ماهو أفضل لون للجراند ماركيز

أفضل لون للجراند ماركيز والكراون فكتوريا ؟
في رأيي الأبيض.
الأفضل السعودي أم الأمريكي ؟
السعودي أفضل.
الأفضل العداد إلكتروني أم عادي ؟
ما تفرق.
الأفضل المراتب جلد أم مخمل ؟
إذا كنت في منطقة حارة مثل الرياض فالمخمل أفضل، لكن كشكل الجلد أفضل.
الأفضل المكيف لمس أم فرار ؟
ما يفرق، المهم إنه يبرد.

الله يوفقك لكل خير أبو أحمد

طيب حاب اسأل هل أقدر أعرف هل الممشى تم التلاعب فيه أم لا يمكن ذلك ؟

ابيض وفضي ومبروك

انا بجاوب على سؤال واحد اللي هو ايهم افضل السعودي ام الامريكي ؟؟؟

الجواب اكيد السعودي اذا كان نظيف افضل بمرحلتين من الامريكي اولا انه يجي فيه مكيف خلفي وهذي حاجة مهمة كثيرة لأن الموتر شوي كبير من جوا ويحتاج للتكييف الخلفي
ايضا انه يجي شكمانين وهذا افضل منظر بالاضافة الى انه افضل نفس للموتر


اما باقي الاسئلة ترجع لك انت شخصيا وش تحب وش تكره ، لكن مافيه ازين من الموتر فل كامل يعني مراتب جلد افضل مركب وانعم رغم انها في الصيف يقولك حر وما حر بس ما اشوف هذاك الفرق طالما انه الموتر يتوقف في مكان بارد او عليه تظليل عازل

وايضا العداد الكتروني بالنسبة لي افضل كمنظر وكدقة ، بالنسبة للمكيف اكيد افضل لمس شاشة لمعلومات المكيف وكل شي

واللون انا احب الالوان مثل السمني فضي بالنسبة للموديل الحديث الحبري او العنابي حلوة ، اهم شي ابعد عن الاسود والابيض انا من ناحيتي مايجوزون لي وكلن وقناعته


تحياتي

الون السمني الافضل الداخلي بيج هلوز رهيب
العداد الالكتروني ممتاز لكن المشكلة في المكيف اللمس يخرب كثير الفرار اكثر عملية من واقع تجربة الجلد حلو السعودي اذا بتحصل نظيف اطيب واغلى

بيض الله وجيهكم ما قصرتم

لا عدمتكم ي الذيابه

1- أفضل لون للجراند ماركيز والكراون فكتوريا ؟ اسود..بحري..
2- الأفضل السعودي أم الأمريكي ؟ السعودي
3- الأفضل العداد إلكتروني أم عادي ؟ العادي ليش....جدي عنده كابرس صابونه و عداده اكتروني نوب يشتغل ونوب يطفي
المهم انه يعطيه هذاك البقس ويشتغل زي الحلاوه هههههههههه
4- الأفضل المراتب جلد أم مخمل ؟مخمل مع تلبيسه ..الجلد مع الوقت يتقطع او يسود
5- الأفضل المكيف لمس أم فرار ؟ فرار ..اللمس يتقشر 

كبدي من داخل بيج  

1- أفضل لون للجراند ماركيز والكراون فكتوريا ؟
الاسود والابيض والسمني
2- الأفضل السعودي أم الأمريكي ؟
يارجال مافي فرق انا معي ماركيز امريكي الحمدلله وكل الكلام اللي هنا عن السعودي ومدري وش خرابيط وسالفة شكمان وما شكمانين اشوفها كشكل بس وان فرقت كلها كم حصان اذا الفورد الامريكي نظيف بيكون اقوى من السعودي
3- الأفضل العداد إلكتروني أم عادي ؟
4- الأفضل المراتب جلد أم مخمل ؟
5- الأفضل المكيف لمس أم فرار ؟

ج3،4،5
شف اذا بتاخذ فل كامل اكيد بيكون في الغالب LS دامه امريكي فبيجيك زيي انا في الماركيز عدادين عادي وشاشه صغيرة في الطبلون تعطيك معلومات وفيها العداد الالكتروني عشان يعطيك بالدقة المشي بالكيلو. وهو ماشاء الله اكشخ وافضل من انه يجيك عداد عادي واحد سوح زي حق السعودي او الماركيز الGS

اما عن المراتب اكيد جلد افضل واريح واللي يقولك حرارة صدقني انا ماشاء الله بس اذا وقفته في الشمس احط شماسه على الموتر واركب مافي المراتب حر ولا شيء وكثير يضلل عازل ب 700 ريال عند درايف7 ويرتاح بالمره
وطبيعي ماعليك من كلام الشريطيه والناس المتخلفه مع احترامي كيف المخمل احسن ؟ طبيعي اي سيارة الجلد احسن ترا الجلد يعتبر من المواصفات في كل موتر كيف اذا تكلمنا عن الفورد نقول مخمل احسن؟ الجلد احسن شكل واريح وخذها مني عن طريق وسبيل تجربة.

اما عن المكيف الالكتروني استخدمه صح وهو افضل لانه يجي مع الفورد الفل كامل ويعطيك معلومات عن المكيف وتقدر تتحكم في درجة الحرارة وتحولها من فهرنهايت الى مئوية والعكس .
كما انها افضل شكل للموتر من المكيف الفرار وهذا شيء لاجدال فيه.
وانا اشوف انه اقوى تبريد من الفرار واللي يقول السعودي مكيف خلفي
شف مكيف الامريكي اقوى من السعودي ماشاء الله تبريد ويبرد على مستوى السيارة ككل افضل من السعودي وقت الحر
ودرجاته اكثر اما السعودي 3 درجات ووقت الحر مايبرد في البداية كنك مشغل استشوار .

عموما اذا سعودي فل كامل صار نفس الامريكي الفرق انه احسن شكمانين ويمكن اضمن شوي.