كاسترول تتيح لك معرفة الزيت المناسب لسيارتك وكم يمشيك

3 3

لايمكنك التصويت حتى الحصول على 20 نقطة على الأقل
إضغط هنا للإخفاء

بياع حراجات 870
قبل 9 سنه و 6 شهر

بسم الله الرحمن الرحيم
السلام عليكم ورحمة الله وبركاته
جمعة مباركة على الجميع

كنت أستخدم زيت كاسترول 20W-50
وأمشي عليه 6,000 والحمدلله مكينتي ما تنقص زيت إلا إذا أسرعت
وألقى الزيت نظيف ولزج (أغلب الممشى خطوط) وما أغيره إلا من خوف فقط
شهريا أقطع 6,000

المهم فقررت إنه لازم أغير لزيت يمشي أكثر دام إن ممشاي واجد ومنب فاضي كل شوي أغير
شفت الناس تمدح بترومين A1 وكنت ناوي عليه بس تراجعت في اللحظات الأخيرة بما إن لزوجته 5W-30 وقلت ما ينفع إلا للمكاين الجديدة يمكن ! < على طاري المكاين الجديدة لنا رجعة لها :)

فتوكلت على الله ورحت الصناعية وقلت بأسأل خبير مكاين عن الزيت اللي ممكن أحطه في المكينة
هل ينفع أحط لها بترومين A1 أو لا ؟! للأسف مالقيته كان طالع للتشليح رحت لمحل أعرفه وأعرف راعيه جدا وسألته عن الزيت اللي هو يستخدمه شخصيا (سيارته شبح 98) <هنا أكبر رد على اللي يقول الزيوت اللي لزوجتها أقل من 20W50 للسيارات الجديدة !!!>
قال لي يستخدم زيت ألماني
لزوجته 10W-40 ويمشي عليه 10,000 بعدين يغير < لكن سعره غالي 4 لتر بـ 132 تقريبا
قلت دامها كذا أجل بآخذ كاسترول ماجناتيك 10W40
دامه الأقرب للزوجة اللي كنت أستخدمها وسعره رخيص (22) جملة

وأخذت كرتون وغيرت زيت
واللي فرق معي
1. صراحة حسيت الموتر أنعم وأخف إذا كتمت له ما يطول في لحظة الكتمة يستجيب بسرعة
وعلى دعستي اللي قبل كنت أمشي 80 ألقى نفسي ماشي 110 من خفته ماشاء الله
2. إستهلاك البنزين تحسن بشكل بسيط جدا 10%-13%
3.صوت بداية التشغيل سابقا كان يكون عالي لمدة 30 ثانية تقريبا حاليا لمدة 3-6 ثواني أول أقل بعد



نجي عاد للجزئية الأخيرة قمت أوسوس قلت الحين قبل الكاسترول 20W-50 كنت أغيره على ممشى 6,000 ذا على كم أغيره ؟! إذا على 10,000 بأكون طلعت بخسارة 2,000 كيلو
<لأن سعره دبل سعر الثقيل والمفروض تغييرة وحدة منه تساوي تغييرتين>

ودايم الزيوت مو مكتوب كم تمشي عليها :( وتلقى ناس يمشي على نفس نوعية الزيت ويغيرها على 8,000 وهو خايف مرة ولو مشى كيلو واحد طلعت له أصوات من راسه في المكينة وواحد يستخدم نفس الزيت ويغيره على 12,000 ويغيره وهو متحسف بعد ههههه
فلقيت على نفس علبة الكاسترول ماجناتيك QR باركود نسخته بالجوال

وفتح لي موقع كاسترول تبحث فيه بنوع مكينتك وليس بنوع السيارة
ويطلع لك نوعين زيت من كاسترول تناسب سيارتك وكم يمديك تمشي عليها

بالنسبة لي طلع لي كاسترول إيدج 5W-40
وكاسترول ماجناتيك 10W-40
وكلها تمشيني 15,000
^^
ومن هنا نستفيد بأن لزوجة 5W-40 و 10W-40 ليست حكرا على المكائن (القديمة)
لأن موديل سيارتي 99 وكاسترول وصى بإستخدام هاللزوجتين على سيارتي

وكذا صرت مطمن الحمدلله دام اللي قدامي كله كلام علمي بعيدا عن قيل وقال وأقدر أحشر كاسترول
لو صار للمكينة أي شيء دام موقعهم كتب بأن هذا الزيت يناسب محركي ويمشيني المسافة المحددة

رابط الموقع للشرق الأوسط
http://goo.gl/SkPWPs
<طريقة البحث في الموقع>
إكتب إسم سيارتك فإذا مالقيتها مثل التورس
إكتب إسم محركك وسعته اللترية
رابط الموقع لأمريكا إذا مالقيت سيارتك
http://goo.gl/Ytuu2L
^
الموقعين لا تدعم العربية

*إستنتاج
لا أعلم هل هو صحيح ولا من راسي إن سبب تخبيط المكاين على الزيوت التخليقية والنصف تخليقية
لأن بعض اللي يغيرونها ما يغير الفلتر مع كل تغييره مما يسبب تخبيط المكينة
أو يكون الزيت يمشيه 25,000 لكن فلتره حده 10,000

*ملاحظة
لقيت نفس زيت 5W40 اللي يمشي موتري 15,000
يمشي بعض السيارات لحد 25,000

ولقيت نفس زيت 10W-40 اللي يمشيني 15,000 أيضا
يمشي بعض السيارات لحد 10,000 فقط


هذا وبالله التوفيق
إن يك صوابا فمن عند الله، وإن يك خطأ فمن قبلي والشيطان

إبلاغ

الردود