والحل معهم ؟

خذ الوالد او احد كبير شوي او اللي باسمه السيارة ويطلعونها لك علطول 
واذا ماطلعوها تقدر تشتكيهم للمدير بحجة انهم اخروك وعندك مدارس او ترفع دعوي عليهم 
بالتوفيق

الله يعينك وان شاء الله تفرج معك 
يقولك ابعد عن الشر وغني له  دام ما معاك رخصه ولا استماره وش موديك ينبع او غيره 
لازم تحط ببالك احتمالات انه بتصادف تفتيش او لو دوريه بتوقفك وتتقروش ودامك غلطان تحمل نتيجة غلطك

بسيطه يارجل انا مسوي حادث وساحب على الجامعه لين ما الله يفرجها 
شف خذ ابوك ولا عمك وجيب الرخصه وإن شاء الله تطلع 

خذ معك شخص كبير يتفاهم معهم وملسن بعد علشان يفكك  الي بروسهم 

يااخوان ماعندي احد هنا المشكله الوالد متوفي

هل يوجد لك اخ اكبر منك .. او خالك . او عمك خذ معك شخص كبير يتفاهم معاهم

والله يعينك

صلى ركعتين وادعي الله فيها واقرأ ايه ((أَمَّنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ ۗ أَإِلَٰهٌ مَعَ اللَّهِ ۚ قَلِيلًا مَا تَذَكَّرُونَ) [سورة النمل : 62]

وروحلهم وأن شاء الله يفكولك سيارتك 

يا اخوي مره حصلت لواحد من زملاي من خارج المنطقه ويدرس عندنا بيوم قابل تفتيش وحجزو سيارته بخصوص تباريز وتضليل والسياره مو بأسمه بأسم خاله 
حجزوها وثاني يوم اخذته ورحنا للمرور ودخل على الضابط لحاله وانا انتظرته برا 
دخل وقال للضابط الوضع اني طالب هنا وما عندي احد والسياره بأسم خالي الضابط الله يجزاه خير 
على طول كتب له ورقه وانه يستلم سيارته من الحجز بدون ما يسدد المخالفه ووديته للحجز واستلمها المخالفه تعديل على هيكل المركبه وراح الحجز بدون ما يفك التباريز والتضليل 
انت روح للضابط واشرح له وضعك وان شاء الله فيه الخير

قسم بالله ماالومك يارجال
التفتيش اللي بعد الهيئه الملكيه قسم بالله نشبة
لا والقهر فيه رجال كبار محترمين بس رتبتهم لك عليها ويجيك ورع توه متوظف ورتبته عاليه ويامر وينهي عليهم
قسم بالله سوالف صارت معهم ورجال كبار يقولون والله ودنا نمشيك لاكن مانقدر وهذا موجود
والبلشه انه ورع صغير لاكن نافخ راسه ماادري على ايش
الله يكون بعونك بس 

الله يعينك شوفلك واسطه 

بعض رجال الله يخارجنا منهم مرة كنت مسافر مع اخوي وجينا تفتيش العقلة ع طريق المدينة القصيم السريع
المهم عطونا مخالفة تظليل مع انه خغيييف جدا وبما اني مسافر ماكثرتها معهم لس عطيتهم كم كلمة من اللي يستحقونها وتركتهم

لس= لكن...........

ياطويل العمر إنشب لهم لا تطلع من عند اللي مسؤول عن السيارات المحجوزه

تراها طبيعته مايعطون وجه وشايفين نفسهم

إذا مره مره إدخل على مدير قسم المرور وأشرح له الوضع

قله أنا طالب ووالدي متوفي وانا أعول إسرتي وإذا لزم الأمر خرط عليه وترجاه

لان اللي أعرفه إن عدم حمل رخصه يعطى مخالفه ويمشي

أنا خابر واحد جلس سنين يسافر ومامعه رخصه وقد سافرت معه يعطونه مخالفه ويواصل طريقه

أنت إنشب لهم ترى هم يصرفون اللي يقدرون عليهم

يارجال جيتهم علشان خطاب 4 سطور أربع أيام كل يوم وانا ملازم عندهم حتى إن الله يسرها وطلعت هالكلمات

وبالغصب والشحاذه طبعتها وختمتها

ومثل ماقالو الشباب خذ معك اقرب شايب وباذن الله تتيسر

وإذا ما قدرت أنت لا تتركهم وتستسلم

وترى الحجز على حسب مزاج الضابط

كان علي مخالفه محجوزه  تحميل ركاب وعليها حجز بالكلام الطيب والترجي رحنا بدون حجز

وعسى الله ييسر لك

والواسطه عند ربك