الاخوان الي عندهم خبره بأسعار الافلون استفسار اللع لايهينكم

2006 وماشيه 350 ومرشوشه كامل وش تبي فيها ياصديقي ماعد بقى من العمر حاجه عمومن لو فل كامل 30 الف 

حياك الممشى مناسب على موديلها 350 الف بمعنى كل سنه 
مشت 40 الف كيلو  السعر يعتمد على اللون ونضافة المكينه والشاصيه
بمعنى اذا لونها ابيض ولمتيد والمكينه والقير نضيفه ولوون الداخليه بيج
ومرشوشه على نضافه من غير حوادث لاسمح الله
سعرها من 40 الى 45 على حسب النضافه 
قبل ماتشتري افحص فحص شامل مكينه قير شاص بودي لمعرفه اذا فيها صدمه او معجون في اماكن متفرقه
بالتوفيق اخوي

الله يسعدك اخوي سكودر ماقصرت +1

سكودر الممشى مو مشكله اخوي معه كامري 99 امريكي 
ماشي الى الان 600الف ومكينة بلده ولا تسمعلها حس ماشاءالله
الشغله على حسب استخدام الشخص

يالرفاعي انت بتاخذ مستخدم منت بماخذ جديد اخوك  اخذها ماشيه اقل وستخدمها  هذي ماهي مشكله لو تصك مليون 

 المشكله ماتدري ان صاحبها واستخدامه لها بعد مافه 350 الف بس هذا مقصد من ممشى سياره او اقل شي تاخذها من معرفه 

 انا خويي معه لومينا مطلعها من وكاله  الجميع 2006 انا وياه طلعنها  من وكاله على يده ماشيه 250 الف ومحافض عليها وتشيك اول باول ومن وكاله لو يبيعها لي اشتريتها من لني اعرف استخدامه لها 

مشكور يارفاعي ماقصرت +١

وعليكم السلام ورحمة الله

يقولون من استشارك دخل في ذمتك صح والا لا

عشان كذا نصيحة أخ لأخ ابعد عن الموتر ما يصلح ابد

الموتر مستهلك وواضح ان راعية ما يهتم واقرب دليل رش الموتر كامل وهو 2006 !! مستحيل يكون بسبب حكوك او خدش 

وبعدين الموتر ماشي واااااااااااااااجد وين 350 الف والله حرام تحط فيها اكثر من 30 الف وما تستاهل بعد 

عشان كذا دور موتر نظيف احسن لك عشان ما تتعب مع الورش 

وفيه وحدة عند صديق اخوي   2009 وكالة ماشاء الله لون لؤلؤي ليمتيد سعودي بأسمه وكالة اذا تبيها كلمني ع الخاص 

وتراني ما قلت هالكلام عشان اسوق للسيارة لا والله وربي يشهد اني الخير لراعي السيارة 

والا الافالون زباينها واجد لو دخلها بكرة باعها بنفس اليوم 

وأسأل الله ان يوفقنا واياك لما هو خير 

وربي يشهد اني ابي الخير لراعي الموضوع ** عفواً خطأ مطبعي 

وعليكم السلام ورحمه الله

الممشى عالي شوي لكن صدقني ما يعيب المحركات اليابانية بإذن الله
والرش اذا بدون حوادث وعلى نظافة ما يأثر ولا يهم بالنسبة للي بيستخدم اماا اللي يبي يدور مكسب هذا شي ثاني
انا سبق رشيت موتر مديل 2005 قبل 5 سنوات على وقته يعتبر جديد 
لكن لونه غامق وكان وقتها انا ساكن في شقه لا بايكه ولا مظله لا في الدوام ولا في البيت
والشمس لعبت في كبوت وشنطة وتندة السيارة فـ اضطررت للرش 
بالنسبة للسعر يفيدونك اهل السوق اكثر مني 
في امان الله

انا اقترح انك تشوف غيرها ، للاسباب التالية

اولا انك بتشتري موتر ماشي 350 الف ولحد يجي يتفلسف على مخي الممشى مايضر والياباني قوي ، اوكي انا معك ان الممشى اذا كان على نظافة مايضر كثير

بس برضوه لو تفكر كيف راعيها الاولي كان يستخدم الموتر طيلت ال350 الف هذي هل كان محافظ على تغيير زيتها اول بأول وممتنع عن التدعيس المفاجى بكثرة اللي تستهلك وتقلل عمر المحرك ، يعني وش يضمنك بكره ولا بعده اذا طقت ال 400 الف ما تطلب جلد بلوف ولا تنسيم في راس المكينة ولا غيره


ياما اسهل السواليف ويا صعب الافعال ، لو انكم مكانه فكرتوا الف مررة في الممشى وفي رشة الموتر كامل ، يعني ماعليش الموتر 2006 يعني ماله عذر يرشه كامل الا جايها جنب او اكثر من صدمة في اماكن متفرقة اظطر انه يرشها علشان يوحد اللون ويجمل منظر السيارة

انا يهون علي اخذ موتر فئة اقل لكن بممشى معقول وببدي وعضلات ممتازة ، احسن من اخذ فئة متوسطة ومكروف

نصيحتي لك يا الغالي اذا انت معزم تبي افلون شف لك من 2008 ولا 2009 لو تاخذ امريكية بس نظيفة احسن من سعودية مهلوكة وفوق كذا شف كم بتدفع فيها ، يعني ماعليش الافلون اللي بياخذها يا يدور من 2008 وطالع ولا يشتري امريكية نظيفة ، السعوديات قليل تلقى نظيفة 2006 ولا 2007 كلها مهلوكة فيها رشوش وماشيه اقل شي 350 الف وفوق كذا يحدها بغالي يعني ماعليش حرام ادفع فيها

لو تعلمنا يا الغالي كم بتقدر توصل علشان نفيدك بأنسب موتر بالسعر اللي معك او تجيب لك افلون موديل كم نظيفة

اخي معاه 2006 سعودي ماشي الان 140 الف فقط ممشي حقيقي ( الملف بالوكاله)
نص الفل بدون فتحه 
بودي وكاله كامل ما عدا الرفرف الخلفي يمين 
واخدها فبل سنه ب 55 الف .. و احسها تستاهل 

اشكر جميع من رد على موضوعي والله اني استفدت منكم كثير حتى لو الاراء مختلفه وكل واحد منكم ماقصر الله لايحرمكم الاجر