من الأفلاس الي اكثر الشركات مبيعا بالعالم

اشتريت اوبتيما 2004 على وقتها نص فل وكاله كانت بـ 41 الف
طبعاً ماحد بارك لي الاختيار ابددد .. كوري وش تبي به ماراح يكمل معك سنتين بيهبل بك بالورش وقطع الغيار ومن هالكلام
كان يقال عن الهونداي والكيا خاصة ً الكلام اللي يقال حالياً عن السيارات الصينيه

الاوبتيما للحين معي واداوم عليها .. ماواجهت فيها مشاكل الا بعد ماكملت 4 سنوات تقريباً وبدايتها اصلاً كانت غلط مني طبيت في مستنقع مويه على سرعه
واللي ذموا اختياري للسياره كلهم باعوا سياراتهم اليابانيه والامريكيه بسبب الخرابات وكثرة الورش وانا لازلت على الاوبتيما

اللي صار من كلامهم لي تلك الفتره نتيجه عكسيه تماماً حبيت الموتر اكثر وحسيت بالانتماء لكيا اكثر .. لدرجة اني رحت لأمريكا شريت فيها اوبتيما 2007
استخدمتها الفتره اللي كنت فيها هناك وبعتها قبل ما ارجع وماواجهت فيها اي مشاكل

والحين انتظر الـ 2016 تتغير لكن محتاج اشتري سياره هالفتره فـ ممكن سوناتا الشكل الجديد اذا نزلت اسعارها لأنه مبالغ فيها جداً او مازدا 6

وبالنسبه للجبر اشوف ناس كثير يذمونه .. انا سيارتي كان وكيلها الحاج حسين و اذكر يوم راح الوكيل جت كيا السعوديه بنهاية 2006 لكن مدري كيا السعوديه = الجبر ولالا

والله حلوه معي الان ومرتاح فيها