أضف سؤال أو موضوع جديد          

ماهي الأشياء المطلوبة لشراء سيارة ؟

up 0 down 1
أبو حمد2010 31
قبل 4 سنه و 6 شهر



السلام عليكم 
اسعد الله مسائكم
كيفكم ياشباب .. 
انا عندي مبلغ وابشتري موتر صغير
صني .. أو اكسنت .. او ريو .. وحاب اشتريه من المعارض 
لكن المشكله رخصتي منتهيه وعلي قسايم مبلغ كبير ..

هل أقدر أشتري سيارة والرخصة منتهيه ؟

واذا اقدر وش افضل معرض واسعار للسيارات الي فوق !

لأن الوكالة طالبين الرخصه .. فما أدري عن المعارض ..
أتمنى الي يعرف المعارض وسبق واشترى منها وايش الاوراق المطلوبه يفيدني



وجزاكم الله ألف خير 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته
مالك الا تحطها بإسم احد اخوانك او اقاربك غير كذا لا تتعب نفسك ابدا


up 0 down 0
أبـو عبدالعـزيز -137
قبل 4 سنه و 6 شهر



معارض الشرقيه **


up 0 down 0
أبو حمد2010 31
قبل 4 سنه و 6 شهر



سجلها باسم احد تثق فيه 

مثل اخوك امك ابوك 


up 0 down 0
coco13 883
قبل 4 سنه و 6 شهر



عليك مخالفات عندك سيارة تقدر تبيعها عادي وتنقلها لـ المشتري 
بس انت ماتقدر تنقل  سيارة لـ اسمك لين تسدد المخالفات اللي علييك 
والرخصه مالها شغل شفهم يحطون سيارات باسماء حريم 
مالك الا تسدد المخالفات ولا تحطها بأسم احد من اخوانك 


up 0 down 0
w.asa 2057
قبل 4 سنه و 6 شهر



لو نقول لقيت معرض بيسجلها لك بدون رخصة او برخصة منتهية وشلون المخالفات ؟؟؟ ما تقدر ومستحيل !


اذا الموتر كاش ما اعتقد بيطلبون منك المعرض رخصة لأن مالهم دخل اجرائتها مثل اجراء شراء سيارة مستعملة لكن الجديد بالاقصاد اذا كان ايجار منتهي بالتمليك من وكالة ولا شركة مثل اليسر وطقتها اعتقد يطلبون الرخصة


الحل الافضل انك يا تسجلها بأسم احد من اخوانك او ابوك وامك ولا الله لايهينك تسدد مخالفاتك وتزبط امورك وتفك عمرك ترى مردك مسددها طال الزمن ولا قصر وخلك على الاقل تسجل موترك بأسمك وترتاح وقت مابغيت تدق سلفه لينه باسمك ان بغيت تبيع ان بغيت تطلع به برا السعودية على كيفك الموتر بأسمك


تقبل مروري بالتوفيق


up 0 down 0
a.ibrahem 3189
قبل 4 سنه و 6 شهر



حطها بأسم أحد من عائلتك 

لانها لازم تسدد المخالفات

اما الرخصه غير مطلوبه


up 0 down 0
ألو مرحبا 1892
قبل 4 سنه و 6 شهر



انا بشتري كاش ماتتحول باسمي بالبطاقه
ضروري الرخصه ؟


up 0 down 0
أبو حمد2010 31
قبل 4 سنه و 6 شهر



المعذره النت بطيء
وتوني اشوف الردود 
بيض الله وجيهكم 


up 0 down 0
أبو حمد2010 31
قبل 4 سنه و 6 شهر