الاستمارة منتهية والسيارة مصدومة

ما تقدر تنقل السيارة باسمك الا مجددة و مفحوصة و مأمنة
حسب علمي
ممكن تسوي مبايعة و تصلح السيارة
و تفحصها و تجددها و تأمنها و بعدين تنقلها باسمك
بعض المعقبين يزبطونها لك 
بس كل شيء بحقه

انت وين ساكن....... .

بس حقين التشاليح وش وضعهم يقدرون ولا مايقدرون ؟! 
انا بالرياض 

حلها بسيط
اتفق انت والبايع والمعرض كطرف ثالث
على النقل بعد التصليح لأنك ماراح تقدر تنقل الموتر بدون فحص 

بينكم عقد البيع أو السند
واذا صلحت الموتر ارجع للمعرض وانقله باسمك

هذي قد سويتها 

بالنسبة للوحة يقدم الي باسمه الموتر على بدل فاقد
بس انتبه لا تصير السيارة معمم عليها في حادث لأنك بتتمرمط

قد صارت لي شريت موتر فيه رفرف وباب 
بعد ما صلحت الموتر ورحت بنقله صار معمم عليه هروب من حادث

قعدت شهرين انا وراعيه يالله حظر وخلص الاجراءات وكانت غلطة مني اني ما استفسرت عنها قبل
تعطلت ولا قدرت لا استخدم الموتر ولا ابيعه لمدة شهرين

بالظبط مثل ماقال naac 2 انتبه ان الموتر يكون معمم عليه او عليه بلاغ


مع انه لو راح طلع اللوحة ومامسكوه معناها ان الموتر اموره في السليم لكن الحرص واجب


بالنسبة للنقل يا انك مثل ماقال naac 2 تصلحه ثمن تفحص وتنقله


او تشوف لك احد يعرف واحد في احد هالقرى اللي ينقلون ويجددون بدون فحص


بس يبي لك تعرف واحد ولا سو الطريقة الاولى وخل امورك نظامية احسن ، ولا تنسى اهم شي ورقة الاصلاح خل راعيها يجيب لك ورقة مع اللوحة المفقودة عشان تصلحها وتركب لوحتها ثمن تفحص وتنقل