استفسار عن كفرات الفورد

كونتننتال
بررللي 
مشلان 
جوود يير
هانكوك رخيص ووممتاز جدا جدا

والله يالغالي انا مثلك عندي فورد 2006 سعودي 3 مرات اركب طقم كفرات ماتكمل سنه بالاخير صرت اركب نوع اسمه ميرشال عليه ضمان سنه يجلس سنتين بدون مشاكل لكن اهم شي حافظ على الهواء مايكون ناقص 

أفضل كفرات بدون منازع سواء للفورد او السيارات الاخرى

هو ميشلان , فيه قوة تحمل عجيبه جدا

مشيت عليها 170 الف كيلو من وكالتها , موديل السياره كان 2010 , والكفرات الاماميه كانت 2009 و الخلفيه 2010 نوع ميشلان مقاس 18 والسياره جيب مازدا

كملت الى 2014 ويوم نويت اسافر من الرياض لقطر غيرت كفرين فقط كانوا فيها رقع كثيره , و خليت ثنين واحد 2009 وواحد 2010 وخليتهم ورا , سافرت ورجعت واستخدمتها فوق 3 شهور والله ما عمرها نسمت علي ابدا ابدا او انسلخ لا سمح الله

هي افضل كفرات مرت علي

فوردي راكب عليه مشلان مقاس 16 اسباني كمل 3 سنوات مشا 120 الف ولله الحمد وناوي ابتل شوي زيادة
بالرغم ان التردوير حق الكفر منخفض كثير 240 فقط

الجوديير ايضا ممتاز جدا

اهم شي ابعد عن سوموتومو والله كنت امدح فيها ولكن في الاخير بهذلتني والهواء ينقص كل شوي الحساس شغال وكانت فيه ميشلان انشهد انها كفرات خدومه

تبي الافضل اكيد ميشلان بس انصحك تاخذه من الوكيل اللي هو الجفالي 

انا مركب كفرات دونلوب طبعا ماخذه من الوكيل بن زقر 

بصراحه من ناحيتي انا ما اركب الا دونلوب 

ركبته في كامري وفورد وهوندا اكورد ولينكولن 

بصراحه روعه ولا قد خذلني ابد سواءً سرعه او خطوط سفر

عاد اذا تبي شيء ممتاز مره ولا يعلى عليه اكيد ميشلان 

ميشلان أو تويو الياباني ممتاز جدا

يمكن انك تتعب مع الكفرات اللي تركبها لأنك ماتركب شي عليه الكلام

يعني عندك جوديير هي المستخدمة الآن في الوكالة عندك ميشلان كلها مناسبة للفكتوريا وتعيش سنين ان شاء الله اذا الله سلمها

لكن تركب لي ماكسس ولا تويو ولا مدري وشوا مع احترامي للي يركبونها هذا تنفع لسيارات صغيرة ورخيصة ومهيب حقت سفريات

تبي كفرات عليها الكلام وترتاح ادفع

تحياتي

وعليكم السلام

شريت ماركيز 2009 استخدام و ركبت عليها ميشلان..
ميشلان ممتازة لكن يعيبها شي..إنك إذا كنت تمشي و سط الأحياء أو في المناطق الصناعية بين الورش و كذا حتكثر الرقع في كفرك. كفر ميشلان خامته لينه لدرجة لم أتوقعها.. ذاك اليود دعست على خشبه مكسوره فدخلت شرارة الخشب الصغيرة في الكفر و نسم الكفر..4 أخراق و رقعته برقعتين حرارية.
و استمريت به ولاحظت إنه ما يناسبني لأن مكان سكني و روحاتي و جياتي وسط حواري و ليس خطوط نظيفة و الكفرات هذه عن تجربة ما تتحمل و حتترقع كثير.

غيرت بعدها كفرات تويو، الآن لها أكثر من سنة

ما شاء الله تبارك الله

أداءها مثل الميشلان ما لاحظت فرق، لكنها مو مثلها في ليونة الخامة، يعني ما يدخل به شي بسرعة و يفقعه.

كان سعر الميشلان 620 ريال
و سعر التويو 500 ريال

عني..أنصحك بالتويو

مع العلم بأن السيارة جات من أمريكا و عليها قود يير.

بالتوفيق

انا عن نفسي كنت استخدم هانكوك ابو خط بسيارتي ماشاء الله والله خطوط وحواري وحفر وطرق وعرة ولا عمره نسم علي 
ولا عمره سوا معاي اي شئ الحمدلله كانت اموره طيبه مازلت استخدم وانصح به