أضف سؤال أو موضوع جديد          

عاجل بخصوص شركة بترومين

up 0 down 2
abdulah100 85
قبل 7 سنه و 6 شهر



السلام عليكم و رحمة الله و بركاته 

صباح الخير للجميع 




أمس ذهبت لبترومين لتغيير زيت السيارة كالعادة، إلا العامل يقول الزيت ( كاسترول جي تي اكس 10/30 ) غير متوفر!!!

طلب مني الذهاب لفرع آخر، بعد ما وصلت الى الفرع الآخر وجدت شاب سعودي الله يبارك فيه 

قال لي الزيت موجود لكن يمشيك 3000 كيلو عكس السابق كان ممشاه 5000 كيلو 

قلت له كيف كذا ؟؟

قال لي سياسة الشركة تغيرت، حيث أن الشركة تطلب جميع أنواع الزيوت  يكون ممشاها 3000 كيلو ما عدا زيت بترومين طبعاً 5000

و بكذا شركة بترومين تضغط على عملائها و تجبرهم للتحول الى زيت بترومين.


فما الحل يا أخوان و ما البديل ؟  السيارة من يوم ما شريتها و جميع تغييرات الزيت في بترومين و الآن محتار ؟؟


أتمنى أنى أكون وصلت لكم الموضوع بشكل واضح و سلامتكم.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أخوي التركي في فرق كبير بين عمالة بترومين و البناشر 

بترومين عمالتهم مدربة عكس البنشر يلعب في سيارتك و لا عليه 

أتمنى لو أحد عنده بديل لبترومين شغلهم نظيف 




up 0 down 7
abdulah100 85
قبل 7 سنه و 6 شهر



يا أخوان والله أي زيت يمشي معى السياره لكن حنا حساسين جدا من هذي الناحيه وانا من الناس الي ماغير الزيت حتى يشكي مني واخر مره والله العظيم غيرت زيت للكرلا قبل ثمانية اشهر مع اني امشي عليها يوميا مايقارب الخمسين كيلو والله ماحسيت بأي فرق بالعكس حتى لما سألت البنشري قال لازالت اللزوجه ( وهذا هو الهدف من الزيت للمكينه ) بس اللون محروق ( وهذا مايضر أبدا )


up 2 down 3
ابو حسام90 16
قبل 7 سنه و 6 شهر



تغيير الزيت بسيط ولايحتاج مهاره .... ماعليك الا تاخذ كرتون من افضل الزيوت وراح توفر مبالغ وغيرها عند بنشري شغله زين وبتكلفة اقل بترومين مشكلتهم يجبرونك تاخذ من زيوتهم خاصه عند تغيير زيت القير ..اضطر احيانا اغير عندهم زيت المكينة علشان الصاجه كبيره وهم محترفين في فكها وتركيبها .الاحتراف من جد محترفين ومدربيين بس لو يتركون عنهم مدح منتجاتهم وطلب تغيير كل الزيوت .


up 1 down 2
الفراعنه 315
قبل 7 سنه و 6 شهر



ياللي تقول عمالتهم مدربهم انا يامكلمك كنت مثلك اتظاهى بهم

لين ذاك اليوم بغوا يجيبون اجل مكينتي ماربط السيفون زين وصار الزين ينثر تحت لين نقصت علبة كاملة وحتى كان فيه اختلاف في صوت المحرك ، ولو الله ثم انتباهي ذاك اليوم لبداية تغير صوت المحرك كان لين الحين ماشي على نياتي وضربت مكينتي


لاتلعب على نفسك انا مغير عند بترومين سنة ونص والحين حولت للبنشري وارتحت من ناحية الشغل ارخص لي بواجد بترومين السعر دبل حق تغييره زيت ثانية

وثانيا زيتهم مايقعد 5000 سواليف ذي انا كنت اغيره عندهم مايكمل 3000 الا بادي يسود

وبعدين اذا كنت تعرف بنشري كويس وشغله 100% ولا يتفلسف اروح له واريح مخي

وترى كل الدعوة زيت فك الصرة لين ينزل الزيت القديم ركب السرة حط السيفون الجديد ولك عليه كويس عشان مايهرب وصب الزيت مايبيلها واحد اثنين


up 2 down 1
a.ibrahem 3169
قبل 7 سنه و 6 شهر



حبيبي في مراكز كثير غير بترومين اذا ماعجبك تعاملهم 

عندك ون ستوب مختصين نيسان وماعليهم شي والوالد معاه جمس ويتعامل معاهم ومرتاح معاهم وممتازين صراحه

وفي عندك الكثير بس اهم شي لاتغير عند احد منت مرتاح له وشغلهم ماعجبك

والزيت اذا مره ضعت امشي على الكتلوج وريح نفسك


up 0 down 1
sloo00 606
قبل 7 سنه و 6 شهر



يا رجال والله ظني حتى ان صحتكم ما تهتمو فيه بالزيوت الخاليه من الكلسترول هههههههه
اهم شي زيت يداعب اعضاء المكينه الداخليه حتى ما تصلب وصلى الله وبارك


up 2 down 0
أبو غاليه ... 770
قبل 7 سنه و 6 شهر



اخي بالصناعية القديمة بالرياض جنب مسجد العويضة 
في محل الشراع الاحمر يبيع جملة زيوت واذا طلب بالكرتون 260 كاسره ينزل 20 30 ريال مرتاح 
توصل العلبة الي سعرها 45 الى 19 ريال ونص ! 


