أضف سؤال أو موضوع جديد          

القيادة بنظرة سعوديه

up 12 down 9
xpoldx 1432
قبل 6 سنه و 10 شهر



السلام عليكم صبحكم الله بالخير للي ف الصباح 

ومساكم الله بالخير للي ف المساء


الموضوع قد يكون قديم نوعا ما ولكن بجدده 


القيادة عندنا بصراحه بين نارين 


الاولى الاحتراف 

الثانيه عدم احترام نظام المرور

الاولى تسببت بحوادث داميه راح ضحيتها الكثير

فقدنا القريب و الصديق و العزيز وحتى لو من كان بيننا وبينه 
مشكله فإننا نتألم من خبر وفاته في حادث بسبب الاحتراف المتهور 
بالقياده


فهذا كم و الاخر كما اخر


اما عدم احترام نظام المرور فهذا اكثر ما نعانيه في حياتنا


فمما رأيت من عدم احترام نظام المرور

تضرب اشاره معناها للي وراك بمفهومه لا يدخل

المشي في مسارين وكأن الشارع مسجل بإسم ابوه

اغلاق مسارات الالتفاف لليمين او للدوران للخلف
وهذي بحد ذاتها مخالفه عرقله سير

و التجاوز من اليمين

فلمى جا نظام ساهر وعانينا منه وتشكينا 

لانه جانا كآله لاتعرف فلان ولا من طرف ابو فلان
فحاسبتنا بالسرعه 
وحاسبتنا بقطع الإشاره 
وتغاضت حتى الان عن خفايا النظام 


ونحمدالله انناماوصلنافي. النظام الالي ماوصلت اليه بعض الدول


طبعا اتحفظ على الية تطبيقه ف البدايه فلكل بدايه اخطاء


فلو طبق النظام الالي عبر الكاميرات 
والله لانضبط الشعب كله وصار يسوق بإحترام المرور
واحترام نظامه 

بعض الدول مع اني ارتاح اذا تواجدت فيها 
مع ان شعبها سيم سيم شعب سعودي 

بس في نظام المرور يمشون بالنظام يخليك ترتاح نفسيا

ماتلقى همجي متجاوز من يمين

ماتلقى ح.....!!!! مقفل مسار الالتفاف لليمين او الدوران للخلف

نادرا ماتلقى احد يتجاوز من اليمين


و الاعظم من هذا ان الاكتاف خاليه من السيارات 
وهي المسارات المخصصه للطوارئ 

اما عندنا للأسف كأن الشعب في قدر ضغط 
كلهم حاله طوارئ على ايش ما ادري



في هذي الدوله المجاوره 

نظام ساهر حقهم
اذا بتعترض على الصوره توقع على ورقه
انه اذا وجدت اي مخالفه ظاهره في الصوره سوف تسجل

بمعنى لو صورتك الكاميرا
مخالفه سرعه
رحت تعترض قالوا نشوف الصوره
اذا مافي سرعه نشيلها بس ندقق بالامور الثانيه

استعمال الجوال
عدم ربط الحزام
نور مكسور
صدام مكسور
تضليله 

ينفضون الصوره يطلعون منها كم مخالفه وتنزل عليك


فلو طبق هالنظام عندنا والله لينضبط كل مخالف


فلنحمد ربنا ان ساهر حده سرعه واشاره وتجاوز خط مشاه


وبالنسبه للي يخالفون نظام المرور 

تراكم ازحمتونا واقرفتونا 
ماسبب هالزحمه الا همجيه سواقتكم
واذا شاف باص او سياره فيها اجنبي ماشي بنظام 

و يبي يلف وداق اشاره باحترام ونظامي جدا
يجيك الهمجي والله مايدخل 
ولا اذا بيدخل مسار مايخليه يدخل

يضرب لك بوري ويكبس وبينك و بينه 10 سيارات

بس حقد ولعانه لاتدخل مساري 

سوقوا زين غثيتونا 

كل يوم واحد غاثنا يجي من برى يقول النظام و النظام

و يازينه و يا حلاته ومايمر يومين الا وهو مخربها وصار يخالف 
نظام المرور في بلده


طبق نظام مرور بلدك ليرتقي للبلدان الاخرى 

و المشكله انه يزعل اذا المرور شد في تطبيق النظام

وهو برى اذا شاف تطبيق النظام بحزم يقول ليتهم عندنا










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المرور مقصر بصراحة اشوف ناس بالشوارع قيادتها ملحجة وقلة سنع


up 5 down 2
أأبو نوااف 1641
قبل 6 سنه و 10 شهر



المرور ماعاد عرف ينظم سير و لا يتابع جحلط السواقه و لا حوادث بدون تأمين
ولا ملاحقه المفحطين ولا يسوي حملات مروريه


