بخصوص من يملك اكثر من سياره ولا يستخدمها الا فترات مؤقته

حاول تروح عليها مشوار كل فتره عشان لاتكربن واهم شي الكفر
يكون الهواء فيه مناسب عشان لايحبل

بتواجهك رجه خفيفه عند السير ع مشية 100 الى 120 كيلو 
لاتخاف هذي طبيعيه وتروح فورا

أخوي بالنسبة لي عندي 3سيارات وماأستخدم الا سيارة وحده
والباقيه كل أسبوع أشغلها لمدة من 20الى 30 دقيقة واحركها من مكانها ف الشهر مره

ﻷني مرة خليت السياره اسبوعين ماأحميها فكربن علي فاضطريت إني أنظف البخاخات

السلام عليكم اخوي انا معي سيارتين وحده دايم عليها بس للاسف بدأ يضرب مخها المهم نصيحه ومجربه مره خليت السياره 6 شهور واقفه بس اجي اشغلها لمدة 20 دقيقه ويوم جيت بسافر حركت السياره فيها رجه واضحه المهم رحت للعضيب الي بطريق الملك عبدالله قلت للفلبيني مهندس عندي رجه قالي رح غير الكفرات وتعال ارصص لك قلت لاتخسرني مبلغ فوق ال 3000 آلاف قال المهندس غير الكفرات وتعال واذا مو من الكفرات راح ادفع لك قيمت الكفرات قلت اوكي والله وغير الكفرات وفعلا الفرق واضح من أول ماطلعت من البنشري المهم اخوي خلك مثلي وانا ارتحت والله صرت كل أسبوعين أشغل السياره واغسلها وارجع اوقفها اتمني افدك خوي

+ لايك للجميع وبتوفيق للجميع 

عطني السيارتين وترتاح من الهم 

شغلها اقل شيء مره بالاسبوع ولابد من تحريكها عشان الكفرات ما تحبل
ومن ناحية اخرى عشان المساعدات والجلد ما تنشف وتخرب
مره بالاسبوع ولو تمشي فيها داخل الحاره 3 او 4 دقايق مشي تكفي 

لاتنسى تزود ضغط الكفرات لان السياره اغلب الوقت واقفه

شوف المعارض لازم يزودون الضغط مثلا اذا كان 30 خلوه 40 عشان مايتأثر على الكفر من الجنب    

خذ العلم انا عندي جيب واقف له ست شهور

المهم اني كنت اسبوعيا اشغله واطلع عليه مشوار قريب ( صيدلية مخبز بقاله او اروح اغير زيته ) يعني نادر اروح مشوار طويل

يوم دخل الشتاء بديت استخدم الجيب اكثر او شي طلع لي صوفتين الكفرات منتهيات كان المفروض اعبيهن زود هواء عشان الوقفه مع الخطوط لاحظت المساعدات ماهن مثل اول بس بحكم اني ماكنت اسرع عليه ولا امسك به خط ماادري

احسن شي كل اسبوع بالكثير تطلع بموترك مشوار او مشوارين بعيد ماهو فره بالحاره وتوقفه الا اطلع اقل شي مشوار ساعه او اكثر 

خذ العلم انا عندي جيب واقف له ست شهور

المهم اني كنت اسبوعيا اشغله واطلع عليه مشوار قريب ( صيدلية مخبز بقاله او اروح اغير زيته ) يعني نادر اروح مشوار طويل

يوم دخل الشتاء بديت استخدم الجيب اكثر او شي طلع لي صوفتين الكفرات منتهيات كان المفروض اعبيهن زود هواء عشان الوقفه مع الخطوط لاحظت المساعدات ماهن مثل اول بس بحكم اني ماكنت اسرع عليه ولا امسك به خط ماادري

احسن شي كل اسبوع بالكثير تطلع بموترك مشوار او مشوارين بعيد ماهو فره بالحاره وتوقفه الا اطلع اقل شي مشوار ساعه او اكثر 

أول شي الله يعطيك خيرهم ويكفيك شرهم

ثاني شي وحده للمشاوير والثانيه يوم الجمعه تحركها لكم مشوار والثالثه يوم السبت وأفضل مده أسبوع كنت عندي سياره وقفتها شهر وللأسف البطاريه انعدمة

اذا كانت السيارتين الثانية قديمة حاول انها ما تبطي لأنها تكربن بزيادة او حتى اذا كان 8 سلندر يقعد يغثك اذا ابطى ما اشتغل يتنافض وحالته حاله

افضل حل كل اسبوع شغل الثنتين كل وحدة يوم يعني خمس ايام للجيب ويوم لذي ويوم لذي

او اذا جاء مشوار قريب وسط الحي ومنتاب مستعجل شغل وحدة منهم وامش فيها عشان يتحرك الزيت والكفرات ماتخرب وايضا البنزين الخ .....


والراي السديد والمهم لو انك ما تحتاجها وكلها ملكك وتشوف انها مالها لزمة بعها واستفد من فلوسها


بالتوفيق

اخوي خذها مني نصيخة ..هذي وساوس واهتمام زايد مايخرب مواترنا غيره سياراتنا مو نظيفة والسبب اهتمامنا بشغلات مثل هذي واهمالنا الاشياء الأساسية. 

شف اذا كل اسبوع تشغلها وتطفيها بدون ماتمشي تری هو اللي بيكربنها وخاصة لو تقدمها شوي وترجعها . افصل البطارية افتح الدرايش 1 ملم تقريبا وارفعها اذا قدرت..واذا ما حبيت توقفها مدة طويلة تطلع اطلع كل شهر مشوار عادي بس مو صيدلية وبقالة هههه 

ياخوان سيارات المعارض والوكالة مبطية وقافي