أضف سؤال أو موضوع جديد          

اللي يلحق الاسعاف او الدوريه في الدايري .. انتبه

up 20 down 9
بزبوز 169
قبل 4 سنه و 5 شهر



السلام عليكم


في ظاهره اشوفها دايم ... اذا جاك اسعاف او دوريه او اي سياره رسميه ماسك الدايري تلقى وراه زفة سيارات هههههه وكلهم ملحمين الصدام ف الصدام .. طبعا قصدهم الاسعاف يفك لهم الطريق 

وياكثر ماتصير حوادث منهم لهذا السبب ...


مره شفت اسعاف ماشي الظهر ع كبري الخليج رايح جهة المستشفى العسكري وقلت خلني الحم فيه رغم ان الطريق فاضي هههههههه الزبده كان ماشي حول 120 و ذيبان معاه ملحم ... وشوووووي  يكبس فرمل جامده لان قدامه زحمه فجأه هههههه  والله ياشباب اني بغيت ادخل خشم الكامري على الممرضين والمصاب هههههه 

وربك سلم وبعدها تبت الى الله توبتن نصوحا 

اتوقع لو لا لطف الله كان لزقت علامة تويوتا في جبهة المصاب هههههههه ... 
..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


جزاك الله خير علي التنبيه 
+1 


up 2 down 0
توسان 2011 1932
قبل 4 سنه و 5 شهر



سواء الطريق زحمة او فاضي تلحم فيه ليش اللي يشوفك يقول مستعجل عندك حالة بعد انت
حتى لو مستعجل الاسعاف يمشي قدامك يغطي كامل الطريق ما تدري قدامه زحمة او فاضي 
غير السيارة الصغيرة لو مشيت خلفها تشوف وش قدامها وتقدر تهدي قبل ما يمسك فرامل حتى


up 1 down 3
أبـو عبدالعـزيز -134
قبل 4 سنه و 5 شهر



معاك حق والله ظاهرة مزعجة جدا ولو بغيت تتجاوز القدامك ابن امك يخلونك تروح اليسار الا غصب عنهم كانهم ماشيين للجنة ومايبون احد معهم


up 4 down 0
benz lover 371
قبل 4 سنه و 5 شهر



هو انت من اللي ينشبون ورانا بالاسعاف 


ياخي عيناتك تضايقنا وتبلشنا ماندري ننتبه للي قدامنا 
ولا للي معنا و لا للي ورانا ولا للي جانبنا 


ليتك خشيت ف الاسعاف عشان تتادب وتعرف كم تكلفه الاسعاف اللي تشوفها

كلفتها مايقارب 500 الف 
جهاز واحد داخلها كلفته 95000 قيمه الكامري حقتك اذا هي 15 




up 9 down 15
xpoldx 1431
قبل 4 سنه و 5 شهر



^^ 
اتق الله الله يجزاك خير ولا تدعي على اخوك المسلم
وفعلاً الظاهره هذي منتشرة والله يهدي الجميع ويكفينا وإياكم الشر
والمفروض ما ازالوا طرق الكتف تكون للأسعاف وللأمن العام ويشددون على المواطنين لو عطلوها او ضايقوا الامن وسيارات الاسعاف
مو مثل الان دورية وحده تسبب حوادث وخناقات بالطرق ومشاكل عشان تفتح له الخط فيه والسبب خله على الله
او يفعلون دور الدرجات النارية في الطرق المزدحمه مو معقول يستلم صنف دراجه وواقف في مخرج يراسل واتساب


up 3 down 0
abo kayan-55 651
قبل 4 سنه و 5 شهر



ههههههههههههه لزقت علامة تويوتا في جبهة المصاب


up 1 down 1
muayad 1 766
قبل 4 سنه و 5 شهر



قصدق جبهتك اللي بتلزق في السلم الحديد اللي ورى 


up 1 down 3
أبو جـود 2749
قبل 4 سنه و 5 شهر



كنت اسويها بدائري بس مو اسعاف موكب هههههههههههه  تشوفه يفتح لك الخط وانا داعس وراهم   اذا تعديت الزحمه اسحب عليهم وارجع اكمل طريقي 

مره بدائري الجنوبي زحمه الله لايوريك سيارات متلصقه في بعض  ويجيك ذيبان كبسوله داعس ويكبس ومشغل سفالتي ووره فورد دوريه واجي واخش ورا الفور مباشره الى مادريت الى العالم وراي تلحقني كلهم يبون ورا دوريه 

ونمشي لحد مافتكيت من نص الزحمه وقلت خلنا نهدي  بس الاسعاف مالها داعي معه مصابين حرام تتسبب فيهم وتعطلهم 



up 2 down 1
سكودر 14928
قبل 4 سنه و 5 شهر



السلام عليكم ياشباب والله عاده شينه صراحة انا اذا شفت كيذا اخلي الإسعاف ولا المرور يمر جنبي وادخل وراه بسرعه وامشي عادي وأي أحد بيدخل علي عادي بالعكس اهدي وقوله تفضل عشان الناس تهدي مو تلحيم بالاسعاف ولا الدوريات. 


up 1 down 0
تركي بن خلف -60
قبل 4 سنه و 5 شهر



أتمنى من الأعضاء الكرام ان يكونوا اكثر ادبا في الرد 
بعض الردود مالها اي داعي حقيقة 
للأسف بعضهم يرد ويدعي كأنه يبغى مشاكل ويستفز صاحب الموضوع 


ياأخواني يجب ان يكون الاحترام متبادل بيننا 


up 4 down 1
alharbi turki 13
قبل 4 سنه و 5 شهر



يا ناس انا سواق اسعاف 


وماتكلمت كذا الا من حر ما نلقى 


الثانيه من حياه مريض قد تكون اخر لحظه في حياته 

فارجوا ماتعرقل سير الاسعاف لاي سبب كان 

من الخلف او الامام 

والله تكلفه الاسعاف لوحده 500 الف وحولها 

غير الاجهزه اللي فيها 



لمى ننصح ونشد في النصيحه 
يحسبون اننا نبي نضرهم ليش اضرك. يا اخي انا ابي لك السلامه


وللمرضى لهم حقهم في الوصول سالمين 
لهم حقهم في انهم يتضايقوا من مطارده السيارات وسط الزحمه


ارتقوا شوي 

لو احد فيكم وسط الاسعاف لاسمح الله 

وشاف السيارات وراه يلحمون

والله يتضايق ويزيده الهم همين

لاحد يصدم الاسعاف فيعطل المريض ويزيد من حالته 


و كل دقه بتعليمه 


up 6 down 1
xpoldx 1431
قبل 4 سنه و 5 شهر



يا اخوان انا من الدفاع المدني شيئين معذبتنا والله معذبتنا المواكب والمطاردات الي ورانا والتلحيم والتجمهر التجمهر التجمهر يجون الملاقيف والله انهم ارباك اطلع الاجهزه في محتجز في السيارات يقعد الواحد طلع طلع شيلو مدري ايش ماتعرفون سوي افعل ازعاج


up 0 down 0
سعيدان الزهراني
قبل 3 سنه و 8 شهر