تجربة تغيير الزيت وبترومين
6
3
إضغط هنا للإخفاء
السلام عليكم
قبل يومين قلت اغير الزيت حق المكينة وقلت مافي الا بتترومين الافضل
واروح عندهم فيه فلبيني وباكستاني المهم قالي سيارتك ب 122 مع الفلتر
قلت للفلبيني وش اللزوجه المناسبة قال 50*20 قلت له وطيب 30*10 قالي نفس الشي بس اغلى شوي
المهم حيرني قالي اكثر شي نستخدم 50*20 قلت توكل على الله
والباكستاني غير الزيت والفلبيني يسجل الفاتورة بالكمبيوتر وبعدين جاب المكنسة وينظف الداخلية ومسح القزاز
المهم خلصت من عندهم ومشيت
وخلال اليومين هذه السيارة كان وضضعها سئ ولاعجبني العزم ميييت واذا رفعت رجلي عن البنزين قلت السرعه على طول
في البداية قلت بغيره على 3 الاف كيلو
ولمن جيت اعاير الزيت لقيته زاااايد فوق الخط واللزوجه كأنه غرااااء
المهم الوضع ماهو مريح
واليوم ارجع للبنشري حق حارتنا واغير زين كاسترول 30*10 تجي علبته بيضاء والغطاء البلاستيك مؤمن وفيه مثل القسطير فوق الغطاء عليه شعار الشركة
المهم زيت مضمون
ويحط لي الزيت وباقي الخدمات مثل بترومين ينظف الفلتر يشيك على زيت القير موية الرديتر
وخلصت من عنده وماشاء الله السيارة تحسنت كثيير
احسها خفت عن اول
الفروقات
لون زيت بترومين ماهو صاافي مثل كاسترول يمكن من اللزوجه الفرق الزبدة كان لونه مثل زيوت الطبخ النباتية الرخيصة
كاستروول لونه اصفى
بترومين يعطوك فاتورة
اليمني ماعنده فواتير
الفلبيني اول ماوقفت سالته قلت كم علبة تاخذ السيارة مع الفلتر قال 5 !!! وبعدين حطو 3 وربع او نص لانه العيار كان زايد
اليمني قال 3 مع فلتر وبدون قال 3 الا ربع وهو الاقرب
الفلبيني كنت مرتاح له ولاكن ماسوا شي في السيارة الباكستاني هو اللي يغير ويشيك الفلبيني يسجل على الكمبيوتر وبعدين كنس السيارة
السعر
بترومين 122 مع فلتر
البنشري 60 بدون فلتر
والزيت 30*10 اغلى بشوي من 50*20 في كلا المحلين
إبلاغ
الردود
والــ50*20 = هذا لسيارات اللي المكينه وسط او السيارات القديمة
اذا الموتر جديد 30*10
----------------------------
بعدين اخوي ماذكرت موترك وموديلة
2
0
صبر
اي والله فرق والمشكلة مشيت على كلام الفلبيني الموتر موديله 2011 النترا
0
0
كنت احط كاسترول خفيف و تطلع اصوات البلوف
يوم غيرت لبترومين 30w5الاصوات اختفت
0
0
المشكلة مو من الزيت
المشكلة من اللزوجة خطأ
انت جهدت المكينة بالزيت اكثر لزوجة مما تحتاجه المكينة
يعني لو بترومين حطوا الزيت المناسب ما صار لك شي
انا جربت كاسترول و اي سي ديلكو وما احس فيه فرق بينهم
ولي حول السنتين استخدم اي سي ديلكو اشترية من الجميح اللتر 23 ريال ( من هدا الشهر ارتفع الى 24 ريال )
لأنه معبأ في امريكا فالنفسيه ارتاحت اليه !!!
1
0
بعدها صرت اغير عند البنشري ب75 اظاهر مع السيفون 85 اولا وفرت على نفسي 55 ريال تقريبا كل تغييره وثانيا اسرع وقت بترومين يتمطط ويقعد ساعة ولا هوب يعرف يشتغل ما ارتاح لشغلهم تشوفني قاعد على راسه وانزل معه اشوف كيف ربطه للسيفون والصرة
والحين خلاص السيفون من الوكالة وعند البنشري ياشنب ، لا والحين معي اوبريس يعني 6 علب ، اتوقع لو اروح لبترومين بياخذ علي 250 كل تغييره حراميه
1
1
ونفس المكيه المحدده لايزيد او ينقص ووقت يعبي البنشري او ايمحل اكون واقف عنده واتاكد من العلب مقفله
واحرص انه مايزيد الزيت
وانا كرهت دعايت الشركات بالزيوت كل يوم سالفه جديده الكتاب يبين لك ويبين برضو البديل
انا من يوم م اشتريت Es300 , من حوالي 5 سنوات وانا اغير 20W50 مع انه بالكتيب تبع السياره يوصون
بلزوجه 15W40 لاكن ماحصلته عندنا وجربت سوبر جيتي و كاسترول
وبعد فتره حصلت ورقه بالبيت من صاحبها القديم كان يغير عند بترومين عشرين في خمسين ومكتوب
بالورقه سعر98 شامل السيفون
والحمد لله دايم اغيره بترومين كل 5 الف او 6 الف ومره نسيته وصل 9 الف وماتغير شي بالسياره
اخذ السيفون ب 18 ريال من الوكاله واغيره عند بنشري صديق لي 5 علبه الى ربع ب 75 ريال مع شغل اليد
1
0
او مايناسب سيارته حسب الكتلوج…
1
0
دمار للمكينة
2
0
0
0
1
0
الزيت الاول ثقيل مرررره
والزيت الثاني سيء جدا عن تجربة واللي اشهره الاعلانات وطريقة تعامل
مندوبيهم مع البناشر والعروض
وصراحه الزيوت اللي ذكرتهم جميعها مكرره وتصنيفها قديم جدا SL
الان فيه زيوت تخليقية بالكامل ونص تخليقية ممتازه جدا وتحمل اخر تصنيف SN
للفائدة اكثر
http://cutt.us/pGmnG
1
0
1
0
انا معامل هندي اشتري الزيت والفلتر وهو اعطيه 10 ريال شغل يد
اوفر وتظمن مايكون مغشوش
قبل 9 سنه و 5 شهر