القيادة المتهورة جدا جدا في حائل مالسبب
4
4
إضغط هنا للإخفاء
الاحظ من خلال زياراتي الدائمة لحائل بشكل شبه اسبوعي القيادة المتهورة جدا جدا
يعني تخيلوا ياشباب اي مشوار اطلع بدون مبالغه لازم لازم لازم يصير خطأ مروري ولازم يصير مشكله في الخط
اتوقع اذا استمرينا بهذا الشكل بتصير غير الحوادث بيصير امراض ضغط وسكر
والاحظ في حائل كثرة التفاتيش وهالشي اعتقد ماسووه عبث كثير تفاتيش وبشكل شبه يومي داااايم لازم تفتيش
وفيه عسكر عند بعض الاشارات والدوارات ولكن البعض من هالعسكر لاهي بجواله ولا همه !!
والله تعب حتى مشوار بسيط اذا صار عندي انغث واخذ هم للمشوار
على هالحال تطلع من البيت ماتدري انت وحظك يجيك واحد من هالضايعين ويصدمك ولا درى اصلا
هذا غير البواري عند الاشارات اول ماتفتح الاشاره ياساتر ماصارلها ثانيه بوااااااااري !!
حتى الاحظ هناك الاشارات اول كانت فيها العداد الحين اغلبها مغلق العداد
وغير اغلاق الخط اليمين للانعطاف عند الاشاره كثيييييييييير جدا ويعتبر نفسه على صواب بعضهم
واذا ضربت بوري مايعبرك ولاكانك موجود
ناهيك عن مواقف السيارات وطريقة الوقوف والسرعات الفوق جنونية
اما الدوار فماراح اتكلم عنه اخلي الاخوان اللي من الديره يعطونا رايهم اهل حائل
على رغم اني احب حائل وعشت عمري هناك لكن لما شفت القصيم وخصوصا بريدة وربي فرررررررق
فرق فرق فرق شدييييييد من ناية القيادة والالتزام
نعم تحصل ناس طايشين وناس تسرع لكن ماتواجهم في كل مشوار ممكن خلال 3 ايام يمر عليك واحد مستهتر
وتجنبه وانتهينا اما الباقيين جزاهم الله خير وبيض الله وجيهم وربي ناس عاقلين جدا جدا وراقيين الى ابعد حد
حتى اغلاق الاشارات جهة اليمين موجود ولكنه قليل جدا
حتى اذا احد بيسقط او شي يضرب اشارة واحيانا يعتذر ويسلم
هذا في بريدة اما بعض المحافظات الثانية يعني مااعجبني الوضع قريبه من حائل بالقيادة
والله ياجماعة اني اتضايق اذا شفت يادة متهورة وهالشي ماينلعب معه لانه حديد ونار
جزاكم الله خير وياليت الاخوه يحطون ارائهم عن الطرق اللي يتبعونها في حالات التهور في القيادة
لان اعصابنا تلفت وتعبنا ودنا ننطنش ولايهمنا وحاولنا لكن غصب الواحد يفووور
واذا بتواخذ كل واحد ماراح تخلص ابدا
إبلاغ
الردود
وهذا فيه تحدي للحكومه لانه قطاع امني
3
0
كنت ببريدة نهاية اﻷسبوع الماضي ما هم راعين سرعة
بس عندكم مشكلة" الخطم " محد يدق اشارة يدخل عليك عادي بس مهدين ههههه
أنا اعلق البوري اذا خطم علي أحد و الناس مستغربين
من سعة الصدر عندكم محد يزعل اذا خطم عليه الثاني ما شاء الله
بس يا كثر التحويلات و الحفريات عشان الكبري اللي عند الامارة و سوق الشلال
بعد أقل من 5 سنوات بريدة بتصير الرياض مصغرة من الزحمة بس ان شاء الله تكون زحمه منظمة
2
0
اول مدينه وعليهم غشامه بنت كلب مكه
الثانيه المدينه السواقه بوادي وهم بوادي هههههههه
الثالثه بريده جمعوا بين قلة الادب وتبلد الاحساس هههههههه
طبعآ موكل الناس لكن الاغلب حايل تهور مو غشامه
وبعدين ترا كل السعوديه مدحدره بالسواقه
وصدقت والله الواحد يطلع من البيت شايل هم من المشوار
يأخي كلها كم سنه ونصير مثل روسيا يله كل واحد يجهز سياراته بكاميرا
ونزل اسبوعيآ مقاطع باليوتيوب مثل روسيا هههههههههههههههه
6
6
يعني احتمال يصير حادث 90% لكن سريعين في الاستجابه هههههه لا ركبت مع تكسي ودي اهد سنونه لكن تعودت
واكتشفت انهم كلهم كذا ههههه
2
1
زي سواقت اهل الطايف مافيه والله الطايف بكبره مافيه ساهر والعالم منتظمين والله وتفك الاشارة ولا يزعجونك ويضربون بواري
واذا مره مره يمكن بالاسبوع تلقى واحد سقط عليك او يشطفك بس
1
2
اساسا صارت عادة بمعظم سيارات الرياض
صدامات مرشوشة والرفارف فيها طقات والمرايات مكسرة .. تعرف انه من اهل الرياض :p
2
0
تصدقون ذاك اليوم كنت واقف في الاشاره و الجو يرد الروح المهم ان الاشاره خضرت وصفرت وحمرت وزرقت ماحد تحرك ههههههههه
الجو له دورههههههههه كنا خاشين جو
5
1
المادة الثانية يتم فيها تعليم الطلاب القيادة واحترام قواعد المرور (تطبيقي) ويكون هناك ساحات فاضية تكون بمثابة
نموذج مصغر للشارع ولا مانع من استخدام سيارات حجمها صغير
وبكده يكون الطالب المتخرج من الثانوي الى الجامعة ومنها الى الحياة ملما بقواعد المرور نظري وتطبيقي
6
1
شكلك ما قد رحت للرياض.
