ملاحظة مهمة وخطيرة

بس لاتنسى ان البنزين غالي عندهم ورخيص عندنا

اذكر عام 2002 يوم ارتفع البنزين صارت السيارت 8 سلندر برخص التراب وقتها 

وغير كذا عندهم وسائل نقل أخرى مثل القطارات وغيره .. عشان كذا سياراتهم ارخص 

ههههههههههه توك تدري
من زمان واتابع مواقع امريكيه لدرجة اني كنت اتصل واستفسر 

ياخي هناك عندهم الكلام واضح وماعندهم كذب ودوران
السياره ممشاه واجد سعرها يقل
نفس المديل ممشاه بسيط السعر مرتفع 
اتصل عليه ويكون السعر مثلا  15 الف دولار
اقوله هل ممكن تنزل السعر
اذا بينزل بيقولك انزل مثلا الف دولار تصير ب14 الف
او يقولك لا السعر غير قابل للتنزيل

^^^
بمجرد اني ارجع اناقش معاه فالسعر يكرشني !
يقولي خلاص جى زبون
بطلت ابيع
ويعتذر ويقولك مع باي ويقفل الخط وانتهى
احترام وضوح شفافيه تعامل صحيح تحس بالثقه 

اما عندنا تعال تشوف البائع وش يقولك
السياره مسيومه برا ب50 وهي والله لاسميت ولا شي بس هو يبغى فيها 52 عشان كذا يحط لها سومه من راسه
ويرجع يحكيلك قصة حياته ونصب في نصب 
واكبر دليل المرسيدسات مديل 90 تلقى السوم واصل عليها 40 الف وبعد زعلان يبغى فيها 45 الف
ملمع ام الموتر والحمار نسي لاينظف موية الاديتر مصديه وهذي تدل ان الموتر مكروف واكل عليه الدهر
واذا محد سام فوق ال 40 جاك وحط سومة جوال ولا سومة خارجيه ب42 وقالك سيمت برا هيا تعال حلها الحين
كل موقع حراج مليان بالسومات الخارجيه
نادرا تلقى احد يعطيك على كاش وصريح انا ابغى فالسياره السعر الفلاني

ياخوي سياره صار لها 25 انتهى عمرها ملمعها وتبي تلعب علينا فامريكا شوف سعرها نفس المديل بكم

غير طرق التحايل والاستغفال اذا كان فالموتر حادث يحاول يتجنب ذكره
وعشان مايذكرلك ان عليها حادث يقولك الرفرف انحك ورحت غيرته كامل وغيرت معاه الباب لتطابق الالوان ((( كل هالكذب عشان مايقول مصدومه رفرف وباب )))

واحد كان عارض موتره وتقرير الكارفكس عليه حادثين فامريكا وكاتب موتره نظيف
اقوله كيف تقرير الكارفكس وانا اصلا عارف موتره زين
يسكت ومايرد
اخر قلتله اذكر لنا وضع تقرير الكارفكس ؟
راح احذف الاعلان كامل  !!!

بعد كل اللي شفته في البيع والشراء
اقدر اني اقول اثق كثيرا في بني صهيون واليهود
واثق قليلا في المسلمين 

هي كلها من قرار منع الاستيارد 
الاسعار صايرة نااار والعياذ بالله 
لا جديد ولا قديم 
من زمان الواحد كان يقدر يجمع فلوسة
 ويشتري سيارة جديدة
والحين يموت وهو ما جاب قيمة اكسنت 

الشكوى لله :(
-------------------------------------------

 

بس انت شف كم تبيع الوكاله بسنه وحده مع وكلاتنا
مبيعات شهر بامريكا عن سنه عندنا هنااااا الفرق
وهذا ماهو عذر للتجار لكن هذي النقطه لازم نعرفها عشان نتكلم

محمد الخرج

ترا السومات الخارجيه واضحه جدا
الواحد اذا ماعجبته سومات العام
راح نتف سيارته بسومه من راسه وقالك خذ سيمت برا

ولاحظ اغلب الاعلانات 
جميع السومات العاليه تكون خارج الموقع  يعني افهمومها

ولا تنسی عندنا ناس يجيك مطفي النور ولا يقرا الاعلان ولا شي ويجي يسوف اخر سومه ويرفع عليها امس شفت اعلان مرسيدس 300 اعتقد موديل 83 الرجال كاتب يبي فيها 2900 وتجيك الردود تبيع 4000 وصامل ويجيك الثاني ويقول 5000 بعد الفحص يعني ناس مهبل ما تدري وش يبون.
ولا يجيك واحد يرمي سومه واذا قلتله بعتك يقفل جواله ولا تلاقيه ويخرب عليك قبل اسبوع عندي جوال جلاكسي3 مكسورة الشاشة الخارجية واعلنت عنه ببيعه ويجي واحد ويدفع 400 قلتله بعتك وهو عندي بنفس المدينة وارسلت رقمي له بالخاص ولا عاد شفته وبعته اليوم علی 320 لوفي بعض الاعلانات يقولك لا احد يسوم اقل من 400 طيب اللي سام ب 400 حط سومه وراح ولا هو بشاري تلقاه ورع رمی سومه وهو كذاب ويخلي الاعلان 5 شهور والسوم نفسه
وفيه ناس اعلاناته قديمه عن سيارة لها حوالي سنه ومسيومه مثلا ب 80 الف ووصلت حقها ويقول باقي علی النظيف وتقولها اعلانك قبل سنه قبل لا ينزل 2015 يعني المفروض ينزل سعره مع الوقت ومع المشي وما تدري خلال السنة وش صار عليه وتلقی قيمته السوقية في حدود 60 الف بما انه نزل موديل جديد ويجيك ورع لا هو بيشتري ولا شي ويسوم مثلا 82 الف ولا يقول سيم خاص ولا برا الموقع او علی الجوال بكذا يعني اكثر البيع والشرا عندنا بالغش والكذب وصدقني لو جابت سعر طيب برا ما نزلها بموقع حراج 

الله يستر الغش في كل مكان بس ابي اعرف الحين

وش يستفيد ذا الي يغش

 ابيع بخساره ولااغش خلق الله

استغفرالله من كل ذنب 


ولاابيع

بس لتنسى ان لدول الخليج مواصفات خاصه مثلا لديتر اكبر مكيف اقوا. طبلون ضد التمزق من الشمس. اما اذا شريت وارد امريكا ماتكون فيها هل مواصفات

أولا شكرا على مروركم وردودكم الرائعة 
ثانيا .. نفسي أعرف إللي يدخل الموضوع ولا يفيدنا بشيء .. بس يدخل يحط عدم اعجاب ويخرج .. ايش يعني احنا استفدنا منك غير مرضك النفسي بأذية الآخرين دون الاستفادة منك ومن خبراتك ان وجدت .. فهذا المنتدى لمناقشة المواضيع 

الله يهدي الجميع ويهدينا