اضرار تغير نوعية زيت المكينة

مافي ضرر من تغيير الزيت طالما نفس درجة اللزوجة ،،، بس المشكلة زيوت البناشر مو اصلية وانا على رأيك افضل تشتري من محلات الجملة وتغير حتى لو تدفع 20 أو 25 مو مشكلة ،، المهم تضمن انو الزيت اصلي

مافيه ضرر  
اغلب البناشر زيوتها مغشوشه 
مره وقفت عند بنشري لقيت زيته اصلي 
هي حسب البناشر مو اي بنشر تشتري منه حتى لو احرجك قول له بسحب وبجيك و
ﻻ تخليه ينزل الزيت القديم الا وانت متأكد انه اصلي 
وانا مع كنق انك تشتري من حقين الجملة

لاتغير اللزوجة .. واشتري الزيت جملة 
مستحيل تلف المدينة اللي انت فيها ومحد يرضى يغير لك !!! 
20w50 
ثقيل مايصلح للاكسنت، بيسبب لك مشاكل بعدين 
خلك على زيتك 10w30.

موفق

اذا قصدك سوبر جي تي 10 \ 30 العلبه البيضاء مره حطيته بسيارتي ومشيت عليه الف كيلو وغيرته
صوت المكينه عالي وتصرف بنزين وبالنسبه لي افشل زيت مر علي
الكاسترول عندنا قيمته 17 ريال بالبنشري 
جرب زيت توتال 10 \ 30 ممتاز

تبي نصيحه اخ ،،

احش من سوبر جتي  نصيحه  وخلك ع الكاسترول 

خلك من اللي ينباع بالبناشر     وخذه جمله

الجمله الكرتون ب 315  وفيه 24 حبه   يعني تطلع العلبه ب 14 ريال    ومر الوكاله او محل قطع غيار معتمد وخذ لك 4 فلاتر  سيفون وخلها عندك

وجرب تمر على اكثر من بنشري  وعطه 15 ريال فقط يسويها لك

اللي يتغلا ويقولك 25 ريال  او 30   او يقولك مااشتغلها   اسحب عليه وخله يولي   ترا الشغله ماتستاهل 10 ريال 

شريت زيت، سوبر بترومين من محل الجمله بـ 15 ريال وفي البنشر اعتقد بـ 17 ريال
غيرت زيت عند البنشر بـ 15 ريال بس لاني ماني فاضي كنت مشغول وقتها
حسبت التكلفه كامله ، طلعت ناقصه 15 ريال لـو اني مشتريه من عنده ..

اخوي حول بترومين نفس اللزوجه احسن زيت بأذن الله ماتندم

او حول الى زيت بترومين 5w30 A1 ويمشيك 9 الأف وزياده صناعي بالكامل

ههههههههههه والله ياهو فاشخك البنشري

انا اركب زي زيتك على اكسنت 2010 الشكل القديم

اشتريه انا بنفسي ويا السيفون

الزيت العلبه كاسترول نفس اللزوجه اللي ذكرتها اخذ العلبه 14 ريال ضرب 4 = 48 ريال

وسيفون الاكسنت بقطع الغيار ختم الوكاله من البسامي ب10 ريال

المجموع كم ياسيدي 58

شغل يد 20 ريال عند بنشري متعامل معه مع تنظيف فلتر المكيف وتفخ الكفرات وتشييك على موية الرديتر وكل حاجه كم

يطلع 78 وصكر كبوت سيارتك وتوكل على الله

اما علبه 22 وسيفون تجاري من اخونا في الله البنشري هذا لاعب عليك لعبتن كبيره

وانت براحتك تبي تتبع طريقتي بتوفر وتضمن كل شيء اصلي بفواتيره

انت رجالن تقول ودي اوضب مكينه وفلوسي مضيقه علي ومايهمني اصلي ومااصلي

لاتجي تنزل موضوع بعدين تشتكي بمشاكل او تقول السياره فيها عيوب مصنعيه وهو اهمال منك

وبالتوفيق للجميع

انا اغيرا احيانا زيت ١٠ الاف كيلوا واحيانا ٥ الف. هل كدا فيه مشكلة