اكسبيدشن _ يوكن _ سيكويا

يوكون ، شف الناس كيف ماسكين سرا وحجوزات ، وخلك من المتعصبين ، قوة وراحة وسعر عند البيع وقطع غيار متوفره مثلا عندك السييرا والسلفرادو والتاهو والسوبربان كل القطع نفس بعض ، وشهادة لله واحد من الشباب معه اكسبدشن وقال ودي أجرب اليوكون من الوكاله وبعد ماجربه سألته وشرايك قال لي شهادة حق أن اليوكون أفضل من الاكسبدشن هذا من تجربه
ونصيحتي لك لايغرك رخص سعر الاكسبدشن ، لأن الزين غالي ، يكفيك علامة GMCبحد ذاتها تسوى قيمه ، وانصحك بالدبل القصير شف كلها ثلاث مراتب ، والفرق نصف متر تقدر تركب سله خلفيه إذا لزم الأمر ، لأنه اخف وشكل ورزه وهيبه ، وإعتمادية 
ونصيحة لوجه الله انتبه من المتعصبين لأن بعضهم يكره الجمس لتعصبه لسيارات معروفه والجمس منافس قوي وكل منافس تحصل له اعداء
ومعروف اليوكون والتاهو بسهولو التعديل عليه إذا نويت تدخل بر مثلا مالك إلاتشيل اللحية الامامية 
ودربك السلامة وإذا ملزم ومعزم تخليه off road وطرق وعره ركب له اكسسسوارات التاهوz71
وأزيدك من الشعر بيت نسبة العزل في اليوكون الجديد 2015 اكثر ثلاث مرات من الموديل السابق
 
ماسمعت الشاعر يوم يقول 

حتى وأنا في المسجد الفرض اصلّيْـه
أدعي لجمسي يا عسى الخلـد مثـواه 

الجمـس أحبّـه حـبّ غـالٍ لغاليـه
حـبٍّ عظيـمٍ حـبّ نمـرٍ لوضحـاه 

ومن حشمته لا جيت اسافـر اماليـه
ولا خلّص المشـوار جيـت آترضّـاه 

يا شيب عيني يوم آجي لـه والاقيـه
مثل الذي وسط الخـلا شـاف لامـاه 

خطـرٍ ليـا ناديتـه يقـول: لبّـيـه
ومن دون سايق يشتغـل مـن ورا ذاه 

هـو ميّـتٍ فيّـه وانـا ميّـتٍ فيـه
ولو هو حديد أحـب شوفـه وطريـاه 

والمعلقات في الجمس واجد ابحث عنها ، وخذ شور أخوك الجمس لاتتعداه 
شف كيف مبيعات الجموس حتى وهي بدي بس تحصل لها مشتري
وتقبل خالص تحياتي

بالنسبة لي أنا شخصيا عطيته رأئيي من واقع تجربة للسيارتين 
أنا أفضل الاكسبيدشن على اليوكن الشكل القديم ما أدري عن الجديد
اليوكن القديم ممتاز من ناحية العزم والرساوة بس الديكورات جدا مزعجه ولاشفت لها حل الى يومك خصوصا البيبان مع القزاز تطلّع صوت ماهو طبيعي مع المطبات 
وان شاء الله انهم تجاوزو ذي المشكلة في الشكل الجديد