مكينه لكززes خبطت عطوني رايكم

التظيب مايصلح اوبالاحرى مايضبط في مكاين التويوتا الي هي نفسها نفس الاوريون والافالون كلها فس الماكينه هذي سلملك الله شوفللك ماكينه حقت اورريون موديل جديد 2012 ماشيه قليل تشتريها بال11الف بالكثير تكون شد بلد وازبط للك ترتاح التوظيب ماعندك صنايعيه يضبطونه

والله مدري محتار ناس تقول وضب لان مكينتك وعارفه وبالنسبه لي والله نضيفه جدا واغير القطع التالفه بجديده 

ماعليك من هالسباكين.
ماقي ميكانيكي يقدر يعطيك نوع القطع الي تحتاجها الا بعد مايفك المكينة.
لايضحكون عليك هالنصابين

والله انك صادق انهم سباكين لاكن الي عنده اسم ورشه بالرياض فنان  يعلمني 

رح للصناعيه القديمه ودر عليهم وكل واحد بيعطيك علم ومن كلامهم بتعرف وش الخراب الي بموترك

ياصاحبي نصيحتي لك لاتوضب المكينه المنيوم وصدقني مابترجع مثل اول
انصحك شفلك موتر مصدوم والمكينه عليه لاتاخذ من الي عارضينها في الورش
وترى مكينة الافالون والاوريون نفسها بالتمام 

ابحث في موقع حراج 
مركز لكزس التخصصي عنده قيور ومكاين مجددة عليها ضمان شهر واسعاره احسها جدا مقبولة

اخوي حبذا 2008 es 350 ومكينتها نفس مكينة الافالون والاويون تماما ولاتختلف

مكينة اوريون وافالون قيمته 7000 -8000 ريال

التوضيب مشكله وخسارة والعمالة اللي توضب غادرت البلد ولا باقي غير السباكين

اخوي مركب مكينة افالون وسيارته 2008 350 لكزس واشتراها 7000 ريال موديل 2009 ومن اروع ما يكون

ياصاحبي انصحك لوجه الله ومن باب المنفعه لك

اقول لك لاتوضب ابدا ابدا ابدا اتحدى اي مكينه تزبط بعد التوضيب في كل السيارات عموماا

لأن ماعندنا مهندسين متخصصين كلهم سباكين وعليميه يتعلمون من بعضهم

ولا يعرفون يوزنون حتى عامود الكرنك له وزن دقيق 

اسمع كلامي ودور لك مكينه نظيييفه وممشاها قليل ويضمنها لك هذا اهم شي

وثاني شي نوعية الزيت ورقمه مهم جداا السيارات الجديده مايناسبها الزيوت القديمه والثقيله ابداا

لو توضب تطيح لك في مشاكل ضعف عزم وحراره وتهريب زيوت وانت في غنى عنها

خذ مكينه من التشليح تحت الضمان ونظيفه وممشاها قليل افضل واريح واوفر لك

وخبرنا وش يصير معك وبالتوفيق.. 

شف البلاد حق قطع لكزس صح جلادين ولكن احس بضاعتهم نظيفة ويعطونك ضمان اما التشاليح سكر في موية ماتدري خيرها من شرها 

جزاكم الله خير بعيد النضر في شراء مكينه افضل بس الي يعني كنت متوقع ان عموع الكرنك والسبايك امره سهل لاكن شكلها شغلتها شغله وبمر كذا مهندس وبشوف في النهايه كيف جزيتم خيراا

وش يدريك انها مكينه احتمال تكون اصوات العكوس لانها دفع امامي سيارتك وصارت معي في هوندا اكورد ٩٩ صوت قربعة تحس المكينه تطحن نفسها واخرتها طلعت عكوس

والله يالغالي ان اشك ان الموتر يبي له توضيب لان الموتر جدييييييييييييييد وممشاه قليل يعني لو قلت موديله 2004 يمكن اقول يبي له توضيب 

تبي نصيحتي شيك على طرمبة الزيت ترا الطرمبة لو كانت ضعيفه او خربانه تطلع صوت قربعه في المكينة وهذي حصلت معي في كامري وبعضهم يقول توضيب لكن سبحان الله مشيت عليها يمكن نص ساعه وانقطع السير علي 

وانكسرت الطرمبة حقت الزيت وطفى الموتر وانا قلت بس خبطت هههههههه

بس سبحان الله رحت غيرت طرمبة زيت وطربمة موية وسير وبفضل من الله راحت القربه اللي في المكينة وصوتها صار هاديء ما ينسمع وبعتها ونسبة مكينتها 96 في الميه ماشاء الله وللعلم الموتر ماشي اكثر من 400 الف 

يعني انصحك تصبر وتروح كذا ورشه لين تتأكد مو على طول تغير المكينة او توضب 

وحتى لو صار الخلل فعلا من العمود والسبايك خلاص لا توضب 

غير مكينة مثل ما قالوا الاخوان احسن لك واضمن 

بالتوفيق ان شاء الله واتمنى اني اكون افدتك واتمنى بعد تشيك على الجنزير 

بس بسألك انت تغير زيوت من البناشر ؟؟؟؟؟؟؟؟؟ اذا جوابك نعم فالله يعينك شكلهم جابوا العيد في موترك 

ياما نصحنا لكن الله يصلحكم بسسسسسس 

http://haraj.com.sa/114120096/**4120096**5073946


شوف هذا الموضوع

اذا انت من جده كلمني هذا رقمي 0567337788

يا الغالي انا قد قريت عن نفس المشكلة وأكثر الردود كانت حساس كرنك الظاهر فأنت تأكد منه 

وأذا طلعت المكينة يبيلها توضيب نصيحة ﻻ تشتري اﻻ مكينة راكبه على موتر ﻻنهم ياخذون مكينتك ويوضبونها شغل تجاري ويبعونها عليك ويقول لك توني فاكها من السيارة ومن ذا الكلام ﻻتصدقهم وﻻ تصدقه يوم يقول لك ان السيارة موديل 2011  على طول رح شف الكرت اللي يجي في طرف الباب مبين فيه تاريخ الصنع

نعم لاتخاذ إلا مكينة راكبه.ع السيارة وظائف رقم الهيكل مع السيارة
لأن.الرجيع يتوضب ويقولك مكينة مستعملة