مكسيما 2004

وعليكم السلام 

المشكلة السيارة قديمة مدري وين جبتها منه 

اوما صاروخ ما ضنيت 

ما شاء الله نظيفة  

ماشاء الله حصلتها اصفار ؟

لاتكد الموتر لين يتفكك حافظ على النعمة

سؤال غير مفهوم ؟
هل المكسيما اخذتها اصفار او مستخدمة .

المكسيما معروفة حقت كرف بس حافظ ع الزيوت وقطع الاستهلاكية . تعيش معاك سنين .
ما يضر الموتر الا الحــرارة / الراديتر + المراوح . طبعا المراوح يعطلن بسبب الغبار الناعم في البكرات .

-----------
المكسيما خصوصا القديمات 2000 -2008 حقات مكدة والافضل القير العايدي .

خويي معه ماكسيما 2001 نفس الشكل اللي بالصورة .

قير عادي قزاز كهرب بدون فتحه ... ماشية 560 ألف وكسور ماشاءالله لاقوة الا بالله ☻ 

ماقد وضب المكينة ولا قد انفكت ماشاءالله تبارك الله ... في السنة نسافر عليها 4 او 5 مرات من الرياض لمكة للدمام للبحرين للجنوب ماخلينا مكان .

العزم ماشاءالله تبارك الله يبرد القلب رغم ان ممشاها واجد .


لكن خصلة وحيدة بس , كهربتها شوي مزعجه اذا ماحصلت لك ورشة تعرف للماكسيما صدقني بتحصل ناس تفتي لك من راسها وتكرهك بالسيارة .

القطع بشكل عام اسعارها معقولة الى المتوسطة , وهي من أنواع السيارات اللي تحط فيها القطعه وانساها .

بكل أمانة .

بعد سيارة خويي جلست افكر اشتري ألتيما .. لأن خطوة القدوم الى نيسان تحتاج تجارب على أرض الواقع لا كلام فلان قال وعلان يقول .

من الآخر الماكسيما بكل صراحه سيارة ماشاءالله تبارك الله تستاهل كل ريال ينحط فيها ♥ 

يعطيك خيرها و يكفيك شرها

حافظ عليها

معروف الماكسيما سياره عمليه وسريعه وهذا بسبب خفة البودي وقوة المكينه 

حاول انك ما تشد على السياره ﻻن له اضرار في المستقبل القريب 

والله يعطيك خيرها ويكفيك شرها

انا بفيدك لاني كنت نفس حالتك هههههههه 

بحكم انه كانت معي مكسيما 2004 واستخدمتها 3 سنوات 

للأسف السيارة تعطيك اذا دعست لها وهذي نقطه سلبيه لاني الآن ادمنت على السرعه 
ماقدر امسك نفسي 

كنت بشكل يومي اروح الجامعه واتاخر وبالطريق ما انزل عن 180 وبعض الايام اتاخر جدا والطريق فاضي وامشي 220 

مع انه ليس طريق سريع 

السيارة ماشاء الله تبارك الله على 200 اتجاوز يمين ويسار وكأني امشي 80
ثبات ورساوه عجيبه

هل يضر الدعس المتكرر ام لا ؟ 

انا اجاوبك 

اذا الموتر صياناته دوريه ومافيه مشاكل
 وبطن الموتر  سليم اذرعه ومقصات
والزيوت تتغير بشكل دوري 
والرديتر سليم 100%

لن تتأثر ابدا مع السرعه وباذن الله مستوى الامان بيكون عالي

 الاضرار محدوده جدا وبسيطه 


الاضرار .. 
1 - اذا ماتنظف فلتر الهواء كل شهر وتغيره كل 20 الف كيلو .. بيخرب الحساس عليك وسعره 350 ريال
2 - احد الكويلات بيضعف مع الوقت .. خلال سنه الى سنتين ممكن وسعره 200 فقط
3 - الكفرات الاماميه مع الوقت بتنام .. يعني تصير كذا ....  \ /
وهذا يسبب حذفيه وممكن تلف للفلنجه والرمان 

ب النهايه .. انصحك تترك السرعه لانك اذا تعودت عليه مستحيل تتركه