اسلوب جديد للشريطيه

صدقت  الشريطيه   يطلعوونك  من  ساحة  المعارض
ثم   افترسك   و  حطمك  نفسيا   موتر  فيه وفيه  حتى  تبي  البيع
انتبهم
وشكرا  لك

صحيح يا امير الاصيل انا احاول اكتشفهم من الناحية الشكليه واطردهم بطريقة ان السيارة مو للبيع او ان السوم واصل لارقام خيالية حتى ينقلع ولا يشغلنا لكن صعب تحددهم بالظبط
1- تلقاه ماسك السبحه ولابس نظارات
2- شكليا هيئته من حقين قناة الصحراء ههههههههههه
3- كلامه كثير وغير مقنع وياخذك من سالفه الى سالفه مايسكت
4- يسألك عن عائلتك او قبيلتك وفجأة تطلع انت من خواله ( حتى ياخذ الموضوع حنا قرايب خفضلي بالسعر ) هههههههههههههههههههههههههههههههههههه

اكبر غلط ترتكبه بحق نفسك انك تترك الشريطي يجرب موترك وانت مااخذت منه العربون ؟؟؟ والخطأ الثاني انك تروح تخليه يفحص بمحل يختاره هو ؟ وتكتشف بعد فوات الاوان انه متفق مع راعي المحل انه يطلع عيوب من تحت الارض مب موجودة بموترك 


لكن يارجال ياليتك طيحت وجهه ونسفت جبهته وسألته سؤال واحد ؟ اذا كانت السياره محتاجه شغل ب 10 الاف وش تبي فيها اجل ؟ اذا قالك لا انا محتاج الموتر ومن هالكلام قله خلاص رح دور لك سياره محتاجه شغل ب ألف او ألفين واترك سيارتي بحالها ههههههههههههههههههههه واتحداه يرد 

والله يا ابو هيثم اسلوبهم هذا جديد علي كان يمر علي اسلوب قديم زي السيارة مو مرغوبه السيارة موديلها قديم الممشى كثير واسكر القزاز على طول لنوعيات هذي
بس انه يقول انا شريت وبعدها يطلع لي عيوب كبيره زي تخبيط المكينه وخفضلي عشرة الاف يا أخي حتى لو اجيب مهندس ياباني مهوب عارف ان المكينه تبي تخبط وهو جالس على كرسي بخمس دقايق الشريطي هذا اعجوبة زمانه ههههههه وين تويوتا عنه يوظفونه

خلة يسوق وخلة يعذرب لين يقول بس 

فلوسة في مخباتة وموترك معك فوسع صدرك 

ههههههههه متخرج من جامعه عريقه بامريكا ههههههههههه

ذا تنزله من موترك تقول سقها لا اشوفك قدامي وخر عني لا اجيب بف باف افضيه بخشتك وانشهد انك ذيبان 

والله ياخوي من كثرهم ومن طرق نصبهم واساليبهم القذرة ما تدري من الشريطي من المستخدم ولكن نصيحتي للي يبي يبيع اولا لا تخليه يجیب حتی يعطيك السعر اللي في بالك او اقرب سعر له ثانيا يدفع عربون اقل شي 500 ريال لو هون العربون تحطه بجيبك
والله ينظف الارض منهم

تبي تعرف هو نصاب والا ملتزم لايركب الا دافع العربون وبعدها خله يسوق ويفحص على راحته

اذا انا ببيع موتري ماعلي من اللي بيشتريه شريطي ولا غيره ، اهم ماعليك تطبق النقاط الاساسية للبيع


بمعنى جاك فلان من الناس وانت واقف شريطي ولا غيره كم سيم والله سيم بكذا وكذا ، كم حدك اذا كان لك حد قل له حدي كذا واذا مالك حد قل مالي حد عندك فرق افرق


اذا قال لك بسوق واجرب وغيره قل ماعليش ماتجرب الا وانت صامل وتعطيني عربونك سواءن شريطي ولا غيره


انا منيب قاعد كل من جاني وقال انا شراي وبجرب خليته يسوق كذا موتري بيطلع سبيل ، الصامل اتفق انا وياه على المبلغ اولا اقول له كم تدفع في الموتر اذا هو كذا وكذا وكذا نظيف وسليم وكذا يتحدد المبلغ

بعدها قل بسحب منك عربون تأكيد جديتك في الشراء صار في الموتر خلاف ذالك لك الحق تسترجع عربونك ، وبكذا يكون الطرفين راضين ، لكن لو كان موتري مافيه شي وهو معطيني سومه معينه وقال بفكر ولا برد لك وتردد معناها مهب صامل وفي الحالة هاذي استفدت من عربونه مقابل انه ضيع وقتك



ولعلمك ياصاحب الموضوع انت مخطي في الشي هذا انك تسمح له يتكلم عن سيارتك ان يبيلها كذا وكذا وكذا ويولف سالفة من راسه وانت ساكت ، لأن مجرد مايسمعه شخص معين يمكن يصرف النظر عن موترك ويصير موترك منبوذ في السوق


لو انا مكانك اول ماقال موترك يبي له كذا وكذا بقول له انطم اااا وماااااا بقول الفقه تعرف الموتر انت سقته جربته على طول نطلت كشرتك على ذا المرتبة وقمت تفتي ، بقول له انا اتحداك واذا كنت طبعا واثق من موتري بقول اتحداك اذا طلعت هالخرابات اللي انت جالس تقول بها في موتري والفحص بينا عطني 500 الحين وبطلع انا وياك نفحص اذا صار ذا الخرابات في موتري هو لك بالسعر اللي انت تبيه واذا صار العكس راحت دريهماتك وش قلت ؟؟؟


بيقول ايه اتحداه بيقول لا وما لا قل اجل ضف وجهك ولا تجي تسوم مواتر مهيب لك حدك القرابيع سكته بهالكلام


لاتخلي الشريطي ياكلك بلسانه انت كله ، وبكذا يصير موقفك قوي انك مادافعت عن موترك الا انت واثق

ربك يمهل ولا يهمل 
ناس ماتخاف ربها وعايشه ع الغش والحرام حسبي الله عليهم

هالجرثومه اساسا ماسمحله يسوق السياره اما اوقفها بمعرض او اعلان او حراج او اهديهاااااااااااااااااااا

صارت معي فالشفا يوم رحت ابيع الفورشنر حق خويي
جى فتح الباب يبي يركب وكرشته 
عربونك اول 5 الف ريال واذا ماعجبك توكل على الله

ولاعاد شفت رقعة وجهه

مره نزلت الحراج ابغى ابيع سيارتي وقبل مريت البقاله وشريت كيك وعصير تصبيره لين اروح البيت اتعشى مره وحده وقفني شريطي وركب مع باب المعاون وشاف الكيك واكل منه قطعه وبياخذ العصير وبيشرب على طول طردته من السياره ياخوان حارمين نفسهم من النعمه وقسم بالله جيبه بينشق من كثر الفلوس اللي معه لاكن الله يعينهم على انفسهم

الله يكفينا شرهم بس قسم بالله يرفعون الضغط

والله مررة كنت ببيع الموتر المهم جاني واحد يسوم وفجاة خذا قاروتي الموية كانت عند القير وشررب منها وخلاها معه طبعا انا اخذتها منه لين راح وكبيتها الله يقلعهم ماردى انفسهم وجع متخيسر في نفسك لاتشتري موية بريال