أفضل طريقة لشراء سيارة جديده

إذا عندك كاش خذ ولا تشاور وإذا على التأمين تقدر تامن شامل بالسنه من 1500 إلى 2500 انا سيارتي قيمتها ب 59000 وقالو لي يكلف التأمين 1600 

كاش والتأمين كل 30 ألف سعر التأمين الشامل الف ريال

يكفي أنك السياره لك

إذا عندك استطاعة فالكاش أفضل
إذا تبيها أقساط 
تأخذها تم يل شخصي من بنكك بنسبة ربح قليلة
و تشتري السيارة و تأمن عليها ب ١٥٠٠ بالسنة و متى ما بغيت تبيع تدل السوق

التأجير المنتهي بالتملك أنا أسميه التأجير المنتهي بالفلس
السيارة اللي ب ١٥٠ ألف كاش تطلع عليك ب ١٨٠ !!

اكيد الكاش افضل

لما تطلعها تقسيط يزيد السعر وغير كذا ممكن تجيك فتره ما يكون عندك فلوس مثلا بدأت في مشروع وعليك قسط سيارة بتنكبك

إذا الفلوس موجودة وهناك استثمار مجدي لها فاستخدم الكاش في الاستثمار وطلع السيارة اقساط

أما إذا عندك الكاش وتخاف تضيعه كيش السيارة أفضل
والاستخارة هي الأساس ان كنت محتار

والله ماكثرة الهمجيه في الشوارع الا  من بعد التامين والسياره مو لك للشركه 

اذكر من اول المديل الجديد ينزل ويقعد سنه وبعد سنه يشتري الواحد ويدسها سنه وبعدها يبدى يستخدم السياره 

اما اللحين الورع مطلع سياره ويهايط بها ويفحط ويساقط ويصدم واليوم الثاني سياره جديده عند البيت والله المستعان 

عندك وكالة العيسى عندهم عرض تدفع نص قيمة السيارة وتقسط الباقي على سنتين بنفس قيمة الكاش

نظام جدا ممتاز انا توي جاي اليوم من عندهم

مايبيلها كلام يا الغالي اكيد الموتر وهو كاش وباسمي احسن لي واريح لي ، يكفي اني لابغيت ابيع ولا ادق سلفي واطلع برا المملكة لين استمارتي في مخباي والفلوس اللي ببيع بها الموتر كلها لي محد له علاقة

وثانيا وش الله حادك كل شهر يطير من راتبك مبلغ وقدره هذا غير الدفعة الاولى وغير الدفعة الاخيرة تقصد الى 6 سنوات مع الدفعة الاخيرة وان جيت تبيع رحت تدور لك احد يتقبله وينطل عليك 5 ولا 10 الالف ويقول لك توكل وهو يكمل الاقصاد وتصير كل الفلوس اللي دفعتها طول الفترة عبارة عن موتر اجار مهب ملكك حتى الدفعة الاولى بتفقد نصها

هذا غير خربطة التفويض الداخلي والخارجي وش الله حادك ، الايجار المنتهي بالتمليك هي اداءة نصب واحتيال اخترعوها الوكالات والبنوك عشان يضمنون حقهم في حال انك ماسددت هذا غير الفوايد اللي تتراكم عليك سنة بسنة

بعكس الموتر اذا شريته كاش ممكن حتى يطيحون لك من قيمة السيارة لأنك مكيش

تقبل مروري واتمنى افدتك بالتوفيق