تنبيه اثناء بيعك سيارة

سؤال يا جماعة بيع المكرفون حلال أو حرام ؟؟؟؟؟

شف ياسنايبر ، حنا مناب مشايخه عشان نفتي نقول انه حلال او حرام فهمت علي لكن انا عندي تحليل بسيط بنيته على مادرسناه في الفقه ونسبة 80% تحليلي يعتبر صحيح

بمعنى ، الاصل في كل شي الحل بمعنى حلال مالم يكون فيه غش او تدليس او تزوير الخ ...

يعني اوكي بع موترك تحت المكرفون لكن اذا انا اعرف انه فيه مشكلة في الرديتر يهرب ولا فيه صوفة ولا فيه مكيف يفصل ولا فيه رفرف مرشوش ، اقولها له قبل ما يشتري وقبل ما احرك انا وياه من الساحة ، عشان ابري ذمتي كل شي اعرفه بقول له

لكن للاسف الحين اغلب الناس اللي موتره منهبل وجايه رشوش ومتقلب ومكينتها تدخن يجي واحد من اخوياه يقول ماعليك نمشيها لك في الحراج وانت اذا قالوا لك قل ايه طبعا ما اتكلم عن الكل انما البعض ولكن بنسبة 80 %

يعني تجي تقول له هاه وشلون الموتر فيه كذا يشتكي من كذا يقول لك افحص ولا شفه قدامك مافيه شي وهو مخفي العلة

وبعدين لو نرجع للجد مافيه احد يثق في موتره وعارف انه نظيف يرضى انه يوقف تحت مظلة حراج ، لأنه مايوقف الا التعبان والمنتهي يعني لو موتري نظيف ليش اروح انزله الحراج تلقاني ادور به في الساحة وهو معي وانزله موقع حراج لين يجي زبونه واخليه يفحص وقدامي عشان اثبت له الشي هذا

اما مسألة سكر في مويه ذي ، انا اعتبرها من ناحيتي حرام لأن مافيه احد باع موتره سكر في مويه الا وهو عارف بعلة معينة موجودة فيها ياحرارة يا يا الخ .. الا من رحم ربي ويمكن ذولي 5 %

تقبلوا مروري

طبعا هذه حركات الشريطية يركب معك ويستغفلك لانك مادفعت عربون ... فلا تتحرك من مكانك الا الفلوس بيدك ولايهمك ماتسمع . وانصح اخواني قبل تبيع سيارتك انزل للمعارض الجمعة السبت واكسب خبرة وتعرف على الشريطيه بالوجوه المخفية وراح تشوف العجب.

الي بيشتري من الحراج هو ونصيبه تقدر تقول سكر فمويه وانا الان ابشتري سيارة من حراج جدة لكن ربنا يعين.

شوف اخوي سنايبر زي ماقال لك الأخ ابراهيم هو ممكن يكون حلال و ممكن حرام حسب النيات و الغش والكذب ..الخ
فما نقدر نقول حرام مجملاً

بالنسبة للأخ ابراهيم من قال لك ان صاحب السيارة بس يقدر يغش او مايقول خرابات موجوده في السيارة؟ هو اصلاً في كل الأحوال رح يجيه سوم بخس في الأرض يعني مايحتاج تناقش الموضوع وتقول الخرابات هههههههه

للاسف اصبح الغش وارد وبيع المكرفون تحصل اللي يتساوومن عليها من الشريطيه اخويا بعض حتى تطيح بزبون المسكين الاغلب وليس الكل واتكلم من الواقع واللي يبي السياره النظيف يذهب الى المواطنين اللي تحصلهم بسياراتهم وهو وذمته يقول في سيارته والله الموفق

