سلفرادو أو شاص نيسان ايهما افضل

اشوف السلفرادو اريح في الخطوط وفي السفر 

شف انا باقول الصدق.  الشاص معروف. يكسر الضهر تكسير. بس انه اعتمادي.  بمعنا الكلمه.  والشاص نيسان حلو ومريح.  وعملي وقوي.  والسلفرادو.  حلو ومريح وعملي اذا كان نضيف   ويصلح للخطوط من ناحيتي ارشح لك السلفرادو. او. السيرا. نصيحه خذ السيرا.  لانه شبابي. 

الوحش فورد رابتر هو أفضل سيارات الدفع الرباعي الحوض . بدون منازع . 

لاكن بخصوص اختيارك . من وجهة نظري السلفرادو أفضل . 
من واقع تجربة في النفود . عزمه أقوى ويشيل أكثر اللي يشيله الشاص .

اذا انت راعي تحميل او خطوط السيرا افضل وارخص واصغر حجم واما النيسان ماعرف عنه وعن وكيله الجديد شئ يفيدونك اهلها 

السلفرادو قاسي جدا ومافيه راحة
لكنه مقارنة بالشاص اريح

في الخط المواتر ذي لا تدور فيها رساوة ولا ثبات
لاصار الونيت فاضي ومشيت على سرعة عالية بتقعد تنطنط طول الطريق

اذا تبي بيك اب مريح في الخط وفي المدينة خذ رام ولا افلانش
الرام والافلانش يايات مب سست وينفعون تحميل وخطوط وفيها رساوة اكثر من السلفرادو وغيره من البيك اب

طبعا صرفية البنزين معقوله على حجم السيارات هذي وسعة التانكي
كان معي F150 كنت اعبيه فل لاصار فاضي بـ 70 ريال
ويمشيني 700 كيلو وزياده مع انه كثيرين كانوا يقولون قراءة العداد مب دقيقة المفروض اقل من 700 كيلو

التانكي في الامريكي يجي حجمين
يجي حجم 32 جالون وهو الاكبر وفي الغالب في الشاص الطويل كله (الفورد والجمس والرام)
ويجي اصغر 25 جالون والفورد اذكر 28 جالون الصغير والكبير 32 جالون

والله ياخوك نصيحتي لك سلفررادو او سييرا موديل جديد بتدعيلي راحة وفخامة وقوة.. النيسان لاتاخذ الا الباترول الفتك
واستخير الله يرزقك بالطيب ان شاء الله

سلفرادو اكيد مافيها كلام 
بعدين انتبه السلفرادو يجي 6 و8 سلندر 
وطبعا مافيه مقارنه سياره بالحجم ﻻزم لها 8 سلندر وﻻ اصرف النظر عنها 
يجي حساسات وتشغيل عن بعد ودبل 
ولو تشوف السييرا ﻻنها ارغب بعد البيع ونفس المواصفات في كل شيء 

فتك حوض افضل وخذ يايات لان فيه ريش وفيه يايات
مريح وموتر ماعليه كلام السلفرادو  فخم كشكل لكن النيسان افضل بالكد والكرف

سلفرادو اوسع واريح وقير توبترونيك ومريح بالجلسه دامك حق خط

اكيد سلفرادو .. لكن بيني وبينك السييرا افضل فالشكل
لكن ميكانيكاً مافي اختلاف مثل الفكتوريا والماركيز.

موفق

لاهنتو والله يعطيكم العافية جميعا
مبدأيا شكلي بأصرف النظر عن الشاص 

والبنسبة للسييرا والسلفرادو صراحة السييرا شكله أفضل بكثير من للسلفرادو لكن المشكله انه سعره أعلی من السلفرادو بفرق 10 ألاف تقريبا فلهذا السبب شكلي بأتوكل علی الله وباخذ سلفرادو

السلفرادو أو السييرا ، خذ اللي يروق لك .. الفارق وجهية واكسسوارات فقط
وقرأت انهم اكثر شي يستخدمون في امريكا السلفرادو .. لانه الأكثر اعتمادية
من ناحية قلة الاكسسوارات والتكنلوجيا .، مثلا مكيف فرآر بدلا من أوتو 
الخ ... 

اذا انت تطلع كثير للبر مانصحك ب سييرا والسلفرادو 

والشاص النيسان فيه نوع يجي يايات مريح موب زي السست

اثنينهم كويسين بس اميل للشاص النيسان خصوصا اذ كان يايات وثلاجه
لانه يتميز ب 2 توانك ودفلوك وثلاجه ودبله قوي

ياخوي انت ماحددت اي نوع بتاخذ ﻻن فيه مقاسات في الجمس يجي سست خلفية وهو مخصص للتحميل ويكون مطبه قاسي ومتعب شوي ونفس النظام ذا لشاص نيسان اما اذا اخذت ياي فكلها مريحة ويمكن اميل للشفر مع العلم اني ماجربت مركب شاص النيسان