موقف مع الإشارة السوداء والمرور ـ ـ ـ
5
5
إضغط هنا للإخفاء
سلام الله عليكم ورحمته ُ وبركاتــــــــه
موقف مع الإشارة السوداء والمرور ـ ـ ـ :(
أمس حصلي موقف الساعة 11:45 بالليل، 01/11/2014 رايح أطلب من مطعم بخصوص عزيمة بالمنزل، وكنت مستعجل لأن الوقت متأخر، وبـ طريقي حصلت الإشارة مطفية (فكرت في بالي إنها عطلانة) أناظر إشارات اليمين واليسار ماحد يتحرك ومافي سيارات كثيرة، قلت خليني أديـــور بهدوء، وفي وقت المديور فتحت الاشارة اليمين ويلفون نفس إتجاهي وأول سيارة فيهم مرور ربع وصار وراي ويكبس لي ــ فلشنا الفلشر ووقفنا على جمب ...
نزلي العسكري ..
قالي: تقطع اشارة؟ جيب أحد يكفلك وعطني إثباتاتك ..
قلت: والله ماقطعت، الإشارة سودة ..
قال: سودة ؟ وش إشارة سودة مافي إشارة سودة
قلت: شفها والله سودة
قال: قال أي سودة والسيارات اللي معاك ليش ماقطعوها؟
قلت: والله ماحد كان معاي، لحالي بالإشارة، (كنت أكثر حلف وأنا متحمس وصادق :( )
قال: سكت شوي وسألني، إنت وين ساكن ويعني ماتعرف الإشارة !
قلت: الحي الفلاني
قال: ويعني ماتعرف عن الإشارة ؟؟
قلت: لا والله جيت أطلب أكل من المطبخ
قال: جيب أحد يكفلك، ومشى شوي وباب سيارتي مفتوح دخل راسه بالسيارة الظاهر يشيك أو يشم ريحة ولا شي مافي إلا أربع صحون على كرسي الراكب ..
وبعدها قال: إنتظر هنا أعطيك مخالفة
قلت: أبشر :( وخذ راحتك بس الإشارة سودة والله ..
قال: راح للسيارة وجلس مع الرجال مدري وش كان يسوي ؟ رجع لي وقال هات إثباتك الهوية، لأني عطيته رخصة السير ورخصة القيادة
قلت: سم،
قال: بسجل عليك مخالفة قطع إشارة وجب أحد يكفلك
قلت: والله إشارة سودة ورجعنا نفس الموال، قال مافي شي إسمه إشارة سودة ؟ وإن في ناس واقفة معاي بالإشارة ماقطعت! (وأنا متأكد مافي أحد ولا ماتلفت يمين وشمال)
قال: رجع للسيارة وجلس شوي ورجع لي وعطاني الإثباتات، وقال سجلت لك مخالفة
قلت: سم أبشر وتراي نظامــّي، بس الإشارة سودة ولو تبي تشوفها نروح نشوفها
قال: خذ > على الإثباتات (وأسلوبه كان واحد مايل للجــّــــد).
وركبت السيارة ومشيت (ووضعي وقتها كنت نايم وصحيت أروح للمطعم وأنا مفهي، وتعرف الأحداث تجيك بعد مايصير عليك شي وتفكر، جا في بالي، وش يقصد بـ أحد يطلعك كفالة؟ يحسبني أجنبي، ولا اهاااااا فيها سجن يمكن!
جلست أفكر وأفكر المخالفة عطاني إياها بس وين الورقة الصفرة؟
وبالنهاية كنت أفكر بكلمة إشارة سودة ؟ أقصد إنها عطلانة، بس على النية طلعت :( والعسكري يجاوبني مافي إشارة سودة بالنظام ! مع إني قلت له أوريك الإشارة!
وهل المخالفة راح تنزل يعني خلاص وقفوا نظام الأوراق ؟ وصارت المخالفة إلكتروني عن طريق جهاز سمعته في برنامج داوود الشريان لرصد المخالفات.
خوفي إنه سجلها لأن فيها أظن 24 ساعة وما أقدر أٍسددها إلا عند المرور! عشان يسجنونن :(
ندمان ليتني مركب الشاشة اللي تسجل كان إثبات لــّي :(
إن سجلها ما راح أسامحه، وإن ماسّجلها الله يهديه :(
الله المستعان .. والله لا يكتب لكم مواقف بيخااااااااااااااااااا مثلي
إبلاغ
الردود
اتوقع دامه ما عطاك الورقة الصفرا ما سجلها
ولا تنسى تعزمنا
3
0
قلي ابشر ويسألني وين رايح اقوله ينبع ومن وين جاي واقوله من ينبع هو انا حدي قلت كذا وعينك ماتشوف الا النور 3 ساعات جميع اختبارات المخدرات صارت علي
12
0
لو شرحت له بيتفهم وبيشوف الاشاره
3
1
نزلت الوالده السوق و بعد ماخلصنا وقفت عند مطعم و نزلت اشتري عشا
شوي الا المرور السري . ي راعي الكامري .. قااااااق قااااااااق
و مسبب قلق و قلت حيا
طلعت اشوف في اربع كوامري واقفه نفس كامريتي
و رحت للسياره و يصايح بالمايك .. تعال تعال
جيت عنده .. قال رخصه و استماره قلت ليه..??
قال اقول هات الرخصه و الاستماره .. قلت قلي ليه بالاول
قال يعني ما يفيد معاك .. قلت ولا بيفيد الين تعلمني ليه
<< طبعا بديت امشي بنظام مابسلمك شي الين تعلمني
السبب << صار عندي واسطه ابشركم بالمرور ههههههههه
المهم قال وقوف خاطئ . قلت لا ي غالي وقوفي صح و بعيد
عن الخط الاصفر
قال الوقوف هنا طولي وانت واقف عرضي .. قلت اثبت لي ان كلامك
صح ..?? قال هذا النظام .. طيب وين اللوحه ..?? قال الشارع
مسجل من زمان وقوف طولي
قلت يعني انا الحين مخالف..?? قال ايه
قلت ابشر بعطيك اوراقي لكن خالف كل اللي واقفين وقوف عرضي
وبعدين خالفني .. المهم بدا بالنفاخ و طلع من السياره
و ع اساس اني تطاولت عليه .. اوك معه حق انا زودتها شوي
لكن تخالفني و غيري واقف غلط و خليته..??لا ي صاحبي ما تمشي علي
المهم ماقصر سمع الكلام و بدا يعلق مخالفات ع قزاز السيارات
و جيت اعطيته بطايقي .. طالع بالبطاقه.. قال وش يقرب لك فلان بن فلان
قلت عمي اخو ابوي اللزم .. قال طيب بس تكفى عدل وقوفك
قلت ي غالي لكن شارع مافيه لوحات خاصه يالوقوف وعلى
ذلك نتخالف..!! هذا ظلم
لذلك احنا بزمن بكل امانه ماتاخذ حقك الا بواسطه
لكن يعلمني عمي يقول العسكر صارو يخالفون ع الشي
اللي يسوا و اللي ما يسوي . لازم يسجل 20مخالفه ولا مايقدر يسلم ابدا
و هم يدورون للي يلاحظون فيه اي شي لو يكون مدري ايش
لنا الله
9
2
عموما اذا صورتها ونزلت المخالفه عليك روح اعترض لاتسدد ,, والله يعينك ,,
1
0
لازم تتوقف 24 ساعه وتطلع هذا الي اعرفه عن القسايم المحجوبه وقطع الاشاره
0
0
قبل 10 سنه و شهر