حصلت معي قبل شهرين تقريباً عندما أردت بيع سيارتي 
ويأتي ذلك الشخص المسكين الي ضروفة تعبانة ويبي سيارة يستخدمها
وداق اللطمة وواضح إنه نصاب ومع ذلك جارته 
واتفقنا أن السيارة يأخذها على الفحص إذا طلع فيها شي معيب أتحمل قيمة الفحص
ويبدأ يطلب مني النزول حتى يجرب السيارة قلت من أبسط حقوقك 
عطني 500 ريال عربون ونطلع من المعارض ونتوكل على الله 
كأني صفقته على وجهه قام يتعذر ما معي شئ بعطيك بعدين خلاص شريت 
خذ رقم جوالي ومدري وشو المهم عرف إني بأنشب لوالدينه لو مسكت عربون
وحط رجله قال شوي وبجيك ولا عاد شفته 
والحمد لله بعتها بأكثر من المبلغ إلي نويت أبيعها له 

شكرا لك اخ ابراهيم
نصحوني الشباب ابيع سيارتب تحت المكرفون تجيب اكثر وهي فيها مشاكل
بحجة اني اللي يشتري يعرف انه يشتري كومة حديد
وانا ماني مقتنع

والله انا قبل فتره بعت لي سياره علي شريطي صاحب معرض 
قام يقلب الموتر والموتر نظيف قال بجرب سواقته قلت حط عربونك وتعال جرب 
يوم قلت له حط عربونك بطل من سواقتها ومع ذلك اشتراها بدون مايسوقها ويجربها 

طبعا النصيحه هذي قريتها قبل فتره في المنتدى هذا وصارت قاعده عندي تبي تجرب حط عربون 500 وتوكل على الله 

الحراج انت وحضك مرات تطيح بسيارة 
تطلع الشيب براسك ومن تطلعها من المعرض للصناعية وتحط اللي وراك ودونك ولا تظبط وتبيعها بخسارة 
ومرات تلقى واحد محتاج ومستعجل على بيع سيارته 
وتلقاها نظيفة اذكر قببل 11 سنه تقريبا ايام اكتتاب البلااد 
بعرعر انا وابوي مرينا حراج السيارات الا فيه جمس موديل 93 يحرجون عليه وراعيه باعه بـ 26 وابوي جاء للي شرا وقال له انا اشتريه منك بمربح 500 ووافق الرجال المهم راعي الجمس يوم نزل يقول بصوت واطي ووالله نضيفها السيارة وكأنه متحسف على بيعتها المهم سأله ابوي اذا فيه شي بالسيارة علمني عشان نصلحه وحلف ان السيارة مابها شي وثاني يوم وديناه لميكانيكي ويوم نزل بالجوره عشان يشوف اذا فيه تهريب صوفه ولا شي 
يوم طلع الميكانيكي يضرب يد بيد ويصفرههههههه قلنا السيارة بها بلاا  الا ييقول السيارة وكالة 
شد بلد مانفك منها المسمار وفعلا السيارة شد بلد وهي تحت المقرفون والرجال باعه عشان الاسهم وبعد شهر بعناه بـ 37 
الشريطيه لعبو براس ابوي ويقولون موديله قديييم 
وبعد مابعناه رحنا للرياض ندور جمس نظيف الا الجموس اقل شي بـ 50 الف وحنا بعنا جمسنا بـ 36 وربحانين بعد ههههههه
وقتهها شرينا كم جمس من عرعر بـ 26 و 30 وبعناها بالرياض بـ 60 و55 ماعليش طولت عليكم كاتب موضوع مهو تعليييق هههههه سلاااام 

شوف ياغالي اذا جات سياره تحت المكرفون تابعها من بعييد وتفحص واجلس تابع مو شرط انك تزايد وشوف كم توصل له السومه واذا باقي داخله راسك السياره تعداه والقاه قدام بعيد عن المكرفون وتفاهم معه على السعر اللي تبيه وتفحص على راحتك وسلامتك

اخوي شكلين

الكلام مو عن قيمة الحراج لو انا رح ادفع الـ 300 لو السيارة باقية في راسي وهذا حق لهم

لكن الكلام عن العربون مايركب معك ويقول اتقفنا الا و عربونه قدام وسلامتك

ولايك للجمــيع