أضف سؤال أو موضوع جديد          

استشاره اتمنى الجميع يتفضل

up 2 down 0
وسم 6wasm 1178
قبل 7 سنه



يسعد صباح الجميع شباب  وشياب اعضاء و زوار

ابغى مشورتكم ولا خاب من استشار 

اولا : باسات 2003 فل الفل 

كيف استخدام السياره و كيف القطع و كيف الصيانه 

وهل تناسب السفريات بعد كل يومين و ثلاثه 600 كيلو 

وكم السعر المناسب ل موديل 2003 النظيف اللي ما بعده 

و اذا ما تناسب السياره في ايش تنصحوني بسياره في حدود 15000

اتمنى من الجميع المشاركة و ابداء الرأي ﻷهمية الموضوع 

وفق الله ااجميع ...







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


باسات 2003 الموديل هذا كلها بالتشليح اللحين ما فيه شيء منها يمشي بالشارع 
15 الف تجيب لك ماكسيما او الاريح منها لومينا 2006 LTZ فل كامل
او ممكن مرسيدس ابو عيون حلو بالسفر 
ممكن مازدا زووم 6 موديل 2006 او 2007 ممتازة


بالسعر اللي معك ما راح تلقى موتر نظيف موديل جديد 

نصيحتي لك دور فكتوريا او ماركيز 98 او 99 اهم شيء محركاته نظيفه يعني قير ومكينة ودفرنس اذا هذي سليمة ولا فيه نقص عز الله انك شريت موتر

ويتحمل الخطوط الطويلة واصلا هو مخصص للخطوط بحكم حجم المحرك يعني تمشي 140 تلقى الار بي ام على 2 ههههههه 

طبعا اتكلم عن تجربة وليس كلام احد اخر 

بالتوفيق


up 3 down 0
camry grandi 99 7274
قبل 7 سنه



باسات و ٢٠٠٣

صدقني بعد كل يومين و ثلاثة تكنسل السفرية و تداوم بالصناعية 


up 1 down 0
أبو جـود 2747
قبل 7 سنه



ماقد شفناها بالشوارع 


up 1 down 0
abdulaziz al-malki 981
قبل 7 سنه



جزاكم الله خير يابو عبدالعزيز ويابو جود اخذنا بشوركم وبطلنا من الباسات 
والاخ كامري قراندي حطيت الفكره براسي لكن ننتظر بقية الردود 


up 0 down 0
وسم 6wasm 1178
قبل 7 سنه



سيارة ماتشوفها في الشارع لاتبيها


up 0 down 0



صحيح كلام بريق الرياضض

اخوي دور لك من السيارات الصغيره للاستخدام بالبلد 

صني اكسنت ريو وقير تماتيك ومكيف سو صيانه بالفين ريال وارتاح خمس سنين

 وارتاح من الباسات سياره بتشغلك بعمررك ويمكن ماتلقى اللي يعرف يشتغلها ولاتحصل قطعها بسهوله


up 1 down 0
منخشق 674
قبل 7 سنه



هلا بك اخوي منخشق الله يحفضك اولا اعتذر ياشباب اللي يحتاج السياره خالي وهو اللي كان يرد عليكم لان الحاجه له الا انا عندي سياره ولله الحمد وهو بعد عنده سياره لكن هايلكس ويقول كسرة ظهري وهو وانا اخوك يبي سياره للخطوط حط في راسه فورد لكن ما اقتنع وحب يستشير ف وش رايك بايش تنصحه بسياره للخطوط كل يومين ثلاثه 600 كيلو


up 0 down 0
وسم 6wasm 1178
قبل 7 سنه



أصلاً مدري وش الباسات 

لكن ب15 أنسب شيء سياره صغيره

لا تبعد عن الإكسنت نصيحه

لا تاخذ سياره قطعها غاليه او تهريك خرابات

وإذا تبي سياره ثقيله خذ فورد


up 1 down 0
ألو مرحبا 1895
قبل 7 سنه



افالون يوكن تاهو لاند كروزر فورد ماركيز توريس اكبديشن هذي كلها سيارات مريحة بالطريق


up 0 down 2



حبيبي لو يزودها شوي وياخذ فورد نظيييييييف صدقني اولا ينسی الصناعية وثانيا صبور وعملي وثالثا في السفر مرييييييييييح جدا وعن تجربه وكد ومد وسفريات 


up 1 down 0
ابوخلوودي1 5070
قبل 7 سنه



لو حصلت كامري 98 او كورلا 2003 وحوليها كويسه راح تخدمك اما الباسات ماراح تلقی له قطع غيار راح تتعبك الفورد  خيار ممتاز جدا


up 0 down 0



15 الف تجيب لك فرخ شبح 
كامري  
فورد حالته جيده 
كابرس صابونه 
الباسات مالها قطع الا بالوكالة ويمكن طلبيه بعد  


up 0 down 0
i6rb_ 160
قبل 7 سنه



ابو عبد العزيز قال لك ابو عيون 
نصيحه ﻻ تاخذه خربات تشيب راسك


up 0 down 0
i6rb_ 160
قبل 7 سنه



وبيني وبينك 
15 ما تكفي 
خل العيله تقط وتجمع 15 ثانيه 
30 الف تجيب لك كامري 2005 حق كرف
فورد حالته ممتازه
مرسيدس شبح 500 
لكزس 400
مرسيدس 560
لنكون تاون كار
مرسيدس شبح كوبيه 600 اذا يهمه الشكل
كامري 2009 
والله سيارات كثير بالسعر 
وكلخا  ممتازه 


up 0 down 0
i6rb_ 160
قبل 7 سنه



ابي اعرف الشباب ليه حاطين العقدة بالمنشار؟؟15الف تجيبلك احسن سيارة ان شاء الله عندك كرولا 2004-2005 اكسنت2007-2008 صني نفس موديل الكرولا واجدد شوي اهم شي دور تمام ولاتستعجل تحصل نظيف باذن الله وبالتوفيق لك اخوي


up 0 down 0
aameer altayeb 149
قبل 7 سنه



اخوي اسف على التاخيررر

انا احس خالك يبي سياره كشخه ومريحه ورخيصه بنفس الوقـت وفوق كذا يبي سفريات علييها 

السيارات الصغيره ربما تكون متعبه مكاينها ضعيفه شوي بس تريحك بالمدينه والبنزين وتقدر تىسافر عليها 



انصحك اجل بمكسيما سياره مناسبه وخططوط وكل شئ بس انها خطيره شوي لانها طياره ومهنا رساوه

شوف مديل 2005 وفوق

عندك السيفيك من هوندا حلوه جدااا 

عندك اللنكون

عندك التيما من الشكل القديم 

بس تكفى ابعد عن الباسات 


up 0 down 0
منخشق 674
قبل 7 سنه



نصيحتي لك كتالي 
كامري موديل 95 96 97  قطع غيار اصليه رخيصه 
في الخط لابأس بها علی قد لحافك مد رجولك 
وهذي نصيحتي لك 
وشكرا 


up 0 down 0
موادع الديره 7
قبل 6 سنه و 12 شهر