أضف سؤال أو موضوع جديد          

استفسار عن كفرات الفورد

up 1 down 1
متعب محمد الخالدي 16
قبل 6 سنه و 10 شهر



السلام عليكم اخواني عندي فورد فكتوري 2006 وكل مره اركب كفرات اتعب معها 
واحد قال لي ركب ماكسس كويسه وسعرها معقول اذا عندكم انواع ممتازه ومريحه فالطريق 
وسرعه وحراره مفتوحه ي ليت تفيدوني وبيض الله وجيهكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كونتننتال
بررللي 
مشلان 
جوود يير
هانكوك رخيص ووممتاز جدا جدا


up 2 down 0
منخشق 674
قبل 6 سنه و 10 شهر



والله يالغالي انا مثلك عندي فورد 2006 سعودي 3 مرات اركب طقم كفرات ماتكمل سنه بالاخير صرت اركب نوع اسمه ميرشال عليه ضمان سنه يجلس سنتين بدون مشاكل لكن اهم شي حافظ على الهواء مايكون ناقص 


up 0 down 0
c.ronaildo 4
قبل 6 سنه و 10 شهر



أفضل كفرات بدون منازع سواء للفورد او السيارات الاخرى

هو ميشلان , فيه قوة تحمل عجيبه جدا

مشيت عليها 170 الف كيلو من وكالتها , موديل السياره كان 2010 , والكفرات الاماميه كانت 2009 و الخلفيه 2010 نوع ميشلان مقاس 18 والسياره جيب مازدا

كملت الى 2014 ويوم نويت اسافر من الرياض لقطر غيرت كفرين فقط كانوا فيها رقع كثيره , و خليت ثنين واحد 2009 وواحد 2010 وخليتهم ورا , سافرت ورجعت واستخدمتها فوق 3 شهور والله ما عمرها نسمت علي ابدا ابدا او انسلخ لا سمح الله

هي افضل كفرات مرت علي


up 0 down 0
ابو يزيد 000 8712
قبل 6 سنه و 10 شهر



فوردي راكب عليه مشلان مقاس 16 اسباني كمل 3 سنوات مشا 120 الف ولله الحمد وناوي ابتل شوي زيادة
بالرغم ان التردوير حق الكفر منخفض كثير 240 فقط

الجوديير ايضا ممتاز جدا


up 0 down 0
زوبعة 464
قبل 6 سنه و 10 شهر



اهم شي ابعد عن سوموتومو والله كنت امدح فيها ولكن في الاخير بهذلتني والهواء ينقص كل شوي الحساس شغال وكانت فيه ميشلان انشهد انها كفرات خدومه


up 2 down 0
ابوخلوودي1 5070
قبل 6 سنه و 10 شهر



تبي الافضل اكيد ميشلان بس انصحك تاخذه من الوكيل اللي هو الجفالي 

انا مركب كفرات دونلوب طبعا ماخذه من الوكيل بن زقر 

بصراحه من ناحيتي انا ما اركب الا دونلوب 

ركبته في كامري وفورد وهوندا اكورد ولينكولن 

بصراحه روعه ولا قد خذلني ابد سواءً سرعه او خطوط سفر

عاد اذا تبي شيء ممتاز مره ولا يعلى عليه اكيد ميشلان 


up 0 down 0
camry grandi 99 7274
قبل 6 سنه و 10 شهر



ميشلان أو تويو الياباني ممتاز جدا


up 0 down 0
زئبق 216
قبل 6 سنه و 10 شهر



يمكن انك تتعب مع الكفرات اللي تركبها لأنك ماتركب شي عليه الكلام

يعني عندك جوديير هي المستخدمة الآن في الوكالة عندك ميشلان كلها مناسبة للفكتوريا وتعيش سنين ان شاء الله اذا الله سلمها

لكن تركب لي ماكسس ولا تويو ولا مدري وشوا مع احترامي للي يركبونها هذا تنفع لسيارات صغيرة ورخيصة ومهيب حقت سفريات

تبي كفرات عليها الكلام وترتاح ادفع

تحياتي


up 0 down 1
a.ibrahem 3167
قبل 6 سنه و 10 شهر



وعليكم السلام

شريت ماركيز 2009 استخدام و ركبت عليها ميشلان..
ميشلان ممتازة لكن يعيبها شي..إنك إذا كنت تمشي و سط الأحياء أو في المناطق الصناعية بين الورش و كذا حتكثر الرقع في كفرك. كفر ميشلان خامته لينه لدرجة لم أتوقعها.. ذاك اليود دعست على خشبه مكسوره فدخلت شرارة الخشب الصغيرة في الكفر و نسم الكفر..4 أخراق و رقعته برقعتين حرارية.
و استمريت به ولاحظت إنه ما يناسبني لأن مكان سكني و روحاتي و جياتي وسط حواري و ليس خطوط نظيفة و الكفرات هذه عن تجربة ما تتحمل و حتترقع كثير.

غيرت بعدها كفرات تويو، الآن لها أكثر من سنة

ما شاء الله تبارك الله

أداءها مثل الميشلان ما لاحظت فرق، لكنها مو مثلها في ليونة الخامة، يعني ما يدخل به شي بسرعة و يفقعه.

كان سعر الميشلان 620 ريال
و سعر التويو 500 ريال

عني..أنصحك بالتويو

مع العلم بأن السيارة جات من أمريكا و عليها قود يير.

بالتوفيق


up 0 down 0
الفارس المميز 2654
قبل 6 سنه و 10 شهر



انا عن نفسي كنت استخدم هانكوك ابو خط بسيارتي ماشاء الله والله خطوط وحواري وحفر وطرق وعرة ولا عمره نسم علي 
ولا عمره سوا معاي اي شئ الحمدلله كانت اموره طيبه مازلت استخدم وانصح به


up 0 down 1
احمد شريف 3176
قبل 6 سنه و 10 شهر