من شاف الماليبو

عليك بالدعاء 
اسأل الله العلي العظيم ان يردها لك بأسرع وقت

طيب حط رقم جوالك يمكن احد يشوفها يبلغك عاى الجوال افضل
موفق

اعتقد اعتقاد تام . ان السارق راح يغير ملامحها . 
ولد عمي سرقت سيارته سوناتا 2013 فل كامل . لونها ابيض .
بلغ عليها وجلس اسبوع ينتظر اتصال من المرور لاكن للاسف ماردو عليه. 
فقد الامل وراح يبحث عن سيارته بنفسه هو و5 اشخاص . 
في يوم من الايام لمح نفس موتره لاكن عليها جنوط الاستاندر ( جنوط سوداء ).
مضلل ومركب اكياس وكالة على الكبوت والتنده . نزل بيروح يشوف موتره .
تفحص فيه عرف الدقشات السابقة اللي في الموتر . وكان حاط شعار نادي الهلال جمب اللوحه
شالوا الشعار بقى اثار الغراء وبعض الخدوش في هاللحظة تاكد انه موتره .
دق على المرور ارسلوا له دوريتين . وتاكدو من معلومات السيارة والحمدلله طلع موتره . 

ابحث عنها في المناطق النائيه . 
اسال الله في هذه الساعة ان يعيد لك موترك وينتقم اشد الانتقام من السارق .

دورها في المناطق الخلا والشبهه وان شاء الله تلاقيها 

السياره انسرقت في وضع التشغيل؟؟؟ 

ههههههههههههه ياولد كاني اعرفك , السالفه حصلت لقريبي ^^ يمكن تعرف هالكلمه ( بنقزي ) , اذا تعرفها فاكيد احنا نعرف بعض ^^

وبخصوص سيارتك ياصاحب الموضوع , دور له بنفسك افضل لك , وحط رقمك الله يسعدك , واسال الله انه يردها لك سالمه

بنقزي هذا سوق في بلجرشي قريب من قريتي 

و قريب مني بعد .. 
ي حمراني انا من جمبكم ف الجلحيه    

انا اقولك وش تسوي اول شي تاخذ معك شخص على الاقل وتروح النظيم شارع التراث وخريص النظيم
وتفر فيه بيت بيت شارع شارع عماره عماره واكيد بتلقى سيارتك مغيره ملامحها بالكامل عشان كذا
ركز على السيارات الي تدور بتلقى سيارتك يانها في برحه
او بتلقاه يدور ومركب عليها جنوط سوداء وتجليده بيضاء في الكبوت ومظلل كاتم يعني بتلقى سيارتك مغيره ملامحها
وباذن الواحد الاحد تلقى موترك وركز في السيارات واذا تبي فزعه تركب معي اوديك كل شوارع الشبهات
عطني رقمك وابشر بالي تبي

فيه سحار من جيزان يعلمك فين موقعها ب 500 ريال 

الله يشفيك ... تدري وش حكم الذهاب للسحرة ؟؟

والله صرت حتا لو بشتري موية اطفي السياره حاس اني عدمة السلف شغل وطفي لكن خلية ينخرب اغير قطعه ولا تروح السياره بكبرها ............. لكن دعوة المظلوم لية لها حجاب مستجابة بيذن الله عليك بدعاء على من سرقها بمرض لايجد علاج له ..

الله يعينك يبوي. وعليك بدعاء وقل لااله الا انت سبحانك اني كنت مضلمين وادع انك تلقى موترك.    ورح لا ماكن الهجوله برياض.   مثلا. في شوارع بل عزيزيزه حقت هجوله وفيه شوارع واجد بل نظيم والشفاء المهم در الرياض كلها.  وتلقى موتر ك.  مغير ملامحه واتوقع تلقى عليه جنوط. سود.  لان الجنوط السود هي الانسب للتفحيط    وتلقاها مكتمه تظليل يعني مغيره الملامح والوحات.  وكذا. وانصحك نصيحه.  خذ معاك. ٤الى ٥ رجال لان هاذي عصابات وقد تكون مسلحه فل حذر الحذر.   وحط رقم جوالك عشان الي يلقاها يدق عليك.      والله يردلك ضالك قولو امين يالربع

حسبنا الله ونعم الوكيل
الله يردلك سيارتك عاجلا غير آجل

دامك بالخليج دور بشارع لعيونك = الامير بندر ودور بالصناعيه ع السريع .. ومحلات الزينه الي على الحسن بن حسين .. يمكن تلقاه يظلل ويركب تجاليد 
ثم امشي للنخيل دوره بمحلات الكفرات .. 
وطبعا اكيد تكون مبلغ المرور عن السرقه 
وبالاخير مالك الا شوارع التغحيط والله يعينك وتلقاها 
صاحبي انسرق منهم تاهو لقوه بالنظيم ضارب رصيف ومتفقعه كفرات ومرمي هناك 
دور هناك والله يعينك .. خذ واحد يعرف شوارع التفحيط والتوجيهات حقتهم 

الله يجزاكم الخير يا اخواني و مشكورين جدا جدا 

بنقزي قريب مني حتى انا هههههههههههه

جمبك يالي من الجلحيه ( من غيلان ) *_^