شوركم يا اخوان

عليك بالاستغفار باذن الله وراح تفرج ياليت اقدر اساعدك كانت ماترددت

الله يرفع قدرك ماتقصر جعل من رباك بالجنه وماضاقت الا وتفرج باذن الله ..

ليش مانروح لجرير وبنده واكسترا 

أن شاء الله تلاقيها عندهم
وضايف كاشير 
لو انت في الغربيه روح البيك اكيد تلاقي عندهم وضايف 

مكافاة الجامعة 900 تقسيم 30 يوم يساوي 30 ريال لليوم فرضنا السيارة تاخذ بنزين كل يوم 10 ويبقى 20 ريال خلها مصروف لك واحمد ربك كلها كم سنة وتخرج وتنتهي السالفة واذا انك مصمل على وضيفة عندك هرفي وكنتاكي وميد بالرياض 

بالتوفيق لك اخوي
انا طالب جامعي مثلك وسعودي
اولاً عليك بالاستغفار
ثانياً عليك بالعمال الحره ففيها رزق كبير وعن تجربه ولله الحمد
اخوك طالب بدأ من الصفر من ايام الثانوي
بديت اشتغل كل الشغل الي تتخيله عطور عن المساجد سوبيا فرمضان بيع شرا استيركات اكسسوارات تسويق سيارات وعقارات
المهم كل ما كان عندي مبلغه اشغله على طول ما اخليه اشتغل اي شي اي شي ما اقول لا
بدايتي الجديه كانت مع بدايتي في الجامعه السنه التحضيريه الاولى عقدت العزم على جمع 24 الف ريال سنوياً
ولله الحمد والفضل كله استطعت تحقيق ذلك 
الان اخوك مجمع حول ال 33 الف ريال ولله الحمد انا الان في السنه الثانيه في كلية الهندسه الترم الاول
يعني راحت سنه وربع تقريباً من العزم على تحقيق ذلك علماً اني اصرف على نفسي مصاريف كامله انت عارف المكافأه 
الجامعيه 990 ريال بصراحه انا اصرفها بالكامل اكل وشرب ولبس ونت و صيانة سياره زيت بنزين وغيرها الكثير
والدخل من التجاره في البنك واصرف منه ايضاً عند الحاجه
انا من صغري محب للتجاره ما اقتنع بالوظايف ابداً اصحابي يروحو يتوظفو في الصيف وانا اشتغل اعمال حره
بصراحه عندي ابيع مساويك عن المسجد ولا اشتغل عند احد والحمد لله بديت بالعطور والان عندي راس مال حلو ناوي الصيف
القادم اضبط نفسي فكم مشروع استثمر فيها واضبط اموري 
وعمري قريب من عمرك طالب جامعي مثلك وعمري الان 19 سنه فقط 
-----------
بالتوفيق لك ولجميع المسلمين ان شاء الله 

نسيت اذكر بعض الملاحظات :
1- ترا مو دايماً تقدر تشتغل احياناً تجيك ايام تبطل وتطفش واحياناً تنشغل واذا انقطعت عن السوق صعبه الرجعه يعني انا 
انقطعت من رمضان الى الان وما رجعت للشغل والسبب اول ما انقبلت هندسه انشغلت فكم شي مع امور العيد
وبعض الجمعيات الخيريه و الاعمال التطوعيه وبعد العيد العزايم وغيرها وهنا وهناك وطلعات مع الشباب راح الوقت وجاني 
تجمد في العمل فالبدايه دايماً تكون قويه وحافظ على قوتها وحاول تستغل وقت وتشتغل كثير قد ما تقدر عشان تجيب ارباح 
تكفيك فتره طويله وتغنيك 
2- فيه بدائل اخرى غير متعبه كثيراً ويمكن عملها من البيت اغلبها التسويق عبر الانترنت و ايضاً سوق الاسهم ( تحتاج للتعلم كثيراً هنا
وحاول الابتعاد عن المحرمات في السوق ) 
---------
عموماًَ اخي العمل موجود واذا رغبت في العمل فيوجد عمل فقط اعقد النيه وشوف انت مكانك وين ووين يناسبك
خلي نيتك نيه خالصه لله دوماً وابداً وسر على السراط المستقيم 
---
واذا تبغى بعض المعلومات والتحفيز وقد يصل الامر الى التعاون بيننا ايضاً فقط راسلني على الخاص وساكون متفاعلاً معك 
باذن الله

عليك بالقرآن الكريم  اقرأه وحياتك كلها تتحسن 

طيب عندك وظايف في المطاعم وبنده والعثيم عندهم دوام 6 ساعات هذولي للي يدرسون او عنده وظيفة ثانية واجازة يومين اعتقد يعني حلوة مررة وبتستلم راتب من اول شهر تداومه مهب مثل ذا تدريب 3 شهور واخرتها ماطلعت بنتيجة


وبعدين وانا اخوك كلنا مرينا في حالتك لكن الواحد وش يقول الشكوى لله يعني الدراسة كم بتقعد سنتين تصبر فيها لكن بعدها ان شاء الله اذا كنت مخلص وشاد حيلك وجبت المعدل اللي يرفع الراس بتلقى ان شاء الله احسن الوظايف وراتب يعزك ويغنيك

والدنيا تركض وانا اخوك ماتدري بكره ولا بعده الا انت متخرج ومستلم الوثيقة ، الله يوفقنا وياك

الله يوفقك
شفت إعلان في ماكدونالدز وظايف للسعوديين برواتب تتجاوز 4000 وإجازة يومين ومراعاة دوام الطلاب وفوق كذا وجبة مجانية في اليوم ومميزات حلوة من تأمين صحي وإجازات سنوية

الله يرفع قدركم ويخليكم لعين ترجيكم رحم الله والديكم وان شاء الله تتحسن الظروف جعل من رباكم للجنه والله يرزقكم اجمعين ابشر اخوي عبد القادر ولاهنتو 

اخوي عبدالقادر جيت بمسحه طلع Not allowed