استشاره اتمنى الجميع يتفضل

باسات 2003 الموديل هذا كلها بالتشليح اللحين ما فيه شيء منها يمشي بالشارع 
15 الف تجيب لك ماكسيما او الاريح منها لومينا 2006 LTZ فل كامل
او ممكن مرسيدس ابو عيون حلو بالسفر 
ممكن مازدا زووم 6 موديل 2006 او 2007 ممتازة

بالسعر اللي معك ما راح تلقى موتر نظيف موديل جديد 

نصيحتي لك دور فكتوريا او ماركيز 98 او 99 اهم شيء محركاته نظيفه يعني قير ومكينة ودفرنس اذا هذي سليمة ولا فيه نقص عز الله انك شريت موتر

ويتحمل الخطوط الطويلة واصلا هو مخصص للخطوط بحكم حجم المحرك يعني تمشي 140 تلقى الار بي ام على 2 ههههههه 

طبعا اتكلم عن تجربة وليس كلام احد اخر 

بالتوفيق

باسات و ٢٠٠٣

صدقني بعد كل يومين و ثلاثة تكنسل السفرية و تداوم بالصناعية 

ماقد شفناها بالشوارع 

جزاكم الله خير يابو عبدالعزيز ويابو جود اخذنا بشوركم وبطلنا من الباسات 
والاخ كامري قراندي حطيت الفكره براسي لكن ننتظر بقية الردود 

سيارة ماتشوفها في الشارع لاتبيها

صحيح كلام بريق الرياضض

اخوي دور لك من السيارات الصغيره للاستخدام بالبلد 

صني اكسنت ريو وقير تماتيك ومكيف سو صيانه بالفين ريال وارتاح خمس سنين

 وارتاح من الباسات سياره بتشغلك بعمررك ويمكن ماتلقى اللي يعرف يشتغلها ولاتحصل قطعها بسهوله

هلا بك اخوي منخشق الله يحفضك اولا اعتذر ياشباب اللي يحتاج السياره خالي وهو اللي كان يرد عليكم لان الحاجه له الا انا عندي سياره ولله الحمد وهو بعد عنده سياره لكن هايلكس ويقول كسرة ظهري وهو وانا اخوك يبي سياره للخطوط حط في راسه فورد لكن ما اقتنع وحب يستشير ف وش رايك بايش تنصحه بسياره للخطوط كل يومين ثلاثه 600 كيلو

أصلاً مدري وش الباسات 

لكن ب15 أنسب شيء سياره صغيره

لا تبعد عن الإكسنت نصيحه

لا تاخذ سياره قطعها غاليه او تهريك خرابات

وإذا تبي سياره ثقيله خذ فورد

افالون يوكن تاهو لاند كروزر فورد ماركيز توريس اكبديشن هذي كلها سيارات مريحة بالطريق

حبيبي لو يزودها شوي وياخذ فورد نظيييييييف صدقني اولا ينسی الصناعية وثانيا صبور وعملي وثالثا في السفر مرييييييييييح جدا وعن تجربه وكد ومد وسفريات 

لو حصلت كامري 98 او كورلا 2003 وحوليها كويسه راح تخدمك اما الباسات ماراح تلقی له قطع غيار راح تتعبك الفورد  خيار ممتاز جدا

15 الف تجيب لك فرخ شبح 
كامري  
فورد حالته جيده 
كابرس صابونه 
الباسات مالها قطع الا بالوكالة ويمكن طلبيه بعد  

ابو عبد العزيز قال لك ابو عيون 
نصيحه ﻻ تاخذه خربات تشيب راسك

وبيني وبينك 
15 ما تكفي 
خل العيله تقط وتجمع 15 ثانيه 
30 الف تجيب لك كامري 2005 حق كرف
فورد حالته ممتازه
مرسيدس شبح 500 
لكزس 400
مرسيدس 560
لنكون تاون كار
مرسيدس شبح كوبيه 600 اذا يهمه الشكل
كامري 2009 
والله سيارات كثير بالسعر 
وكلخا  ممتازه 

ابي اعرف الشباب ليه حاطين العقدة بالمنشار؟؟15الف تجيبلك احسن سيارة ان شاء الله عندك كرولا 2004-2005 اكسنت2007-2008 صني نفس موديل الكرولا واجدد شوي اهم شي دور تمام ولاتستعجل تحصل نظيف باذن الله وبالتوفيق لك اخوي

اخوي اسف على التاخيررر

انا احس خالك يبي سياره كشخه ومريحه ورخيصه بنفس الوقـت وفوق كذا يبي سفريات علييها 

السيارات الصغيره ربما تكون متعبه مكاينها ضعيفه شوي بس تريحك بالمدينه والبنزين وتقدر تىسافر عليها 



انصحك اجل بمكسيما سياره مناسبه وخططوط وكل شئ بس انها خطيره شوي لانها طياره ومهنا رساوه

شوف مديل 2005 وفوق

عندك السيفيك من هوندا حلوه جدااا 

عندك اللنكون

عندك التيما من الشكل القديم 

بس تكفى ابعد عن الباسات 

نصيحتي لك كتالي 
كامري موديل 95 96 97  قطع غيار اصليه رخيصه 
في الخط لابأس بها علی قد لحافك مد رجولك 
وهذي نصيحتي لك 
وشكرا