تحذير للزباين من الشريطيين السعوديين في الامارات
15
9
إضغط هنا للإخفاء
السلام عليكم احبابي
الاسبوع اللي فات سافرت الى دبي بهدف التعرف على اسعار السيارات والعثور على سيارة نظيفة ماشية مسافة معقولة سعرها اقل من السعودية والسبب هو الهروب من الشريطيين بالسعودية واسعارهم النارية
تخيلوا ياجماعة الخير أني تعرضت للاحباط من اول محاولة قابلت شخص اماراتي يعمل بالمعارض قال لي انت اكيد شريطي قلت لا انا زبون ودي بسيارة استخدام شخصي قال لو جلست بالسعودية ابرك لك قلت ليش؟
قال لي أنت ماتدري ان ربعكم الشريطية ليل نهار عندنا في دبي احتكروا السوق خاصة السيارات المستوردة من اليابان وخصوصا تويوتا ومرسيدس ويرفعون الاسعار في السومات ويرسلون السيارات الى السعودية او يعرضونها في صالات ومعارض دبي بمبالغ ضخمة عشان يتعبون الزباين السعوديين
طبعا انا تفاجأت وماصدقت ورحت سألت اماراتي ثاني وقال لي الكلام صحيح قلت طيب ماحصلت سعوديين في المعارض قال يابن الحلال هم حاطين عندنا وكلاء نيابة عنهم لمراقبة اي سيارة جديدة يترصدونها عند مداخل المعارض والصالات..والشريطيين انفسهم يجون اكثر شئ في فصل الصيف!!
قال لي ان السيارات في دبي والشارقة قبل 10 سنوات تنباع عليكم يالسعوديين بنص السعر لان الشعب الاماراتي يحب تغيير السيارة كل سنتين تقريبا لكن الآن بعد تدخل الشريطيين السيارة تنباع بخسارة بسيطة قريبة من رأس المال والاماراتيين مستفيدين!!
طبعا أنا رحت أتأكد بنفسي وبحثت عن شبحات نظيفة موديل 98 وفعلا حصلت اسعارها نااااار على 60 الف و70 الف ماشية 100 الف كيلو!!
طبعا بعد تجربة احببت انقل لكم بعض النصائح اذا اردتم شراء موتر من الامارات وهي كالتالي:
- لف السوق كامل ولا توقف عند سيارة وحدة واحضر الحراج لان المواطن الاماراتي سمح ويبيع بسهولة والشراء منه افضل من المعارض.
- اذا ماحصلت الموتر المناسب كلم شخص موثوق في احد المعارض واعطه رقمك يتصل عليك فورا عند قدوم اي سيارة من اليابان للمسارعة بشرائها قبل تدخل الشريطيين.
-الشريطيين يتفرغون اكثر لمعارض الامارات في الصيف لذلك روح بنفسك في وقت مختلف زي الشتاء مثلا في عز المدارس والدوامات.
-كلم الوكيل اللي يجيب السيارات من اليابان لمعرفة الموعد الجاي لشحن الدفعات الجديدة من السيارات عشان تزبط نفسك وتحضر في نفس اليوم.
وفي النهاية لا اقول غير الله يخارجنا من الشريطية والله يوفق كل زبون في العثور على مقصده بدون تعقيد
إبلاغ
الردود
صح كلامك نزلت ثلاث مرات وكلها اخذ اجازه من العمل واروح في الأوقات
الي ذكرت واخرتي شريت موتر اخوي والحمدلله لكن ان كان عندك موتر
نظيف خله معك اصرف لأن الوضع شوفة عينك.
3
0
اما شبحات غاليه ماتتصدر للسعوديه ممنوع
الشريطيه هناك عراقيين معروفه اما سعودي جالس هناك وين يقدر على مصاريف المعيشه
5
15
5
3
2
1
0
0
لبسها لسعودي والله انها من طيب فينا لكن الشرهه على الي يسمح بطرح مواضيع
مثل هذه تمس كيان بلد ومجتمع وكان مافي نصابين بالامارات الا سعوديين الا مافيات
بني صهيون والتصفيات عندكم مالقيتوا الا السعودي مجالس حديثكم ..
1
5
1
5
هههههههه
الشريطية النصابين مثل الوباء .. يجب التحذير منه في كل مكان
وخاصة الشريطية الي من عندنا فهم اشد نصب واحتيال
5
0
قبل 10 سنه