هناك مو بس تهور وعدم تقيد بأي من طرق القيادة، لا، بل أيضاً مشاكل نفسية مثل إني أتكبر وأشوف نفسي وأحتقرك وأتفل بوجهك لو كانت سيارتي أحدث وأغلى وأوجه من سيارتك !!!
ويا ويلك لو غلطت على أحد أو غلط أحد عليك وحاولت ترد عليه إسائته بمثلها.
مرة بالدائري معي الونيت الصيني أمشي بالأوسط وسيارات قدامي مثبتين على 80 أو أقل، قررت أسقط عليهم، انتظرت كم سيارة ثم ناظرت بالمراية المسار الأيسر ما فيه أحد أقرب سيارة تبعد 100 متر أو أكثر، دقيت إشارة يسار قبل أطلع يسار ما دريت إلا الموتر اللي كان بعيد دعس البنزين كله علشان ما أطلع عليه وقعد يكبس تكبيس تكبيس تكبيس لين وصلني.
عاد أنا نظامي يوم سقطت على السيارات فتحت له، قام علق البوري علي ليش ؟؟ ما أدري.
هذا وش تسوي لو يجيك ؟!
وطلع واحد مريض معه تاهو فضي ومعه أهله الموتر مليان من أهله وقاعط يهايط على المسلمين !!!
1
0
يعني قربت من دوار وقف لان الحق للي بالدوار
وعند الاشاره بطل حركات تجي من يمين وتوقف اول واحد
ولا توقف بالعرض
ودق اشارة مع اللفات ترى فيه ناس تشوف وتتعلم
خصوصا الصغار اللي توهم سايقين هو قاعد يطبق اللي يشوفه
من ناحية ثقافة الناس في السواقه السعودية كلها منتهين
الغالب يخالف بشي بسيط اقل حاجه
لكن والله فيه ناس رايقه بسواقتها واهم شي تبتعد عن العصبيه والضغط عند القياده لانك ماراح تكون مركز وبتجيب مصيبه لاسمح الله
4
0
1
0
wifi
نصيحة، إذا شفتوا باص أو تريلة أو أي سيارة حتى مو مضبوط في السواقة، لا تتمشكلون معاه نهائياً، كل اللي عليك دق على 996 أمن الطرق وبلغهم وبالغ في كلامك علشان يحرصون عليه.
وإذا سألوك وقالوا: بينك وبينه شي؟ أو تبي منه شي؟ قل إيه لا تقول لا.
إذا قلت لا يطنشون الموضوع.
ونفس الشي بالديرة، ما مثل الحكومة.
مرة بالسريع كنت بالمسار الأوسط وطلعت علي تريله من المخرج على الأوسط على طول مباشرة، هديت وراه ثم جيت بأسقط مع يمين، تتوقع وش سوا؟؟ لف علي وأعلق عليه البوري وأكشح العالي، ثم حاولت أسوي نفسي ناوي أأدبه بس مجنون أنا بسيارة صغيرة أأدب واحد معه تريله !!
آخر شي دقيت على أمن الطرق وبلغتهم وقلت الظاهر إنه سكران، وخليت الباقي عليهم وكملت طريقي.
ومرة أخرى نفس القضية، كنت بالأوسط طلعت علي تريله من الأيمن للأوسط بدون إشارة، ما سويت أي شي، بس سقطت عليه ثم رجعت للأوسط قدامه وهديت سرعتي.
وش تتوقع سوى؟؟ صدمني صدمة قوية أنا أنخرعت قلت أكيد الشنطة والصدام والاسطبات كل شي راح.
دقيت على 996 وبلغتهم ونزلت من سيارتي أشيك عليه لاقيت ما صار أي شي غير حكة بسيطة، ركبت ومشيت وطنشت أمن الطرق والتريلة وما أدري وش سووا به.
ومرة بالرياض، شباب بسيارة صغيرة بغوا يتمشكلون معي وخوفوني صراحة، دقيت على الشرطة ووقفوا معي وقفة ما أنساها، ارتحت مرة مرة وقال خل الجوال بيدك وإذا شفته قرب منك دق علينا على طول نجيك في لحظتها.
أشوف أفضل طريقة للقيادة في هالزمن إنك تمشي بطريقة هادية مع باقي الناس الهادية، وإذا شفت أي سيارة أو تريله مو مضبوطة ابعد عنها واتركها على طول خلها تروح، وكلن يوصل لوجهته سالم غانم بإذن الله.
1
2
والشوارع قصة أخرى لكن اجمالا الوضع جيد جدا.. لا تنسى الرالي أخي له تأثير
0
1
0
0
مفروض الي يتقاعد يسحبون رخصته
0
2
قبل 11 سنه