أضف سؤال أو موضوع جديد          

اخذت حقي بالقانون في بلد القوانين

up 36 down 10
فنان زمانه 227
قبل 4 سنه و 8 شهر



السلام عليكم ورحمه الله وبركاته

نبي الجميع يشارك اي شخص صارت له قصه يكتبها هنا سواء حلها او ماحلها

ببدا على طول
كان عندي مشكله في فورد اكسبلورر 2012 XLT تطلع ريحه حرق مع كل دعسه واكتشفت بعدها انه عيب
مصنعي تماطلت الشركه في عدم الاعتراف واخذنا 8 اشهر نتجادل في ان استلم حقي ومع اصراري لاخذ حقي
فاني تقدمت بالشكوى لوزارة التجارة بعد مرور 8 شهور من الانتظار لايجاد حل كما وعدوني ولانني منذ
استلامي للسيارة كنت قد بينت العيب لديهم وسجل ذلك بملف السيارة عن تكرار شكواي وايميلاتي للادارة الاقليمية بالشرق الاوسط وحتى امريكا الشمالية .. كل هذا لم يذهب سدى حيث ان بدخول وزارة التجارة للنظر في الشكوى والتي اعتبرتها "غش تجاري" جاء الانصاف بعد شهر ونصف فقط.. والذي اطال المده هو انها تصادفت مع اعياد الكريسمس.. حيث افادوني بالبدايه انه بامكاني استبدال السيارة بنفس قيمتها الاساسيه باي سيارة جديدة واكدوا لي "ان جميع سيارات الاكسبلورر الشكل الجديد قد تحمل نفس المشكلة".
واعترضت عليهم.. وقلت لهم ان لهم خيارين لا ثالث لهما اما اعطائي سيارة ليمتد بدون ان ادفع الفرق كنوع من الترضيه واتحمل احتمالية ان العيب يتكرر او استرجع كامل المبلغ الذي دفعته.. وبعد ان راسلت الوكالة الشركة الام بطلبي وايضاح كامل شكواي قررت الشركه الام الموافقه على ارجاع المبلغ بعد خصم فترة الاستهلاك وان يتحمل الوكيل دفع الباقي "اعتقد لمماطلة الوكيل في حل المشكلة من البداية" وهذا ما تم ولله الحمد استلمت الشيك بكامل ما دفعته.
بالطبع كملت السيارة معاي سنتان ولكن لم أيأس من توفيق الله بالاصرار بالمطالبه بحقي ولا انسى ان اشكر وزارة التجارة ف لولا الله ثم دعمهم لما اخذت حقي كاملاً.
كان هدفي من طرح الموضوع من البدايه هو ان نوعّي انفسنا وان نسعى بالمطالبه بحقوقنا وعدم الاستسلام.. وعلى فكره تقديمي للشكوى كان عن طريق برنامج الوزارة على الايفون والتواصل الهاتفي ولم اضطر للذهاب للوزارة الا بعد اتصال الشركة بي لتسليم السيارة لاكمال اجراءات الاسترجاع واعطائي شيك بكامل المبلغ واحببت ان اتاكد من ذلك عن طريق الوزارة فقط.
في بدايه هالموضوع كثير ناس يروح حقها ولا يعرف وش لها ووش عليها
واذا انسرق منه شي او انظلم مايعرف ياخذ حقه ويقول المعاملات عندنا ماتخلص وبقعد 10 سنين ماخذت حقي
هذا الموضوع لكم واليهم تعطون قصص اخذتو حقكم في زمن مهما طال او قصر الحق موجود

وكل واحد يقول قصه حصلت له واخذ حقه بنفسه

واعتذر على الاطاله ولكن اتوقع الموضوع يستاهل







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا ماكملت قراءه موضوعك    لاكن الي فهمت حرق عند الدعسه .

  انا موتري برادو . فيه المشكله هذي اذا دعست يطلع ريح حريق 

+ اشوف الربع موجوده فيه والشاص لاني كذا مره اشوفهم يدعس وتطلع الريحه من الشكمان

فاعتقد عادي 


up 5 down 31
مستر12 864
قبل 4 سنه و 8 شهر



( ملاحظه الدعس بقوه  مو الدعس الطبيعي . )


up 3 down 7
مستر12 864
قبل 4 سنه و 8 شهر



الحمد لله هذا شي طيب وفيه مثل يقول ما يضيع حق وراه مطالب وليت بقية الناس كذا ياخذ حقه مثلك الحمد لله والسبب الرئيسي بعد الله تطور وزارة التجارة علی يد وزير امس مقدم عليهم شكوی عن طريق الاتصال علی شركة لوزين لانهم رفعوا سعر خبز التوست من 3 ريال الی ثلاثة ونص والمفروض اي واحد يشوف اي شي غلط يبلغ 
وموفق خير


up 14 down 1
ابوخلوودي1 5049
قبل 4 سنه و 8 شهر



ابو خلودي ليش مارفعت دعوه على الاندومي احسن سارت بريال ونص هههههههه


up 8 down 14
باسل النزهة 30
قبل 4 سنه و 8 شهر



ايوه مين الي دخل على مواضيعب واعطاني دس لايك على موضوعي السابق ترا الدعوه مهي خصاره ولاشي اعطيني لين بكره ادا هاده يريح ضميرك ناس حقد وحسد اعوذ ب الله الله يفكنا منهم بس     


up 6 down 10
باسل النزهة 30
قبل 4 سنه و 8 شهر



حمدلله الله يشفيك وترا على فكره نقاطي 30 ماقدر اعطي لايك ولا دسلايك


up 8 down 4
فنان زمانه 227
قبل 4 سنه و 8 شهر



ياباسل تراني بريء من الديسلايك 
وبالنسبة للاندومي ما اشتريه علشان كذا ما ادري زاد او نقص المفروض انت تبلغ عنه شكله تحبه ههههههههههههه
وابشر باللايك


up 10 down 5
ابوخلوودي1 5049
قبل 4 سنه و 8 شهر



لا يابو خلوودي الله يسعدك ويفرح قلبك انا داري انك ماتسويها بس جالس اخاطب صغار العقول 


