كم ولماذا وكيف

نعم فيه العرض  هذا على مودم 3 شهور مفتوحه 300 ريال  او كنكت  خذها من اتصالات لن محلات جولات ياخذون عليك فايده 40 ريال الى 30 ريال 

وعليكم السلام 

معي وحده مفتوح 3شهور

شغال تمام

انا شراي شريحة بيانات سوا 3 أشهر مفتوحة ب 300 ريال 

من محل جواﻻت قبل شهر وشغاله زي الفل تصفح ويوتيوب

لو مقطع 3 ساعات مايقطع 

كيف الطريقه ياشباب 

لاني ماعرف فهذي الاشتراكات
انا مسوي اشتراك مفتوح على جوالي موبايلي الشهر ب350 وكل شهر اسوي هالاشتراك هذا اللي اعرفه

هذا عرض على شرايح البيانات وصحيح

فيه كمان عروض سنة كاملة بيانات مفتوح ب750 تقريبا . تلقاه في الموقع .

شويح خبل أنت
شهرياً 350 ريال !!!!
فيه شريحة موبايلي مفتوحه ب 300 لمدة 3 أشهر 
لكن موبايلي المفتوحه فاشله يعطونك من قيقا إلی قيقا ونص في اليوم
مثلاً لو خلصت القيقا في العصر يقطعون الاتصال حتی الساعه 12 ليل !!! و يقولون مفتوح !! جعل المشعاب يفتح 

Stc أطلق منهم مفتوحه 24 ساعه لو تحمل مليون قيقا ما يقطعون الاتصال

شرائح البيانات 4جي او 3جي مع المودم او هواوي هذي ممتازه ومفتوحه على طول
اما اشتراك الانترنت الي على الجوال هذا سيء حتى لو تاخذ مفتوح ماتعتمد عليه كأنترنت اساسي لك ولبيتك
لانه محدد في اليوم 1 قيقا تحميل اذا انتهت تنزل السرعه ويسير بالقوه يشغل واتس اب فقط
هذي سياسة الاستخدام العادل ومطبقه على STC وموبايلي وزين
افضل شيء خذ كويك نت 4جي من الاتصالات وشغله على هواوي صغير ينحط بالجيب اذا تبغاه خارج البيت سرعة مفتوحه ولا يطبق عليها الاستخدام العادل

كويك نت الافضل تاخذه من STC يعتمد على قوة الابراج اقل سرعة ممكن توصل 3 ميغا بايت واعلى سرعة توصل فوق 30 ميغا حسب قوة الشبكه
موبايلي لو تركب برج ارسال فوق سيارتك اقصى سرعة 6 ميغا بايت وسعر الاشتراك ضعف اشتراك STC

الاتصالات وزين أفضل في المفتوح من موبايلي
أنا استخدم زين مفتوح ثلاث شهور بثلاث مئة ريال وما عندهم سياسة الاستخدام العادل
كنت استخدم موبايلي ماتصلح أبد ، لك حد في اليوم اذا تعديته تقلب السرعة دايل اب

Stc ما تطبق سياية الاستخدام العادل

عندنا راوتر stc شارينه ب 650 مفتوح 3 أشهر شابك فيه 5 جوالات و نشوف فيه أفلام أنا و أخواني لين تدوخ روسنا و لا يضعف الاتصال
و مره جربته أبي أشوفه مثل موبابلي أو لا و حملت تطبيقات حجمها 5 قيقا و أشغل أفلام من يوتيوب مدتها ساعتين و لا ضعف الاتصال

فعلاً موجود هذا العرض

في زين وفي stc

أنا الليله مفعل 3 أشهر مفتوح STC 

ومافيها إستخدام عادل نهائياً

موبايلي بس هي خياس

طبعاً السعر هذا لشرائح البيانات فقط

اما إذا بغيت إتصال وأنترنت بيكون غالي عليك

انا شاري جهاز الهواوي الي ينشحن بشاحن الجوال ب 210 وشريحة Stc ب 300 ريال 3 شهور نت مفتوح ما يقطعوه عني ولا شي  
 
وللمعلومية الشريحة شريتها من محل الجولات فعلها برقم هويتي واشتغلت مباشرة 

انا مااشتري بطاقات النت 4 جي الا من البطحاء لفيت محلات الجوالات كلها

كلهم نصابين روح البطحاء توني مفعل 6 شهور مع شهر مجاني مفتوح stc ب610

اريح لك انا جربت 3 شهور بس تخلص بسرعه تمشي بسرعه الشهور

7 شهور فعل وارتح ونصيحه للاخوان اللي حاب يفعل يروح البطحاء يروح عمارة الجوالات البيع والشراء ويسال عن محلات تفعيل الشرايح ترى محلات الجوالات نصب في نصب اللي داخل الاحياء

البطحاء اسعارهم جدا ممتازه

ايه صدق انا شاري لي شريحة بيانات قبل 5 شهور خذيتها ثلاث شهور مفتوحة ب 300 ريال ويوم انتهت قبل شهرين تقريبا

رحت لمحل اتصالات تخصصه شرايح بيانات وتفعيل وتجديد يعني عنده صلاحيات طبعا زين وموبايلي وstc

قال فيه سنة كاملة مفتوح ب 950 ريال يعني وفرت على نفسي 250 ريال تقريبا ومريح سنة كاملة لا ينقطع ولا قاله الله لها الحين معي شهرين وعليه اظاهر


اذا تبي ذا المحل اللي اقولك عنه تواصل معي خاص وابشر بالخير ، كويس هو عنده عروضات مجنونة ، للعلم هو في الشفاء جنوب الرياض

بالنسبة لشريحة STC مفتوحة عندي لو تحمل وشوا ، انا مشلخها احمل مسرحيات في جوالي واخلي العالم تشبك معي ولا قد قطعت معي ولا اي موضوع

انصحكم فيها والله مرتاح نفسيا الحين سنة كاملة ما اعرف درب الاتصالات وجوالي مفتوح لا اقول بيخلص قيقا ولا قاله الله

وموفر على نفسي جهد ومبلغ

سياسة الاستخدام العادل تطبق على انترنت الجوال "البيانات" لجميع الشركات 
سواء مفتوح وﻻ محدد
الشرائح المفتوحه ما يطبق عليها 4جي و3جي الي تجي مع روتر تسمى كويك نت 
وهذي ممتازه وافضل شركة تقدم الباقه هذه 4جي zen ويجي بعدها stc 
وتقدر تستخدم الشريحه خارج البيت تشتري لها روتر صغير متنقل معك بدون كهرب(على الشحن)