up 0 down 0
a m i r 553
قبل 7 سنه و 6 شهر



ياخوان  رحت عندهم قبل يومين  وغيرت زيت  قالي يناسبها 50_20      وقلت له 40_10  بكم قالي اغلى 

المهم قلت له حط اللي تقول عليه        واحس السيارة  ثقيلة  والله   مدري من الزيت ولاغير  
السيارة النترا 2011 


up 0 down 0
sell 236
قبل 7 سنه و 6 شهر



Sell
اي نعم من الزيت ثقيل خلك على 10w30
وبالنسبة لراعي الموضوع :
ياخي هالشركات شركات ربحية يعني أطقع مايشوفون العميل اهم شيء دراهم العميل!
اقسم بالله اني مره من المرات مامشيت على الزيت اكثر من 3000 ورحت لبترومين 
ابي اعاير الزيت ماكان في المكان اللي كنت فيه الا هو لاني ابي ارض منبسطه مافيها ميلان 
دخلت عندهم قلت بس ابي اعاير الزيت بنفسي ! قال الفلبيني لا انا اعايره ارتاح قلت خلاص بس انا ع راسه 
يوم طلع عصا المعيار توه بده يتغير لونه للاغمق قال هذا زيت يمشي 2000  كيلو بعدين لازم غير ! قلت بالله وجلست اضحك وسحبت عليه
وحجة ابو يمن كل مارحت اعاير الزيت قال هذا مايمشيك الا داخل البلد لاتمشي عليه خهههههههههه !!!! 
فاقولك بترومين او ون ستوب او البناشر 
كلها شركات ربحية همها جيبك فلا تصدقهم ابدا !! يعني معقول كاسترول تصنع لبترومين خصوصاً زيت مايمشي الا 3000
انا لو قالي كذا كان بيكون لي تفاهم ثاني معاه ههههههه !! 

الخلاصه من كلامي :
اشتر الزيت جملة اربح لك والفلتر من الوكالة 
وتعامل مع بنشري وعطه من 10 الى 15 ريال بالكثير 
ولو تحسبها زين وتقارنها بسعر بترومين او اي بنشر تلقاك وفرت مبلغ كويس

موفق


up 0 down 0
fx2y -207
قبل 7 سنه و 6 شهر



يا اخوان والله انا مجرب شاري كرتون زيت كاسترول10w30 يجي فيه 24علبة قيمة الكرتون 315 ريال

واشتريت 4 سيفونات من الوكالة قيمة الواحد 16 ريال طبعا السيارة ابيكا 2008

كنت اروح للبنشري ومعي العلب والسيفون ويغيرها ب10 ريال

ومريح راسي..


up 0 down 0
عبدالرحمن بن شاكر 6
قبل 7 سنه و 6 شهر



ياحبيبي بترومين نصابين وزيوتهم مصنوعه بالسعوديه 
والكاسترول كان يجي زمان منه اصلي وغير معاد تصنيعه الان يأتي معاد تصنيعه ومصدره الامارات
خلك ع الزيت الموصى به من الوكاله واشتره من الوكيل هو والسيفون وغيره عند اقرب بنشري ب 10 ريال وانتهينا 


up 0 down 0
Abu Tariq 16 1086
قبل 7 سنه و 6 شهر



والله زمان كنت أغير عند بيترومين كاسترول 10 دبليو 30 ومع السيفون ب 130 ريال ! 
واخر فترة صارات ب 140 ريال ! 
بعدين حسبتها قلت ليش ادفع 140 على تغيير زيت ؟ 
عشانه فلبيني يعني 
والله انه في منهم موظفين مدري كيف وظفوهم
مرة غيرت عندهم زيت وسيفون و خرجت من عندهم حسيت السيارة مكتومة 
مو زي اول شيكت على الزيت حصلته زائد نص علبه رحت عند بنشري زبطلي 
العيار حق الزيت نزل نص علبه
انا عن نفسي اشتري زيت بسعر الجملة 
وسيفون من الوكالة واروح عند بنشري اعرفه واعطيه 10 او 15 
ويغيره 
اذا جيت حسبتها يطلع الفرق تقريبا 40 ريال 
استفيد بال 40 بشي ثاني 
لكن احنا دايما نغتر بالمظهر وما نهتم بالمضمون 
وانت لك الخيار


up 0 down 0
beautiful999 311
قبل 7 سنه و 6 شهر



في مراكز كثيره مثل بترومين بس انت من وين وليس نوع سيارتك أن شاءلله اقدر افيدك


up 0 down 1
خالد 0527 -1
قبل 7 سنه و 6 شهر