الله يوفقك حبيبي 


up 1 down 2
باسل النزهة 30
قبل 4 سنه و 8 شهر



يا باسل والله اني قاعد احط لايك للجميع قسم بالله واخر شي طلع لي" لا يمكن التقييم بشكل ايجابي اكثر من سبع مرات "
يعني الموقع نفسه يبغيك تصير خبيث وتحط دسلايك عشان نزيد الكراهية و العداوة

جرب حط لايك 8 مرات ماتقدر




up 6 down 2
chevrolet zr1 586
قبل 4 سنه و 8 شهر



**الطبع كملت السيارة معاي سنتـــــــــان ولكن
**لم أيأس مع توفيق الله بالاصرار بالمطالبه بحقي
**ولا انسى ان اشكر وزارة التجارة ف لولا الله ثم دعمهم لما
**اخذت حقي كاملاً.

انت نموذج فخر ، وتحمس وتشجع وانت فنان زامنك هههههههه في تحصيل حق من مافيا السيارات
لايق عليك ولك كل الشكر 
والله يبارك لك في تعويضك.. موفق خير


up 9 down 1
aziz..747.. 2422
قبل 4 سنه و 8 شهر



الرد الاول
الرجال يقول الشركة الام اعترفتة بالعيب المصنعي 
تقول عادي ....سهران والا جيعان والا حراق ههههههههه


up 4 down 2
aziz..747.. 2422
قبل 4 سنه و 8 شهر



كفو. لازم الواحد مايضيع حقه 


up 2 down 0
مراجل2 95
قبل 4 سنه و 8 شهر



اخوي صاحب الموضوع إفادتك تبث الحماس والإصرار على الحق ولو ان الموعد بعيد أشكرك كل الشكر وعساها اخر المتاعب


up 1 down 0
كلي وفاا 325
قبل 4 سنه و 8 شهر



سلام عليكم

يااخوان انا راعي تكسي وقبل كم يوم لقيت فالمرتبه الخلفيه عند دعسات الرجول قطعة صغيره من سلسل ذهب
مدري لمن اخذتها وحطيتها فالبيت واليوم وانا انظف السياره لقيت في جيب المرتبه الخلفيه شنطة نسائية صغيره
فيها بطايق وفواتير وأقامة لطفلة صغيره بعد ما لقيتها تأكدت أن القطعة الذهب كانت تابعة للشنطه

أخذت جميع الأغراض وسلمتها لدورية أمنية وعلمتهم بالسالفة كلها طلبو اثباتي وجلسو يسجلون بيانات ويستفسرون بالجهاز

طيب يا أخوان انا متأكد أن الشنطة كان فيها ذهب وفيه راكب قد لقى الشنطة قبلي وفتش فيها وسرق محتوياتها وحطها
في الجيب الخلفي للمرتبه والدليل القطعة الصغيره من سلسل ذهب انقطعت منه

أنا في الحالة ذي وش أسوي اذا أتصلو براعية الشنطه وحضرت ولقت أشياء مفقودة منها وتبلت علي
هل أنا متهم ولا ماني متهم

المره مهي سعودية وأنتو تعرفون بعض الجنسيات يمكن تفتري عليك عشان تأخذ حقها ولو أنك بري
الله يجنبني الشر وجميع المسلمين


up 4 down 2
للآجره 280
قبل 4 سنه و 8 شهر



انا كنت ابشتري التيما الشكل الجديد قبل اكثر من سنة
المهم دخلت على موقع نيسان ارابيا ابي اشوف عن السيارة عن مزاياها وعيوبها
لقيت فيها عيوب كثييييرة خاصة ان فيها اصوات وضعف في الكهرباء
الغريب في الموضوع ان تجمع اكثر من 10 اشخاص وطالبوا بحقوقهم في وزاة التجارة ان مشاكلهم تتصلح وان الوكيل ما عاطهم وجهة لانه يقولهم انه اللي فيها طبيعي
والى الان ما انحلت مشاكلهم


up 0 down 1
5alaf 692
قبل 4 سنه و 8 شهر



وعليكم السلام ورحمة الله وبركاته

الف مبروك التعويض

سؤالي لو تكرمت .. هل المشكلة والبلاغ حصل معك في السنة الأولى .. لأنه على حد علمي انه السنة الأولى لها امتياز غير عن السنوات الأخرى حتى لو كان الضمان 3 او 5 سنوات


up 0 down 0
أبو احمـــد 11
قبل 4 سنه و 8 شهر



اخوي ابوي شرى ارمادا 2009 وكالة 
بعد سنتين وديناه ورشة عشان صار فيه حكه بالباب ويوم فحصته الورشة طلع الباب كله معجون والصدام الخلفي مرشوش وهو وكالة !! 

طبعا لنا سنة مشتكين الحمراني عند وزارة التجارة ومازالوا يماطلون وش الحل !! 
طبعا هو اقساط ومسكها ابوي ماعطاهم ريال ووصلت الحين 64 الف وحطوه في سما وما يقدر يقسط شيء ثاني ومتبلينا


up 0 down 0
edgam 613
قبل 4 سنه و 8 شهر