الشعب نفسه اذا صار واعي وهادئ الامور بتزين 


up 3 down 2
xpoldx 1432
قبل 6 سنه و 10 شهر



صحيح كلامك
وخاصة اذا غلطت ودقيت اشارة يمين او يسار
اتحداك احد يفتحلك مجال مستحيل


up 0 down 0
moathyaseen 1393
قبل 6 سنه و 10 شهر



ودي يجيبون كميرات ثابته في النص بين الخطوط السريعه

يعني مثلا طريق الحرمين السريع اللي بجدة

ززحمة والناس مقفلين حتى الاكتاف

الكاميرات تجي بين الخطين السريعين

اي احد يتجاوز الخط الاصفر باتجاه الكتف يصوره مباشرة

وايضا يكون فيه ميزات اخرى يضبط السرعة بنفس الوقت 

ولكن بششرط تكون ثابته وعلى كل 250 متر يحطون كاميرا وااااضحة للكل

اقسم بالله العظيم ماعاد تشوف ززحمة

فيه نقطة اخرى 


الحفريات والصيانة تكون اول باول لان لها دور كبير في الزحمة 

وسلامتكم حبايبي 


up 2 down 0
ألعاب نارية1 36
قبل 6 سنه و 10 شهر



كلام كويس وموضوع تمام
 افضل سائقين سيارات طبعا عندنا بالسعودية ومعرفة بالانظمة ولكن المشكلة تكمن في التهور فقط
بالتوفيق


up 1 down 0
متميز جدا 227
قبل 6 سنه و 10 شهر



اهلا




دائما اقول اني اكره ساهر 

وبنفس الوقت اتمنى لو يكون كاميرا ساهر كل 5 كيلو

حتى تمشي وانت مرتاح

لأن اللي حاصر مع سيارات ساهر المتنقلة انها تجلس في ماكن محدده

وعندنا في الشرقية توقف على الطريق ( مو مثل الغربية تتخبأ ورى الاشجار و غيره )

فاللي يحصل الكل مسرع و من يوصلوا لساهر ينزلوا السرعه من 14 -160 الى 100 مع ان الطريق 120 و لك نسبة خطأ فوقها


الواحد ما يقدر يمشي بالمسار اليسار بسرعه 130 والا السيارات تتجاوزك اصفر و اللي يلحم فيك ( كأنه يقول ارمي سيارتك في اي داهيه خلني امشي )

ولكن لو كان ساهر كل 5 كيلو ما يقدر يسرع و يهدأ ادا وصل للكيمرا الثانية


up 0 down 0
عمر الزمان 672
قبل 6 سنه و 10 شهر



صدقت والله الموضوع مهم ولابد من التعاون وتوعية صار السن . يكفي حوادث واعاقات وخسائر والسبب الهمجية. لو انتظمت في قيادتك وتستخدم الحزام والاشارة ومتقيد بالسرعه والله انك ترتاح نفسيا الى ان توصل مكانك. لكن يجي من يخرب عليك. لن يغير الله ما بقوم حتى يغيروا ما بأنفسهم فالواحد يبدا بنفسه. والله يحفظنا واياكم من الحوادث


up 0 down 0
الفراعنه 315
قبل 6 سنه و 10 شهر



الخلل من الاساس من الي معطلين خط السير

فلو كان هناك سرعه نظاميه بالخط الايسر ماكان هناك تجاوز بالخط الايمن

فلو كان هناك مشي نظامي عند الاشارات دون اي تعطيل او تباطو او انشغال السائق ماكان هناك تجاوز بالسير

يخلق رده فعل طبيعي بالخيارات الاخرى


up 3 down 1
abdullah9876 -190
قبل 6 سنه و 10 شهر



شكلهم بيطبقون النظام كاملا بالكاميرات 


دبي حاليا ترصد تجاوز اليمن و اقصى اليسار بالهيلوكبترات


عندنا من قوة الهمجيه بالسائقين الغوا مسار الطوارئ


up 1 down 0
xpoldx 1432
قبل 6 سنه و 10 شهر



كلامك عين العقل اتمنی يطبق نظام ساهر ومخالفات علی التضليل والجوال والحزام والسرعة والمهبل اللي مركبين دبات مزعجه وايضا الدبابات المزعجه واصحاب التعديل علی السيارات بما يخالف الانظمة اشياء كثيرة 


up 1 down 0
ابوخلوودي1 5070
قبل 6 سنه و 10 شهر



وسالفة الكباري والأنفاق راحت عن بالك والناس اللي تجيك في آخر لحظة يبي يصعد الكبري اللي عرفنا عنها في الواتس اب بإسم " الحيوان "

والأدهى والأمر لما واحد يسوي حادث في اي شارع اول شي يصير يتعطل عشرات الألاف من الموظفين مثل ماهو حاصل في الدمام وتنشل الحركة مع ان نجم حق التأمين يسمح للناس يصور بجواله و يسفط على جنب
لكن اخواننا في الله مايهمه اللي في راسه لازم يصير حتى لو تتعطل السعودية كلها


up 0 down 0
chevrolet zr1 611
قبل 6 سنه و 10 شهر



فيه جهل بالنظام والله جهل من الطرفين تعبنا والله


up 0 down 0
xpoldx 1432
قبل 6 سنه و 10 شهر