أضف سؤال أو موضوع جديد          

قصتي في حادث صار لي انا وولد عمي .. الحمد لله على كل حال ..

up 13 down 0
Abu Tariq 16 1086
قبل 7 سنه



السلام عليكم اسعد الله اوقاتكم بكل خير
قصتي اليوم عن حادث صار لي انا وولد عمي ولله الحمد سلمنا ولم يصيبنا اي مكروه ولله الحمد والمنه
الكلام هذا حصل قبل اسبوعين وهذي القصه باختصار:-
طلعنا يوم الخميس بعد الظهر بنشتري غداء في مدينه جدة وتحديدا بشارع قريش بجانب المنزل داخل الحي
وصلنا تقاطع وقف ولد عمي ناظر يساره ومشى توه حرك والقط صاحب الاكسبديشن داخل اللفه ع سرعه ومتجه علينا بسرعه يادوب قلت لولد عمي انتبه انتبه !! الا والصدمه حصلت بأقل من نص ثانيه الصدمه من جهتي انا الراكب السيارة رينو فلوانس 2011 مطلعها ع يده هو طالب بكليه الطب ثاني سنه له ..
المهم من قوه الحادث خبط راسه بالكتف ورجع علي وخبط راسي براسه حسينا بوقتها صداع فظيع الحمد لله ماجانا شئ انا بس جاني خدوش من اثر القزاز باليد بسيطه جدا وهو كذالك في رجله الحمد لله ان القزاز كان مظلل الا كان انتشر علينا انا اول ماشفت الاكسبديشن متجه علي واجود نفسي واتمسك باليد الي بالسقف المهم زحفت السيارة مسافه بسيطه نزل ولد عمي وانا نطيت لباب السواق فيك شئ جاك شئ قال لا بس صداع قلت الحمد لله واروح لصاحب الاكسبديشن جاك شئ الي معاك جاهم شئ معاه عائله السيارة مليانه قال لا الحمد لله
قلتله طيب سلامات وش فيك طاير وداخل التقاطع ع سرعه قال اليوم انا معصب وطحت بزحمه وانا توي جاي من المدينه قلت خير ان شاء اتصل ع المرور بس وقعدنا ساعه الا ربع لما ردوا علينا وانتظرنا نص ساعه وصل العسكري خطط الحادث وكل شئ قال اتجهوا ع القسم طيب الخطأ ع مين قال انا ماحدد الي يحدد الضابط بالقسم قلنا خير ان شاء الله المهم جات سطحه شالت السيارة وصاحب الاكسبديشن عشق واتجه ع القسم سيارته تمشي مافيها الا الدقه بالامام وسيارة ولد عمي طاحت والله ماعاد تتحرك .. المهم وصلنا القسم قال العسكري من دخل التقاطع اول قال ولد عمي انا كرر السؤال عليه قاله انا يابن الحلال قال اجل الخطأ عليك وعليه 50% ياحبيبي هو داخل التقاطع ع سرعه قال مره عليك وعليه والضابط لا حضر الحادث ولا شاف الصور حكم كذا من راسه لاكن الحمد لله ع كل حال طلعنا لمدير مرور جدة قال هذا النظام لو الصدمه من جهه باب الراكب الخلفي كان الخطأ عليه 100% لاكن الخطأ الان عليك وعليه قلنا له خير ان شاء الله فيه ظلم والله انا وش ذنبي يوم يعصب ويصدمني .. المهم رحنا قدرنا السيارة وطلع التقدير 30 الف اغلى من قيمتها مستعمله والرجال قدر ب 14 الف المهم حسبنا الصافي لولد عمي 7500 ريال وان شاء الله تقوم السيارة حصلنا وحده زيها بالتشليح وشرينا جنب كامل بمبلغ طيب وبندخل السيارة الورشه الاربعاء .
هذي قصتي يااخوان وانتبهوا من التقاطعات ركزوا زين وناظروا زين وعليكم بالبوري لان ماتدري لو قدر الله طلع لك واحد مستعجل ولا معصب زي خوينا ماتدري وش يصير لحظتها ..
اكرر شكري لربي واحمده انه سلمنا من الحادث .
تحياتي لكم .
http://im51.gulfup.com/wJ50Wv.jpg
http://im51.gulfup.com/2LAmqz.jpg
http://im51.gulfup.com/JZ13TR.jpg
http://im51.gulfup.com/Mi6UPT.jpg
http://im51.gulfup.com/WMmHJv.jpg







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يابن الحلال الحمدلله على سلامتكم

ثاني شي الرجال صادمكم من اليمين وهذي واضحة الغلط عليه مية بالمية بس انتم الله يهديكم ماجلستو فوق روسهم

لكن في الحديد ولافيكم


up 0 down 1
coco13 893
قبل 7 سنه



الله يسلمكم والحمد لله على كل حال..
ان كان ظلمونا فالله يجعلها بذمتهم الى يوم الدين.


up 0 down 0
Abu Tariq 16 1086
قبل 6 سنه و 12 شهر