التجاره في الذهب ؟ أو أي مشروع آخر ناجح

والله ماعندي خلفيه بالموضوع 
لكن كل الي اعرفه سعر النفط انخفض ومع انخفاض النفط راح ينخفض العقار والذهب 
 والنفط مصيره يرتفع مره ثانيه وراح ترتفع معاه اسعار العقار والذهب 

فهي فرصه للي يبي يتاجر بالذهب والعقار يشتري الحين ويبيع اذا ارتفع 

اسال الله لك التوفيق والرزق 

بالنسبة للذهب مبلغ 10 الف ريال قليل مرررررة اقل شيء يتوفر معاك كيلو ذهب يعني 150 الف عشان تاجر فيه
وبعدين لازم يكون عندك خبرة في الذهب غير كدا اصرف نظر عن الذهب

شف مجال الاتصالات وابحث ودور مب شرط يكون تخصصك بيع جوالات
فيه اشياء ثانيه مربحه جدا بإذن الله

يعطيكم  العافيه

اهلا




ادا تريد ربح طويل الاجل انصحك بالذهب

اما تشتريه وبعد كم شهر تبعيه ما تحصل ارباح تسوى ( ادا ما خسرت ! )


حتى الاسهم اللي يفكر بالربح السريع يخسر فيها

اما اللي يشتري و ينساها حتى لو انخفض بيجيه يوم بيرتفع

ويستفيد ايضا من توزيع الاسهم من الارباح ( نقدي و اسهم )

يعني مثلا لو كان عنده 1000 سهم و كل سنة زادوه 50 سهم ( حسبتي لكل 20 سهم ربح سهم وهدا قليل جدا )

طبعا على حسب توزيع الارباح ( مثلا صافولا وزعت سهم ربح لكل اربعه اسهم )

بعد 10 سنوات بيكون عنده 1500 سهم


اما النقدي كل سنة يوزعوا هللات على كل سهم على حسب ربح الشركة




انا لما فكرت بالاسهم فتحت لي حساب خاص للاسهم وما اسحب منه ابدا

كان نيتي اشتري وانسى استفيد من الارباح بس حتى لو كانت قليلة

وما ابيع منها شي حتى لو خسرت ( كان الاولاد بعد ما يجوا وانا اموت ( مو تتزوج بالاول !!! ) ويبعوا الاسهم )



ولكن استقلت من العمل ولي 4 سنوات عواطلي

خرجيتي منهم و ان شاء الله اعوضهم بعد ما افتح مشروعي بالايام القليلة القادمة

من رأي تدور وظيفة في احد محلات الذهب لكسب الخبرة 
والتعلم ومن ثم تبدأ في مشروعك بناء على خبرتك .

الحين وش علاقه النفط بالذهب ليه الفلسفه

الذهب ينزل سعره لما يزيد انتاجه (اخراجه) وقبل فتره في دوله ما اعرفها اخرجت مخزون من الذهب ونزل سعره وصل ١٢٠ ريال عيار ٢١

التجارة فيه ممتازة لكن موب لشهر بتشتري وعالاقل ثلاث شهور يعني يرتفع عالاقل ١٥-٣٠ ريال للجرام

وللعلم الذهب عليه زكاه مثل زكاة الفلوس

السلام عليكم ورحمة الله وبركاته

اخي الكريم .. الذهب في نزول احذر ثم اخذر تشتري ذهب 
نزل من مستويات 1800 دولار للاوقيه والان بحدود 1200 

واتجاه الذهب الى 700 دولار للاوقيه 
نزول حاد انصحك ماتشري الا بعد مايوصل القاع ووقتها اشتر بايديك ورجليك وارقد وامن 
استثمار امن وبتبيع بربح كبير بس 10 الاف راس مال بسيط لازم اقل شي 100 الف للذهب

انا من رايي عندك خيار ثاني وهو في حال كنت ترغب براحة البال وعدم القيام باي عمل 
وهي الاسهم .. 
السوق صحح وانخفض بقوه والان يؤسس قاع للعوده من جديد للصعود وانت خلك ذيب 
لقط مع النزول اسهم اسمنتيه مثل الجوف وام القرى وبتعين من الله خير بس لاتنتظر ربح اكثر من 20% خلال 6 شهور عالاقل 

سبايك وليس ملبوس
للتجاره

الله يوفقك و يرزقك من و اسع فضله

الذهب مربحه بسيط اذا راس مالك مثل ما تفضلت 10 الاف ريال.

ان بغيت التجارة بهذا المبلغ فعندي لك تجارتين:

التجارة الأولى: كماليات النساء و رغبات الشباب
التجارة الالكترونية فيها خير وبركة وراس مالها قليل. تحتاج منك الجدية والاجتهاد والمرونة مع العملاء. النساء مثلاً يلقون اكسسوارات او فساتين بالانترنت واسعارها ممتازه بس ما يقدرون يجيبونها. الفستان بالسعودية يكلف حدود الالفين وتلقى شي بحدود 650 ريال مع شحنه ان جاتك عميلة تطلبه. وقتها تقدر تاخذ ربح معقول بين 100 و 200 ريال وطلبات الحريم ومناسباتهم مستمرة طوال السنة.
الشباب مثلاً يحتاجون اجهزة او نظارات او اشياء ثانية تقدر تجيبها بسعر منافس وبربح طيب. انا قبل اسبوعين شريت نظارة اصلية من امريكا مع شحنها كلفتني 465 ريال راي بان كات موديل 4125 قيمتها بالسعودية فوق 950 ريال!! واللي بالسوق اسعاره بين 100 و 400 كلها تجارية ويقولون لك درجة اولى. ان بغيت الاصلي روح مغربي او بشاوري واسعاره فوق 950 الى 1200 

انا اشتغلت بالتجارة الاكترونية. كنت اشوف احتياجات الشباب واشتري وابيع، ومرات ادخل براس مال 2800 ريال والربح احياناً يوصل 200%. اشتري قطعة بـ 25 وابيعها بـ60 وهي بالسوق يشهد الله انها 95 ريال واكثر بس القناعة زينة. الزبون يبغى الجودة والسعر المنافس والصدق بالتعامل.


التجارة الثانية (الأبقى):
التجارة مع الله. شي بسيط تقدمه بيمينك ما تدري عنه شمالك لمحتاج متعفف تفتح لك ابواب الرحمة والتوفيق.


الله يرزقكم ما تتمنون من خير الدرين،

عندي 60000 مركونه في البنك كنت ابغى اشتغل بها لكن قررت اني ادرس الجامعة وانا موظف هل تنصحوني اشتري بها ذهب  وأين أحفظ الذهب في البيت صعبة ؟؟؟ اذا كان البنك كم بياخذ عليها 

بيض الله  وجيهكم جميع ..
كلامكم عسل،، الله يرزقني وإياكم الجنة ،،خير من الدنيا ومافيها .

اللهم امين 

و الله يوفقنا واياكم