فيديو أمن جامعة تبوك يطاردون مفحط داخل حرمها الدراسي

الاطفال في سوريا يدرسون في الملاجئ ،،،،،،،وهؤلاء لديهم النعمة ويرفسونها!

لا حول ولا قوة الا بالله

والله  صدقت  اخوي  طارق   


ياليت  لو انه  يجلد في داخل الجماعه   


هذا  جيل  النعمه  الي  حدثونا عنه  اجدادنا  الله  يرحمهم  يفسق  بالنعمه


مانقول  الا  حسبي الله  ونعم الوكيل

الطول طول نخلة والعقل عقل صخلة 
حتى وهو يجري تحس انة مسوي انجاز الغبي 
طيب يالوح سيارتك واقفة يعني غصب بتجيهم الله يقلع الاشكال الفلة الي بنفس عينته 

المفروض المواطنين يساعدون الامن في القبض عليه

للاسف 
 يتفرجون وتاركينه ويشجعونه على الهروب
هذا دليل ان العبث في الامن سببه الاول هو الشعب
الهمجيين ذولي ماطلعوا الا من لقي يعزز لهم

ويقوولن ليه الحكومه ماتقدر توقف التفحيط والهمج
لان الناس تعزز لهم

اش تبيهم متخلفين اهل تبوك اهمج ناس شفتها هناك

اللي هرب الراكب(المعزز) ماهو السواق..

حفيد السلاطيين الرجال ذا مايمثل الا نفسه  اهل تبوك والله ونعم فيهم واحد واحد

الله  يسامحك   ياحفيد السلاطين    خليت اهل  تبوك  كلهم  همج   عيب  هالكلام   كل بلد فيه  صالح وطالح  سمعت

نكون واقعيين من ابسط حقوقهم يوقفونهم .. لاكن مو بهالطريقة يعرضون حياه مراهق طايش للخطر. 
صحيح اللي سواه خطر واحتمال يضرر غيره بهالفعل . لاكن يجب عليهم يتخذون الاجراء القانوني . 
ياخذون رقم اللوحة ويوقفونه طبعا مابيستجيب وبيهرب برى الجامعة . فهالحالة يدقون على المرور ويعطونهم ارقام اللوحة ومواصفات السيارة .
وكلها كم ساعة وهو في القسم ويتخذون حياله الاجراء المناسب . بكذا انت حليت مشكلة بسياسة بسيطة بدون عواقب وكوارث مستقبلية .

اذا هو اخطا هم اخطأوا اكثر منه" مشكلة اذا الواحد تحمس .. بالمطارده هذي كان ممكن يصدمون احد ماله ذنب" فيه شي اسمه لوحة

فيه شي اسمه بوابات قفلها واحشره داخل وبلغ الدوريات وهم يطلعونه" اما تقعد تطارد مسوي قراند لا مايصلح ..

قريبي الله يهديه فحط داخل فناء مدرسة ترابي معزول عن المباني وكان مفتوح لأعمال صيانة الملعب العصر
مدير المدرسة إشتكاه رسمي وتم حجز السيارة 3 أشهر وحجز قائد المركبه فقط بدون التعاونية مدة 10 أيام ورفع القضية لإمارة المنطقه وجاء التوجيه بمصادرة السيارة كون العمليه التفحيط مورست داخل دائرة حكوميه وبعد جهود وشفاعات تم الاكتفاء بحجز المركبة وأخذ تعهد خطى على المفحط بمصادرة السيارة في حال تكرار المخالفة
وبعدها مسك الأرض وصارت خيره له
سيارة 149 الف شوي وإلا راحت بسبة تهور
واللي شد انتباهي في خطاب أمير المنطقه بأنه مدير المدرسة لو ما بلغ ان العمليه راح يبعد عن إدارة المدرسه ويحتل للتحقيق بسبب إهماله كونها دائرة حكوميه لا يحق له التنازل أو السكوت عن القضيه


بلاوي الله يحفظنا وإياكم من المشاكل وتوابعها

اللي يقول بيل هرررب ههههههههههههههههههههههههههههههههه

ههههههههههههههههههههههههههههههه المعزز ما مسكوه اعرفه شخصيا 
المهم انا اشوف ان امن الجامعة بكل صراحة دلوخ يفترض انهم يدقون على المرور بعد ما ياخون رقم اللوحة ومواصفات 
السيارة مو بالطريقة هذي اللي ممكن انها تعرض حياة المراهقين للخطر لأن ترى ما هم الا طلاب تحضيريه 
المهم الله يهدي المفحط انشاء الله انه معد يتعودها 

الله يهدي الشباب. هاذا سن طيش وتهور. مايهجد هاذا الطيش الا القرب من الله

يفحط داخل الجامعة والشباب يتفرجون عليه ويضحكون بدل ما يساعدون الأمن ويمسكونه ،،

هذي جامعة ؟؟ هههههه
ممكن الرجال محسبه مخطط اراضي بيضا وفحط فيها مهو داري انها جامعة

يقول لكم  المواطن رجل الامن الاول !!!!!!!!!!!!


طيب واللي شفته بالمقطع غير عن هالكلام تمام

المشكلة انه مر بجانب مواطنين بامكان الواحد فيهم يدفه شي بسيط ويتعرقل ويطيح ويمسكه العسكري وانتهى الموضوع



ماقلت الا الصحيح

خذو بها والا خلوها