أضف سؤال أو موضوع جديد          

مشتريها بدم قلبي

up 39 down 4
ssv8 1048
قبل 7 سنه و 5 شهر



السلام عليكم ورحمة الله وبركاته
أسعد الله ايامكم واوقاتكم يا أعضاء منتدى حراج 
اللهم أني أحببتهم فيك ، فأجمعني بهم في جناتك يارب


نخش في السالفة على طول ، ويمكن بعضكم إستغرب من العنوان 
السالفة أو القصة هذي صارت لي قبل شهرين تقريبًا !! 

كنت أتسوق في أسواق بنده ، المهم إني خلصت وطلعت أبغى أروح لسيارتي 
فـ يوم طلعت كان قدامي 3 بنات ، كل وحده معها عربيه وشايله أغراضها ، هم يمشون قدامي ووقفوا عند سيارتهم ، وسيارتهم طلعت جنب سيارتي بالضبط يسار سيارتي 
المهم وقفوا يركبون الاغراض بالسيارة ، طبعًا أنا وممكن أي شخص من باب الإحترام إنه يوقف بعيد وينتظرهم لين يخلصون خصوصًا إن سيارتهم ملاصقه لسيارتي ولا اقدر اركب . 
أنا وقفت بعيد أنتظرهم وجلست أقلبّ في جوالي . 
يوم خلصوا وركبوا أغراضهم ، تجي وحده منهم بتوخر العربيه ، فالله يجزاها خير إرجفت إم العربيه لين لزقتها في صدام سيارتي الخلفي ، مخشت الصدام وطيرت شوي من البويه
جلست ألعن بيني وبين نفسي ، يا ليل الليل وش هالغشامه اللي فيها . 
الصراحه إحترت يا شباب وش أسوي ، أروح أهاوشها والا اسكت ، واخترت الحل الثاني واسكت
المهم وأنا جالس في قمّة عصبيتي المطلقة أنتظرهم ينقلعون ، وحده منهم محترمه الصراحة أخذت العربيه قدام ويوم بغت توقفها رجفتها في الصدام الأمامي تحت الشمعة ويطلع ذاك المخش المحترم . 
باللحظة هذي شوي وتجيني جلطة ، ولعّت معي ، كان بيني وبين الإجرام شعره بس ، ينقصني مسدس 9 طلقات فقط 
تعوذت من إبليس وأسكت ، أما البنت الثالثة طلعت أحسن منهم وحطت العربيه في مكان بعيد . 

وقتها يا شباب السيارة جديدة ماشيه 1200 بس والصراحة كنت ودي أصرخ عليهم وأقول ، يرحم إمكم تكفوووون ترا مشتريها بدم قلبي


اللي أبغى أقوله بعد هالقصة : 
فيه بعض الناس وموب شرط النساء ، حتى بعض الرجال والأطفال ما عندهم أدنى إحترام لحاجات الناس 
وش ذنب اللي تعب وشقى عشان يجمع له مبلغ بسيط ويشتري سيارة جديدة يفرح فيها ، تجي أنت تمخشها أو تكسرها وتمشي 
فيه بعض الناس وأعرفهم أنا ، إذا جاء شيء بسيط لسيارته يعافها ويكرهها ، وبسبب إيش ؟ بسبب إنه شخص عديم إحترام فتح الباب على سيارته وطعج الرفرف 
وعلى فكرة يا إخوان ، ممكن دعوة وحده بس من شخص حكيت سيارته ، تروح سيارتك كلها للتشليح !! 

وعندي عتب على بعض الآباء ، يشوف ولده يفتح الباب على سياره ثانيه ولا يقوله شيء ، أو مثل ما ذكرت بقصتي ، يترك ولده يدف عربيات السوبر ماركت ويصقع في سيارات العالم ولا يقوله شيء 

بالأخير يا إخوان ، إحترام الناس موب بس بالكلام والاسلوب ، أيضًا بفعلك إتجاه حاجاتهم وفيما يملكونه 





وأتمنى بعد من المشرف ينقل الموضوع لمنتدى حواء ههههههههههههههه
خل بعض البنات يفهمون إن السيارة جزء من قلب الرجل ^_^ 




تقبلوا تحياتي 
والقصة صارت معي 
إخوكم ssv8 

في أمان الله 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هههههههههههههههههه
موضوعك على الجرح 
عاد رفرف سيارتي كله جروح وبويات سيارات المتخلفين :) 


up 0 down 0
ryan702 466
قبل 7 سنه و 5 شهر



انا مثلك بعض الاحيان تصير لي لكن ماقد صارت لي ان احد دفع عربية على موتري لكن مسألة الباب انه يرجف موتري


كم مررة صارت لي المشكلة اني استحي في ذا المواقف لأنك وش بتقول صحيح اني معي الحق بس وش اقول ليش ماشفتي ولا اروح اكلم الرجال ليش فعلت كذا تحسها شينة والمشكلة بعضهم قليلة حيا مع احترامي ترجف الباب وحتى الرجال ما يلاغيها مفهي المفروض تقول لها قبل ما تفتح الباب انتبهي لسيارات الناس انتبهي لاتردعين موتر اللي جنبنا وخاصة اذا كان قريب منك لأنك انت اللي ملبق السيارة وعارف ان الباب اذا انفتح كلها بيضرب في السيارة الثانية


لكن الواحد وش يقول مانقول الا الشكوى لله


تقبلوا مروري ووسع صدرك ياخوي لكن بصراحة لو انا مكانك بكلمهم بقول ماعليش يا اختي من باب احترام المفروض انك ترجعينها لمكانها الرئيسي او اقل شي توخرينها عن السيارات واسمحيلي على هالكلمة احرجها بهالكلام وصدقني يمكن تاخذها عضة وعبرة وتصير ماعاد تسويها


بالتوفيق للجميع


up 0 down 0
a.ibrahem 3169
قبل 7 سنه و 5 شهر