ماهي اخطار غيار زيوت القير و الدفرنس في البنشار او بترومين؟

بيض الله وجهك ،، والله يعوضك خــيراً ..

معروف الكلام هذا 
القير مايتغير الا بالوكالة

المشكلة ان الوكالة يقولون مانضمنه لك حقنا ضايع بهالديره ويجيك الحين واحد مطفي يقول امن وامان 

وين الامن والامان وانا يوكل حقي ولا اقدر اسوي شي

الوكالة والبناشر نفس الشي لأن الوكالة يغيرونه على مسئوليتك 

اخوي زيت الدفرنس مايتغير اكبر خطا انك تغيره ان بغيت تشيك وتزيد النقص مايضر اما تغيره لااااا وزيت القير العادي كذلك على عكس الاوتوماتيك 

زيت الدفرنس اعرفلك كذا ناس موترها لها معها فوق ١٠ سنوات مايغيروها وضعها تمام 
زيت القير يزاد فقط وبالنسبة لرد اخوي ابو ناصر الوكاله اذا ما ضمن لك انه بعد مايغيرون 
الزيت اكيد عندهم خلل او تلاعب لكن اللي ما يضممنه لك كلم وزارة التجارة وشوف وما اقول الا 
حسبي الله علئ من حط النظام اللي يخلي عبد اللطيف جميل يحتكر توريد سيارات تويوتا 

يارجل أنا عندي قناعة إني ما أغير زيت الدفرنس والقير العايدي

كان معي جيب موديله 91 

خذيته بداية اعوام ال2000

بعته عام 2010 

عداده واقف وأظن انه ماشي مليار ولا عمري غيرت زيت الدفرنس وما خرب علي نهائياً

والقير كان مثل الحلاوة تعشيقاته وماشكيت من القير نهائياً لكن قد غيرت زيت القير بسبب صوفه

ولاهنت ويعطيك العافيه وأنا أضم صوتي معك لا تغير زيت الدفرنس نهائياً او بالوكاله على الاقل

انت الي خربت سيارتك بنفسك وغيرت الزيت زيت الدفرنس مايتغير القير مومشكله الدفرنس يتكمل الزيت فقط لاغير اذا نقص وانت غيرته وقاعد تلابش في العالم تشتكي وزارة التجاره ياخي من حق الوكاله ترفض اش دراني يمكن حاط زيت عافيه ولااي هباب في سيارتك وجاي تشتكي سيارتي خربت معليش اخوي ماللك حق تطلب من الوكاله شي

الظاهر صاحب الموضوع يحذر من تغيير زيت الدفرنس وماهو قاعد يتشكوى لنا

ولا انا فاهم غلط

زيت المكينه بترومين  لكن زيت القير  ورشه ممتازه وزيت الدفرنس برضو ورشه ممتازه لاتغيره في بترومين بترومين كذابين يحط لك زيت عيار90 ثقيل على سياره 

 الافضل تاخذ زيت دفرنس مناسب لسيارتك من وكاله وكذالك زيت القير 

طيب اذا هربت صوفة الدفرنس امشي بدون زيت يعني ؟ لابد اني احط زيت

ابو ناصر احمدربك  ولله لو اوديك للعراق كان عرفت النعمه اللي انت فيها

وشدخل الانظمه بالامن والامان!!كلنا نعرف ان انظمتنا ودوائرنا ماشيه بالبركه 

وبعدين الوكاله ماتضمن تغير زيت الدفرنس هذا دليل انه مايتغير اذا نقص تزيده فقط

طيب يا سيد يامحترم اذا هرب الزيت من عند الصوفه وش اسوي ؟ اكيد ابحط زيت جديد

وبعدين كله بفلوسنا ببترولنا وش يودينن للعراق وانا جدودي هنا من يوم هي فقر وجوع

لك لايك يالسيد المحترم 

انا غيرت زيت الدفرنس للفورد في بترومين وتوقعت تطلع ونه وكذا 
لكن ما شالله تمام جدا وما فيه صوت   ومشيت على زيت الدفرنس اكثر من 40 الف كيلو 
ولا طلعت ونه ولا شي ..

تنصحوني أكرر نفس الشي المره الجاية ولا ازيده بزيت اصلي اذا نقص ؟

الله يخلف عليك خير
مجرد معلومة زيت الدفرنس لا يغير الا عندما تكون السيارة دائما استخدام شاق 
الاستخدام الشاق للدفرنس يعني محمل حمولة كبيرة عليها والدعسة على اخرها ودايما كذا .. كذا يحتاج تغيير
اما تحميل طبيعي ومشي طبيعي فهو يقعد مدى الحياة
لكن بالاضافة انه اذا غطس الدفرنس بالماء يحتاج تشييك اذا سال الزيت مره يحتاج تغيير ...

اهم شي نوع الزيت بعد التغيير يكون مطابق للمواصفات

يابو ناصر 
انت تقول وين الامن والامان  ودخلت سالفة الزيت بالامن والامان
وهذا غلط  انا معك ان انظمه تحفظ حق الشخص ضعيفه ودوائرنا ماشيه بالبركه
لكن الامن والامان الحمدلله حنا بأمن وامان وهذي نعمه عظيمه
والله يديمها علينا يابو ناصر  وبعدين العراق قصدي انه مظطرب امنيآ واهله يتمنون الفقر 
بس يرجع الامن والامان ماقصدي انت عراقي ونعم فيك انت وجدودك
وان شاء الله ماتهرب صوفة موترك ابد 

ولايك لك يابو ناصر

مشكلتنا ان الواحد يقدح من راسه 


بدون مايكلف نفسه البحث في قوقل عن مايحتاج لتغيير زيت القير او الدفرنس



كم سياره غيرت زيت قيرها و دفرنسها وماضربت ولاجاها شي


ترى الدفرنس يحتاج مع زيته ماده زيتيه اسمها الشائع معالج احتكاك 

تضيفه مع زيت الدفرنس ويضبط ميه ميه 

و زيت القير لاتركب اي زيت يقوله لك البنشري او عامل الورشه


لكل قير له نوع محدد تقدر تبحث عنه بالكتالوج 

قبل امس نقص زيت قير الكابرس 2008 عندي
قلت ابزوده رحت ابحث عند الغيار قالوا اي سي ديلكو III 
وهذا غير مناسب للموديل من 2007 و طالع


فاغلب السباكين هنا في شركه او غيرها يمشون على وضع طقها و الحقها 

وكيف ماضبطت ضبطت و ان انتكس ماله دخل ويخلي مسؤوليته


اعرف وش يخص القير و الدفرنس و ملحقاته و مايصير لك شي