متى بتنزل الكامري 2015الشكل الجديد

ابعد عن هالكرتون خذلك سوناتا 2015 
وﻻ اكورد 2015 

اذا خلصت دفعات الكامري للحين متوهقين فيها ولا انباعت
ماحد عنده خبر حتى موظفين عبداللطيف جميل مايعرفون

ماراح تنباع الدفعات اصلا نادر اشوف كامري الشكل الحالي بالبلد 
تكثر شي اشوفه احسن موديلات الكامري 2005 وتحت

قبل فترة كانوا مسوين عرض على الكامري الفل كامل التقسيط بسعر الكاش عشان يصرفوها

لانه مثل العادة ماينزل شكل جديد الا لما يصرفون القديم

الله اعلم انها بتكون بعد شهرين نفس توقيت نزول الكورلا 2014 في السعودية

ماتوقع في نفس توقيت نزول الكورلا
لاني دخلت مستودعهم يارجل فيه كم كامري 2013 مانباعت للحين فمابالك ب14 و 15
عشان كذا الي بيشتري سياره يصبر شوي لان بتجي عروض حريقه عليها

بصراحه الكامري اخر شكل لم تحقق نجاح مثل الشكل السابق

اما 2015 حسب الصور بصراحه بتكون ابداع ومنافس لسوناتا 

حلوه تصريف الشكل الحالي

ياخوي الكامري بكل زاوية تحصلها وقف عند اشارة تحصل اكثر السيارات الواقفة كامري بالزحمة تحصل كثير

ابو ناصر ما نختلف ان كل مكان كامري بس الكوامري اللي تشوفها 2010 وتحت
نادر تشوف 2013

السلام عليكم جميعــًا
الشكل الجديد للكامري راح ينزل
عندنا في الخليج العام المقبل 
وبتكون موديل 2016 .
هذا الكلام مؤكد عندنا في وكالة تويوتا - قطر

وبالنسبة للسيارة اللي وصلت إلى ميناء جدة
فيبدو إنها (للعرض فقط) في معرض السيارات
القادم في المملكة الحبيبة (ونسيت اسمه هاللحظة) ..

تقبلوا مروري .

طلعته :
معرض(أكسس) الثامن للسيارات الفاخرة في جدة

اقبح سيارة من وجهة نظري ومارح ياخذها الامضطر على ابو جميل
اما اصحاب الكاش البدائل عندهم متوفره

الجديدة قاله مبيعتها كثير ومحد ينكر الشي هاذا ، المنتشرة صحيح هي من 2011 وتحت هي المنتشرة لكن الجديدة محد رغبها واشوفها بصراحة عايدية جدا يعني لين الحين قاهريني فل كامل مافيها لا جلد ولا شي وش ذا الموتر لا وسعرها في التسعين على وشوا


وايضا صديقتها الاوريون الشكل الجديد ماعاد نشوفه ابد

بالنسبة للكامري ماراح تنزل الا بعد كم شهر لين يصرفون ذا اللي عندهم هاذي حركات عبداللطيف يبيعها لك تقسيط بسعر الكاش عشان يفتك منها ويطلع ربحه وقد سواها في اللكزس 2010 es نزل 2011 واغلبها بانوراما وتوهق ب 2010 اللي بدون بانوراما وصار يبيعها بسعر الكاش ، طبعا ادري بيجي واحد يقول فيه 2010 بانوراما لكن انا اقصد اللي بدون بانوراما كانت ماليه المستودعات واحد عارفه شراه منهم ذيك السنة

والله كلها منتشرة الجديده او القديمة .. وكل مايجي شكل جديد نسمع عن ان الشكل السابق افضل منه لما نزلت 2003 قالو 2002 ازين ولما نزلت 2007 قالو الشكل السابق افضل ولما نزلت 2012 قالو 2011 ازين والحين نفس الطريقة شافو صور وقالوا الحالية بايخة

بالنسبة لموعد نزولها خذوا العلم الأكيد راح تنزل عام 2017

قالي واحد من الصيانة بلشنا من 2013-2014 نبي نصرفها ماعاد تمشي بالسوق