تغير لون السيارة

وعليكم السلام ورحمه الله
لازم ينزل اللي في كبوت السيارة كله المحرك ولواحقه ويرش داخل الكبوت 
ما انصحك ترش اللي داخل الكبوت اتركه على لونه القديم لإنو شغله التطبيق 
والسيارة قدها مغير لونها ومرشوشه ما وقفت على داخل الكبوت

الاسعار تختلف من ورشة لـ أخرى

الاجراءات تروح لمركز الحاسب الآلي التابع للمنطقة التابع لها
اذا انت بالرياض مرور الروضه خلفه مركز الحاسب الالي .. واذا انت خارج الرياض اسأل اقرب مركز مرور
تقولهم بغير لون يعطيك استمارة بعد ما يشيك ماعلى السيارة اي ملاحظه امنياً
ويرسلك لخلف المبنى ايضاً إلى لجنه الفحص
تروح بالسيارة تعطي العسكري الاوراق يطلع يشوف السيارة مافيها صدوم ولا غيره ويأشر على الاستمارة اللي معاك
وترجع لنفس العسكري بالصاله اللي ارسلك يعطيك ورقه طلب تغيير لون تختلف عن ورقه امر اصلاح العاديه
وتروح للورشه وتغير اللون وبعد ماتغير اللون ترجع لنفس الصاله بعد ما تسدد الرسوم اعتقد 150 ريال
بالورقه اللي اعطوك لا تضيعها وتقولهم غيرت اللون وخلصت يرسلونك للجنه الفحص مره ثانيه ههههههه ويشيك تم التغيير فعلاً 
يأشر على ورقتك وترجع لنفس الموظف بالصاله يآخذ الاستمارة ويغير بياناتك بالحاسب الآلي ويصدر لك استمارة جديدة باللون الجديد
انتهى

الكلام كثير لكن لو تروح لمركز الحاسب الآلي الدعوه سهالات ومافيه زحمه وتخلص بسرعه
يمكن اللي يتعبك هات السيارة ود السيارة فقط
بالتوفيق

السيارة اول مرة يتغير لونها وتغيير اللون بسبب انه احمر فاتح والبوية قديمه