هل مشكلة الكرونه بسيطة في الفورد

الحل تغير دفرنس ماينفع تغير كرونة لحالها لأنها بتخرب بعد فترة ووزنيتها صعبه

صحيح الافضل تركب دفرنس كامل واعتقد بتكون التكلفة اقل والكرونه غاليه وصعب شغلها 
دفرنس على الضمان من التشليح وريح بالك 

يعطيكم العافيه

ياليت تحددون التكلفة التقريبية

شوف عزيزي قبل تغير تاكد من الزيت 


اما اذا لابد من تغيير الكارونه 


اول حدد لنا الموديل عشان نعطيك العلم السليم

اذا فيها صوت ونه وفضاوة بسيطة عادي انا كانت معي ومشت عليها سنه ونص وماغيرت الدفرنس الا من ازعاج الصوت 

يالغالي ممكن عكوس او رمان تأكد الدفرنس صوته يطلع على سرعة 80 مع الدعسه اذا رفعت رجلك عن الدعسه يختفي الصوت واذا دعست يطلع هذا الدفرنس بنسبه لسعره اذا الموديل فوق 2004 تقريباً 2500 واذا موديل اقدم مايتعدى 1700 كحد اقصى

اذا المشكله كرونه ماينفع تركب كرونه جديده ابدااا 

لأن مافي احد يعرف يوزن الكرونه بجهاز قياسها ووزنها

اللي يعرفون فك ركب وبس سباكين…… 

قبل اربع سنوات وكم شهر
شريت فورد بعد اسبوع طلع صوت ونه عندي بالسرعه المنخفضه تسمعه
اذا اسرعت يخف وديتها للورش قال كارونه تركتها مر شهرين اختفى الصوت ولاعاد رجع
والى هاليوم مافيها شيء  واحد الورش اللي مريت عليها جيته قبل كم شهر وقال وش صار على الكارونه
قلت اختفى الصوت قال كيف صلحتها شريت دفرنس قلت ماسويت شيء اختفى لحاله ماصدق
اذا الصوت مو قوي اتركها

افضل غير دفرنس وتاكد انه يطابق اللي معك وفكة من سيارة موديلها حديث وماجاها رجفة

ركب زيت مانع احتكاك التروس صغير علبة تباع في محلات كرايزلر ومرسيدس ونيسان وتويوتا غالبا
مركبها وحرب إحتمال يختفي الصوت
وتقدر تغير كارونة ووزنها بسيط جدا وفيها علامات واضحة اند التركيب.

كان عندي صوت يطلع بعد 80 وطنشته وبعدها بفتره جت عندنا امطار وماقصرت بالفورد أيام الدجه تخميس ودرفت الزبده بعدها صار يطلع عندي صوت حديد يتكسر ووديتها الورشه وقاالي يبي لها عكس خلفي وصوفه وفعلاً اخذت عكسين وزيت وصوفه وغرا ووديتها وغيروها وغيرو زيت الكارونه ورجع الموتر وكاله

انا صراحة ماكنت اايد تغير الكرونة ﻻن مافيه احد يوزنها لين قدر الله على وضرب الدفرنس تكسر من جوة بدون سابق انذار وﻻ شيء ممكن اللي قبلي حاط شحم او برادة خشب عشان يروح الصوت المهم طق الدفرنس وانفكت العكوس من محلها ومابقيت محل في الصناعية القديمة اﻻ رحت له والنية اسعر بكم الدفرنس كامل لكن اتذكر مالقيت وﻻ واحد سعره اقل من 4000 وموتري دبل ﻻزم تكون الكرونة الخلفية نفس كرونة الدبل وﻻ بتطق وحدة منها على طول ﻻنها بتختلف عدد السنون وتختلف الدورة ولقيت واحد وقال كم تبغاء ضمان ومن هنا وهنا لين اخذت ضمان شهرين بسعر 2200 كل قطعة جديدة من شركة OEM الامريكية ماعدا حاجة وحدة نسيتها مستعملة ويالله لك الحمد له خمس شهور سالك معي