قال من عيوني وطبعا هو من عشاق البيك وأنا عكسة وأنا متجة للبيك 

قلت خلني أشوف وش السبب ورى إدمان البيك لأنه بالنسبه لي أنا شغلهم

عادي جدا جدا وما أشوف شئ يفرق عن أي برست أخر غير النظافة والمناديل

اللي يحطونها ( طبعا النظافة الخارجية ولا جوا الله العالم وش يصير )

رحت البيك وطلبت نفرين أخذتهم وأنا ماشي وأمر برست إسمة برست سارة

وأخذ نفرين وأجي وأحط بروست البيك في اللي شريته من برست سارة والعكس

والله واجي واتصدق ببرست البيك بعد ما فرغته لعمال الله يقبله وصلت البيك 

هاه عبدالله زبطت الشاهي قال أفا عليك جاهز قلت وهذا البرست جاهز طبعا 

كنت متوقع إن اللعبة بتنكشف بحكم إن ولدي من عشاق البيك وأول ما حطيته 

بالصحن ما لاحظت إنه لاحظ شئ قلت تمام يمكن يلاحظ من خلال التذوق 

ونجي وناكل ولا لاحظت إنه لاحظ شئ أفا يالعلم ههههههع ( إكتشفت

أن العامل النفسي له دور الولد مخزن في عقله الباطن إن اللي قدامه 

البيك وجالس يتلذذ في طعمه ولا هاو داري إنه مو من البيك ) يوم خلصنا 

قلت هاه كيف طعم البيك اليوم قال يجنن هههههع طبعا ما قلت له باللي 

سويته لأني ما أبغا أشيل ثقته من نفسه رحت أخذت أم العيال من عند أهلها 

وقلت لها السالفه وعلمتها درس جديد من دروس الحياة لأن الحريم 

لازم تعلمهم في الحياه بطرق غير مباشرة كي يقتنعون .

وسلامتكم جميع .

إبلاغ

الردود