ياخوان ابي اشتراي كامري 2005 نص فل

اقساط ب 50 طيبه من وجهه نظري يارجال انا ادور واحد يقسط لي موتر وانا مانيب موظف ،، كلهم يكرشوني مع اني جاد بالسداد والله

اشوف ان 50 الف غاليه شوي

على فكره زيتها ينقص كل 1000 ك بمقدار نص علبه إلى علبه كامله

50 الف مع فوائد  ؟؟؟؟؟؟؟؟؟؟؟  غويلي  اشوي   لو قالك 45 توكل  لأ ومصدومه  وزيتها ينقصصصص بعدد قويه قويه 

يعني مااخذها ولا لا 

اعطيه 5الاف الحين و45 اقساط كل شهر الاف ريال 

ابعد عنها.  

الكوامري مكاينها ماااش تطلع من الوكاله ينقص زيتها. 
وخاصة الموديلات من ٢٠٠٣ الى٢٠٠٦ هذي عاد الله لايوريك. 
تكنك تعبي بنزين كل ماجيت تبي تفلل التانكي بنزين خذ معك علبتين 
زيت وحطها بالمكينه. 

كانت عند ٢٠٠٥ الله لايعيدها كل ٤٠٠ كيلو من علبتين الى ثلاث. 

حبيبي ميشو كل الكلام الي قالو الاخوان سمعتو كثير ومتداول وشوف السيارات الي بالموقع عندك حكيم معاه 2006 استفسر منه 

توكل على الله. على ما تقول نظيف. والممشى كويس نوعا ما واذا تنقص راس مالها 10 ريال والكامري 2005 يكرف معك والقطع تحصلها عند البقاله.~ههههههه

أنآ مع الأخ ( اليابان ) وأئيد كـلآمه .. واذا مع الأقساط توصل 50 حاول تنزل معاه شوي وخاصة الكوامري عندك الى 2006 أفضل وأجود الأنوآع حتى بعد فتره من الإستخدام وحآب تبيعها سعر الموتر فيه يعني كسبآن في الآخر

السلام عليكم
انا معاي كامري 2006 تماتيك و 4سلندر وممشاها 255 الف
وادام عليها مكه جده كل يوم ولله الحمد والمنه لا تشتكي من شي (ماشاء الله تبارك الله)

لكن وانا اخوك بعض الناس يتعامل مع السياره كأنها عدوته ويهربد ابو ابوها ويجي يقول والله انها سيارات ما تعيش

اقسم بالله لو انها بي ام دبليو ولا مرسيدس ولا تحافظ عليها الا مو تنقص زيت الا تنقص من عمرك من كل اللفلفه بالورش

انا ما امدح تويوتا ولو حبيت اشتري سياره بيوم من الايام ماعاد اشتري من تويوتا نهائيا لكن حبيت اقول الحق لاني مستخدم السياره من يوم 
طلعتها من الوكاله

اذا تبغى الدليل وتكذب الناس الفايهه اللي مو داريه وش السالفه ادخل على الموقع وشوف اسعار 2005 و2006

او انزل المعارض على رجلك واسأل وشوف وش يقولون لك عن هالموديلين

لا يغرك كلام الناس
طيب اذا هي تنقص زيت من المصنع ليش الناس رافعه سعرها ؟؟؟؟؟؟؟؟؟؟؟؟

سؤال ابغى كل واحد يسب 2006 و2005 يجاوبني علينه

حكيم المعاني انت سيارتك قير اوتماتك.  

والاوتومتك ماهو مثل القير العادي بصرفية الزيت. 

القير العادي يصرف اكثرمن الاوتومتك وانشد اهل الصنف. 

بعدين حسن ألفاضك والله ما ندري منهو المفهي. 

لو اجيبلي كامري من ٢٠٠٣ الى ٢٠٠٦ افكها لك مسمار مسمار.

وانا ماني من الناس اللي اركب وشغل وامش.  

واظني وظحت الاشكال اللي عندك انت والاخو اليابان. 

انا اقول مشكلتها بالمكينه ولا الامور الثانيه بالعكس عمليه من الدرجه
الاولى. 

ومن المعروف ان اهم شي بالسياره مكينتها.