وش اسم شركه السياره

الشركة جرييت وول 
صينية 
السياره اضن اسمها وينجل 

صح السيارة اسمها جريت ولل

اسم الشركة :- جريت ويل 
اسم السياره :- وينجل
حجم المحرك :- 2200 سي سي 3y
الصناعه :- صيني 
الوكيل :- الرسام
الاعتمادية :- اشوف بعض الشركات تستخدمها ولاقد جربتها
سعر السياره :- 40الف - 38 الف  في حدود الاسعار هذي

الخلاصه :- اذ تقدر تدفها 10 الاف وتاخذ ددسن استاندر  

هاذي وينجل وكيلها الرسام بس مانصح فيها زودلك قرشين. وخذ ابوعزيز. اي ددسن

اقسم بالله العظيم اني ما اكره شي بذا المنتدى كثر حاجتين 
1- التعصب لشركة معينه .
2- يجي واحد يقول لي زود قرشين و خذ احسن من السياره اللي في بالي .

يعني يررحم امك ركز انا جاي و في بالي موتر معين و متحمس له , ليه تخرب علي و تقول خذ ذا و خذ ذا 
اذا عندك معلومات عن اللي الموتر اللي ابغاه و الا اسكت

و للمعلوميه كل من قال زود فلوس و خذ موتر ثاني صكيته بدسلايك

والله من جد شي يقهر تقول ابي سيارة بي عشرة يقولون لك زود عليها خمسة ،، 15 زود عليها 5 ،، 20 زود عليها 3 ،، 30 زود عليها 7 ،، 40 زود عليها 4 ،،، 50 زود عليها 3 ،،، وهكذا ،،، ههههههههههههه اتمنى الاقي احد يكون حاط حد معين وما يقولون له زود !!!

يالغالي سعره مثل سعر الاكسنت والاكسنت افضل من ناحية قطع الغيار والوكيل ومنتشره كثير واحسب حساب بعد فترة ممكن تحتاج قطع من التشليح الاكسنت متوفره عكس السيارات الصينيه 

اخوي راعي الفزعات ماقصر

عطاه معلومات كامله عن السياره 
واغلب اللي يستخدمها
واخر شي قدم نصيحه

وما اشوف انه اخطاء او قال شي ماله داعي

الا الله يجزاه خير ويوفقه

من عيوب السيارات الصينية عندم انتشار القطع بل محتكرة لدى الوكيل وتكون اسعر غالية بغض النظر عن سعر السيارة 

فيها شبه من فولكس واجن

المعلومات اللي عندي عنها:
جارنا أبو خالد عمره حول السبعين معه واحد فاكه وكالة من سنتين أو أكثر، يتسخدمه يومياً وما قد شفته في ورشة أو مفتوح كبوته أبد أبد.
ولكن الحق حق، لو انكسرت قزازة أو اصطب أو شي، ماراح يلاقيه إلا عند الرسام فقط.
سيفون المكينة أعتقد نفس حق سيارة يابانية لأن المكينة تويوتا أعتقد وتصنعها هالشركة الصينية في الصين وتركبها بسياراتها.

في وكالته ركبت فيه لاقيته أوسع من الددسن بكثير خصوصاً بالخلف.

السياره هذي استخدمها واحد اعرفه 
كانت كويسه استخدمها سنة كامله 
لكن جاء المطر وحاسها حوس طلعت اصوات والفرامل تغيرت وزنيته صار اخف 
باعها وجابت له حدود 25 الف مو ذاك الخساره 

الصيني بشكل عام يخوف من ناحية الجودة والأمان ناهيك عن رداءة التصنيع

عشان كذا عندك بدائل كثيرة

ددسن

او ايسوزو دماكس

وانا اتفق مع الاخوان الي قالو زود القيمة لأن حرام تحط مبلغ وقدره في موتر صيني تعبان اذا بغيت تبيعه مافية احد بيقبلة منك ولا بأرخص الاثمان