أضف سؤال أو موضوع جديد          

غلاء اسعار التشييك في الوكالات

up 2 down 1
moathyaseen 1393
قبل 7 سنه و شهر



السلام عليكم جميعا
امس رحت عند شركة عبد اللطيف جميل ومعي كورولا 2013
توها مشت ال 40000 كيلو وقلت اعملها تشييكات في الوكالة
المهم وصلت عندهم وقلتله اني بسوي تشييكات ال 40 الف
قلي طيب دخلها الصيانة
قلتله قبل ما ادخلها كم تكلف التشييكات
قلي 1800 ريال ؟؟؟؟؟
طيب ايش التشييكات الي تسووها
اعطاني ورقة تحشيش
مكتوب فيها :
التشييك على مياه المساحات ، التشييك على اللمبات ، ضغط الكفرات ، مياه البطارية ، مستوى سائل الفرامل ، مستوى سائل علبه الدركسيون ، الفرامل
واشياء تافهة يعني لو اوديها لبترومين مع غيار الزيت والفلتر من عندهم ما كلفت ال 200 ريال
طيب ليش يا الوكالات
يعني 10 اضعاف الي برة
لايدانكم من ذهب ولا عيونكم من فضة ؟؟؟
اترك لكم التعليق ......







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بسم الله الرحمن الرحيم 

قدام عيني في وكاله هونداي جايبين هنود عليمية

جاك ابو هدهد وفك صرت الزيت نصها انسكب على

يده ويعبون الزيت بلي مو علب عندهم خزان كبير 

فيه زيت وماتدري وش نوعه والله انه قدام عيني 

ذا كله حصل ويجيك يغسل المكينة زيه وي المغسله

ما هناك فرق ضحك على الدقون عيني عيني وبزيدكم 

من الشعر بيت حصلت قبل مده مندوب الوكالة يشتري 

السيفونات من الوكيل بعد ما راح سألت الوكيل قال

اإذا نقص عليهم شئ يجون ياخذون من عندنا يعني 

من الاخير شف لك ورشه تثق فيها بلا وكاله بلا خرابيط

ملينا من مسخرة الوكالات وإستخفافها بعقول العملاء 

لا ويقلك ممنوع تخش الصيانه باي حق يمنعني وهذا 

اكبر دليل انهم ما يبون احد يعرف وش اللي يحصل 

جوا من خرابيط وسلامتكم .


up 4 down 0
إبن عجلان 512
قبل 7 سنه و شهر



انا عندي افالون 2011 اشتريتها وكالة وكل صياناتها بعبداللطيف بالجبيل

دفعت دم قلبي عشان اشتريها وطبيعي من باب الحرص بوديها الوكالة عشان اتطمن على جودة الصيانة، لكن للأسف لقيت اني غلطت غلطة كبيرة وانهم اسنزفوني كثير لمجرد اني خايف على السيارة.

تخيلوا يا اخوان مره من المرات خرطوا الهوبات الامامية بدون تغيير البريكات واخذوا مني 450 ريال!

اقل صيانة كانت بحدود 500 ريال وكانت تغيير زيت وزيادة مستوى السوائل وتدوير الاطارات. اكتشفت اني مستغل وانهم يستغفلوني وانا بس ادفع على الفاضي. قررت بس اغير الزيت عندهم عشان ما يطيح ضمان السيارة وتكون لي حجة الاستمرار والمواظبة على صيانة الوكالة.

انصحك انك تعمل الاتي:
1- غير الزيت من نوع ابو 5 الاف الى 10 الاف كيلو وتصير الصيانات (10-20-30-40-50-60 وكذه)
2- تغير زيت القير الاوتوماتيك على 70 الف
3- تغير فلتر المكيف الداخلي كل 40 الف
4- تغير فلتر الهواء كل 30 الف
5- تغير سير المكينة والبواجي كل 90 الف.

ولا تدفع وتخسر اي مبالغ ثانيه وتغلط نفس غلطتي. راجع الوكالة في حالة وجود ملاحظات او عيوب مصنعية او تغيير الزيوت لان المكينة والقير الاوتوماتيك مهم جداً انك تتأكد من عيار ونوع الزيت وطريقة التعبئة

وفق الله الجميع،


up 4 down 0
المشرط 52
قبل 7 سنه و شهر



أنت شاري سيارة جديدة عشان كل شهرين محضر في الوكالة و لاعشان تريح راسك ؟


up 6 down 0
أبو راشد 33 979
قبل 7 سنه و شهر



الحمد لله انا واخواني ما نعرف ذا الوكالات
حتى السياره نشتريها جديده من المعارض
تغيير الزيوت والفلاتر ليست صناعة صواريخ اي بنشري يقدر يبسويها


up 1 down 0
اهاا 685
قبل 7 سنه و شهر



يستغلون حرصنا            


up 0 down 0
ابوسلطان 12 274
قبل 7 سنه و شهر



يا زين الانفينتي
تشيك الوكالة ب 430 ريال
زيوت و فلاتر ومساحات وضغط الهواء و زيت القير و الفرامل وموية الرديتر والمساحات وفلتر المكيف وفلتر الزيت والفرامل وتشيك كامل 


up 0 down 1
توظيف -53
قبل 7 سنه و شهر



الموتر الجديدة اصلن مايحتاج له اي صيانات كلها تشيككات عايدية انت تقدر تشيك بنفسك عليها يعني تشوف الرديتر مع انه ماراح ينقص ولو نقص فهو شي بسيط


تشيك على جميع الزيوت ودق سلفك وامش ولين مشى مثلن الموتر 80 او على حسب استخدامك عاد غير السير عن قولت وتشييك خفيف وصلى الله وبارك



انا ماشريت موتر جديد عشان كل 3 شهور يمشي موتر 10 الالف اروح ادفع لي 2000 ريال ليه مهبول انا ادفع 2000 وموتري مافيه الا العافية


up 1 down 0
a.ibrahem 3169
قبل 7 سنه و شهر