أضف سؤال أو موضوع جديد          

انتبهو من وكالات و معارض السيارات

up 44 down 6
ابو عطيه 409
قبل 5 سنه و 9 شهر



السلام عليكم ورحمة الله 
قبل شوي توني دخلت البيت والحمد لله اهل الخير ماقصرو معي الله يجزاهم خير
المهم قصتي اني من ذوي الاحتياجات الخاصة وشريت سيارة نوع كورولا قبل سنتين وكاله
واليوم وانا راجع البيت دعست علئ شغله مدري وش هي سببت انفجار الكفر الخلفي
ووقفت واشرت لا احد يساعدني لان مااقدر اغير الاستبنه 
وقف لي شخص راعي ددسن الله يوفقة ويمتعه بالصحة والعافية وفك الكفر وجاء بيركب الاستبنه
ويوم جاء يركبها طلعت الاستبنه حفت كامري 
وراح الله يجزاه خير وغير الكفر علئ حسابة ورفض ياخذ مني فلوس 
حبيت انبهكم من ذي الشغله 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يجزاك خير ويشفيك ويعافيك ويقومك بالسلامه . 


up 1 down 1
سمو الحياة 113
قبل 5 سنه و 9 شهر



وعليكم السلام ورحمة الله وبركاته الله يجزاك خير على النصيحه وانت الحمدلله تروح وتجي مشاء الله عليك فيه ناس متعافيه ولا يصلح بنشره تلقاه يمشي على الكفر الين يجي بنشر الله يحفظك ويمتعك بصحه والعافيه ويجزاء الي ساعدك خير وينور طريقه واخواني المسلمين امين


up 3 down 1
faisal2002 892
قبل 5 سنه و 9 شهر



الله يجزاه الف خير.... صحيح المفروض الواحد يشيك على كل شي حتى لو انه بسيط لانه من حقك .... كاني مرة قريت في حراج
موضوع واحد من الشباب طلع السيارة من الوكالة و يوم وصل البيت لقي الدعاسات مي موجودة... قام رحع لهم و اعتذروا له و اعطوه الدعاسات .....
اسال عن الاسعافات الاولية و عن المضخة او الطرمبة اللي تعبي الكفر شيك على الاستبنة و شيك على الفرش الداخلي ... و شيك 
ع الفرش اللي يجيك في الشنطة... لا تخلي و لا تبقي.... في شي ناقص... اطلبه ع طول ,......




up 2 down 0
the son of the kingdom 927
قبل 5 سنه و 9 شهر



الله يشفيك ويعافيك ويقومك بالعافيه


up 2 down 0
مراجل2 95
قبل 5 سنه و 9 شهر



جزاه الله الف خير

و شافاك و عافك بإذنه


up 1 down 0
badji jed 2
قبل 5 سنه و 9 شهر



جزاك الله خيرا يابو عطيه على التنبيه وأسأل الله أن يكتب لك الشفاء ... تحياتي لك


up 1 down 0
ابــو ســنــد 10638
قبل 5 سنه و 9 شهر



صادق انا اشتريت موستنق وقبل ما اطلع قال الوالد شفت الاستبنه ولا لا. ويوم شيكت مالقيتها وكلمتهم وماصدقو الين ما شاف بعينه ان السياره واقفه ولا تحركة عندهم وجابلي من الموستنق اللي جنبي
جزاك الله خير ماقصرت


up 1 down 0
الجهني-rc -132
قبل 5 سنه و 9 شهر



الله يشفيك ويرزقك الصحه يارب
وبنسبه للي وقف وساعدك اسأل الله ان يجعل حياته كلها فرح وسعادة
وبنسبه لرد اللي فوق الجهني ماشاء الله ياحظك ابوك موافق انك تشتري موستنق سيارة رياضيه انا على ايام ابوي الله يرحمه كنت حلمي اشتري كامري او كابرس اهم شي سيارة صغيره كان يعصب علي الوالد يقول مافيه غير ددسن
الله اايام جميله عام 1421


up 4 down 1
ســامــر 1058
قبل 5 سنه و 9 شهر



الله يشفيك ان شاء الله المشكلة اننا طيبين وعلی نياتنا وهذا اكبر عيب فينا 


up 4 down 1
ابوخلوودي1 5071
قبل 5 سنه و 9 شهر



وعليكم السلام ورحمة الله وبركاته

جزاك الله خير على التنبيه والله يحفظك ويمتعك بالصحة والعافية


up 3 down 0
بسكوت اوريو 230
قبل 5 سنه و 9 شهر



عندك رقم اللي غير كفرك ؟
لان كفرات سيارتي ابغى اغيرها


up 0 down 26
توظيف -53
قبل 5 سنه و 9 شهر



ربنا يشفيك ويعافيك ويجازي الاخ اللي ساعدك بالخير .. وانت ما شاء الله ربنا يباركلك علي النصيحه


up 1 down 0
أبو عمر88 7
قبل 5 سنه و 9 شهر



الحمد لله الدنيا بخير الله يرزقه الجنه راعي الدتسن 


up 0 down 0
مهند سالم
قبل 5 سنه و 9 شهر